南瓜兄妹@2017/2018 流感針(四價流感疫苗)

26/11/2017 (5Y2M8D + 3M8M6D)

流感針，年年都打 ......... 始終「預防勝於治療」

今年係樓下會所打，南瓜兄妹都係免費！！

而我，我都有打，hd 就話唔打，佢唔打我都無理佢啦........

一早已同南瓜兄妹講要打針，佢兩個都話唔打，我地當然同佢講左「打針」既重要性，不過我有我講，佢地有佢地唔想打！！


打針當天，由我打先，希望佢地知道打針唔係好痛既事，我已經話唔痛，但到南瓜妹時，南瓜妹喊到唔停 ........... 打完幾分鐘仲係喊！=.=

南瓜仔呢！？都係喊，仲話好痛、好痛、好痛 (心諗，有幾痛呀！？=.=)

打完針，就出發同南瓜仔前班主任影碩士畢業相！！