南瓜仔@慶祝4歲生日

我一心諗住去會所攪生日會 (都係只邀請屋企人)，點知臨 book 前一個月打去問，原來撞正會所攪「中秋節晚會」，再早一星期或遲一星期都無得 book ><

唉 ...... 當時南瓜仔仲係我身邊，當佢知道無得 book 時 (因一早就同佢講會係會所攪生日會)，佢既反應係...........

南瓜仔：「媽咪，唔緊要啦，係屋企攪囉！」

呢一刻，覺得南瓜仔大個左好多！！

不過，我最後無係屋企攪生日會，因為屋企太細，所以都係出街食餐飯就算！^^

為左方便屋企人，就揀左提前一日慶祝........


18/09/2016 (47M30D)

揀左 Ruby Tuesday，因為有薯條食囉！！

又為左表哥 (啱啱升小一，仲未好適應，要早點回家)，所以18:00就開始食，19:10食蛋糕，19:30 bye bye，所以時間上好緊迫 ><

↑都係 hea 攪，但 hd 都整左個「汽球蛋糕」俾佢，仲有兩兄妹幫手添！！


↑ 生日，又點少得生日蛋糕呢！？呢個蛋糕係南瓜仔自己揀，但指明要有玩具，啱哂佢 ^^，仲有生日禮物添 ......

臨瞓前，同南瓜仔傾計，我就同佢講：「你知唔知4年前既今日，媽咪好痛好痛同好痛呀！？」

南瓜仔：「我又點知姐，我都未出世！」

咁又係喎！佢又點知呢 .......哈！哈！


19/09/2016 (48M)

正日生日，無特別慶祝！！


↑ 只買左個蛋糕俾南瓜仔，而呢個蛋糕係南瓜妹揀 ^^


媽咪祝你「快高長大」、「健健康康」、「開開心心」！！

南瓜仔@48個月

19/09/2016 (48M)

4歲啦！！

個子矮小，仲係好 bb 樣，一點也不覺4歲！哈！哈！

已經有自己既性格，有自己既思想，唔再可以呃你......

作為媽媽，最希望你健健康康、快快樂樂。


食
食野進步了不少，仲係有偏食(唔係菜)，可以食得哂全碗飯，不用大人餵食，但就"提"住要食飯囉！！


瞓
返學有午睡！

晚上，越來越夜瞓，由9點半變到現在10點半，甚至11點半先瞓，攞命 ><


發展
- 可以用花灑沖涼 (46個月)，雖然係遲左d，但對一個怕水既小朋友已經進步了不少，而南瓜仔會自己調水用花灑，自己塗沐浴露 (洗頭仲未得)，希望 K3 可以自己完成哂！

- 已經再無抱 (有時太攰，hd 先會抱)


學習
升左 K2 後，功課就多左(k1 係學校做哂)，南瓜仔係唔習慣，但現在應該接受左！(我都知道辛苦，但係香港讀書無法啦......)

同班主任傾過電話，大致上沒有問題，都係提番家長黎緊既課程會越來越深、亦越來越快。 (呢個唔係單一南瓜仔學校，係無論學券定非學券，都真係深左好多 ><)

K2 係好重要一年，大部份直資/私小會係 K2 (6月)開始 - K3(11月)，除了學術，仲有德育、閱讀習慣、自信心等等等等既野 ......

現實又講俾我知，龍年 + 細 b + 男仔 + 無背景 (唔係名校畢業/非專業人士) + 內向 +不是資優生，真係要考到真係不容易。

都係一句，平常心，係香港唔會無書讀，而且我深信無論咩小學，只要小朋友努力讀書，一定會升到好中學。(不過內心都係想入到一間好既小學)


其他
間唔中 (定係時常呢！？)同南瓜妹爭野，亦好鐘意 "報串" (妹妹一做錯野就四圍講)，不過我都知道南瓜仔是錫妹妹的，出街會主動拖住妹妹。

親子好去處@黃金海岸 + 公眾嬉水泳池

11/09/2016 (47M23D) + (29M21D)

目的地：黃金海岸 ((WE 華充氣嘉年華)

原本諗住尋日(星期六)去，點知全日都落住雨，唯有留在家中 .......

好彩第二日天氣好好，可以去玩啦！！

事前已經知道無野啱南瓜妹玩，無法，未夠高！

而南瓜仔有 90cm以上，可以玩大部份遊戲 ........

- 賽車維修站 ($50)，南瓜仔仲未識控制，要hd幫手

- 宇宙觀星船 ($50)，玩在一陣就話唔玩 ><

- 懸浮射擊($10)，由見到就話要玩，但其實佢係玩唔到

- 流沙 ($50)，當然玩到，但唔值囉

- 手工($50)，呢個係最正，可以有2個相架，南瓜兄妹各一，仲可以帶埋返屋企！

之後食完午餐，就回家 ......

南瓜兄妹就係車上瞓左！

返到屋企後，就同南瓜兄妹去游水 (係唔係好癲！？但南瓜妹已經了好多次要同南瓜仔游水，見天氣咁好，無理由唔去！？)

原本我諗住樓下會所玩，但 hd 話要去公眾嬉水池玩喎！？佢話咁先叫玩！？？？算吧！佢話去咪去 .....


目的地： 公眾嬉水泳池

南瓜兄妹入到去雙眼已發光，仲估唔到南瓜妹夠膽玩滑梯，仲玩左20次以上，咪話唔攰 ......

南瓜仔當然又玩啦，玩到完全無視我！

差不多完左1小時，就回家沖涼，再出發去母親大人屋企食飯 .....


呢個行程，我就好攰啦 .........

南瓜妹@厭食

若有睇開我既blog，大家都知南瓜兄妹係超級厭食 ........

南瓜仔：2個月就厭奶，之後轉糊仔、粥、飯都係唔多食，日日都係打扙咁，餐餐食成個鐘。不過只從 K1 轉左全日制後，南瓜仔就進步左，起碼唔駛餵食，而且大部份時間都食得哂 (唔係好大碗)，只係要我地不斷 "提醒"佢要食飯！！

南瓜妹：嘔奶嘔到6個月，之後食野都係麻麻地 (都食包、湯、水果)，但都可以接受 ...... 可惜越大就越唔食野(連包、湯、水果都係食得少少，就連奶都好多時飲唔哂)，餐餐都係食得幾啖，最勁試過一啖都唔肯食(午餐)，諗住晚餐佢會餓，點知都係食得唔多，南瓜妹係乜構造！？？點解可以食得咁少！？？？？

食飯又煩，一陣又話要用大人匙、一陣又話要用筷子、一陣又話要水，煩到呢 ........ 我都會配合佢，但佢唔配合我呢，都係唔食！

所以現在主力係解決南瓜妹既厭食！！

作為家長當然會試下唔同方法令小朋友食野，獎有獎過 (獎貼紙、去公園、零食、買玩具)、罰有罰過(罵、罰企、唔俾玩玩具)、睇手機送飯、問佢地想食乜，就煮乜。

食材方面，乜都試過......粥、粉、麵、飯、包、薯條，通通都試過哂，失敗！

hd 就試過用心思令南瓜妹食多 d ......

↑ 兩個小朋友一見到當然 "爭" 住食啦.....

南瓜仔就成功左，唔駛提都食哂所有野！yeah ~~~

可惜南瓜妹就失敗，南瓜妹只係"爭"住，但無食落肚 ><

妹妹呀！妹妹呀！你點先肯食野呀！？？

親子好去處@【2016 暑假】完結

暑假已經結束啦 (唔.....其實南瓜兄妹15/8已開學！哈！哈！)，去過咩地方玩！？

澳門三天遊(大潭山郊野公園滑草場、 童夢天地、澳門科學館、大三巴、華納滿 fun 童樂園)、迪士尼、科學館、美荷樓、書展、愉景灣、西貢、黃泥涌水塘公園、香港動漫電玩節、園圃街雀鳥公園、金管局、慈山寺、賣旗、樹屋田莊、遊學園、冒險樂園、各大商場(將軍澳中心、moko、IFC、九龍城廣場)、會所等等.......

可以帶到佢地去咁多地方玩，真係少 d 精力都唔得！！


特別係南瓜爸，因為我好多時都要返工 (hd 就放假)，所以多數都係 hd 一拖二帶佢地出街，又沒有用推車、又沒有人幫手，仲要帶佢地去咁遠 .......或都你地會問：「咁工人呢！？」

我同 hd 都係唔鐘意帶埋工人出街既人，點解！？有工人姐姐幫忙會好d，但始終覺得帶小朋友出街係父母做既事，所以由南瓜仔出世去今，只係帶過1次工人姐姐出街(而這次係因為 hd 唔得閒，而我亦沒有 hd 咁勇)！！


當我覺得小朋友可以日日去玩，係一件開心事時 .......

我身邊既朋友就話我：「仲乜日日帶小朋友出街！？唔駛去咁多架！」、「你唔攰，小朋友都攰啦......」、「日日咁玩，返學一定唔習慣啦！」、「咁曬(指陽光)，好心你唔好帶佢地出街啦，睇下你(即係我)，黑成咁！」 .......

不過我無理我 d 朋友 ^^，現階段我想帶南瓜兄妹出街玩多d！哈！哈！


除左出街玩，南瓜仔都 keep 住上恆常興趣班，除左游水唔係佢揀外 (最初佢話唔學，好彩之後都話鐘意)， 其餘都係佢自己話要學。

而暑期都有額外上多1個興趣班.......

南瓜妹呢！？無安排任何興趣班，不過我內心想佢學芭蕾舞 (這是我小時候既夢理)，不過真係太細，等南瓜妹再大少少先學啦！！


最後，南瓜仔當然有(學校)功課啦，不過只係得十幾頁紙，3日已經做哂！(最攪笑南瓜仔同學，臨開學前一日先知有功課做)。

南瓜妹係無功課。

親子好去處@Play Academy + 樹屋田莊 + 表哥生日會

28/08/2016 (47M9D)+(29M7D)

是日早上，我同hd分別帶小朋友去唔到地方玩 ........

目的地：Play Academy (遊學園)

我就約左南瓜妹舊同學去玩，點解唔帶南瓜仔！？因這個場都不太適合南瓜仔玩了(呢個場啱南瓜妹既年紀多d，咁當然帶佢去玩佢會照玩)，所以 hd 帶南瓜仔去其他地方啦！！

南瓜妹暫時只講到2個新同學既名，其他都講唔出，相信都要一段長時間先會講到大部份同學名！

而南瓜妹並無忘記舊同學，佢地既全名南瓜妹一一記住 .........

每當1個同學出現 (我地約左入面等)，南瓜妹就好開心，大大聲叫同學既全名！！

見到班小朋友玩得咁開心，自己都開心！！

我地玩到12點就走人，我要安排南瓜妹午睡後，再去表哥生日會！


目的地：樹屋田莊

是日，開放日！

hd 同南瓜仔已經好早出發，但要排2小時以上先玩到樹屋！？？？

hd：「我排得好前，但前面有1個家長幫5個小朋友排，個個都係咁 ........... 無法，得我1個排，唔可以兵分兩路..........」(我都明白，若我一大班人去玩，我都會咁安排)


hd 話南瓜仔完全唔怕玩樹屋，佢仲以為南瓜仔會喊添！！

玩到兩點半就走人啦，南瓜仔就係車上瞓 ........


目的地：表哥生日會

待南瓜妹午睡完後，我就出發去表哥生日會 ......

而南瓜仔同hd 隨後先到！！


表哥6歲，所以黎參加既小朋友應該咁上下年紀，家姐安排左1個大型既吹氣滑梯，嘩 ....... 佢地玩得好癲(我明既，我相信南瓜仔過多2年後都係咁)，南瓜仔仲可以玩 (我係附近睇住)，南瓜妹真係完全唔適合，所以只係襯無乜人時快快玩幾次。

玩完就去食晚餐，就快快回家休息！！

親子好去處@IFC(Harmonic Motion)

24/08/2016 (47M5D)+(29M3D)

目的地：IFC(Harmonic Motion)

我同hd都試過上網 book，但無一次成功 book 到 ><

但突然友人因事未能去，所以就俾左我地！！yeah ~~~~~

不過就只得3個位，咁就由輕巧既我陪玩啦！！

由於book既時間係 17:30 (要早10分鐘到場)，但我放工時間係 17:00，所以 hd 就要飛車去，去到 ifc 時已是 17:27，我就抱住妹妹飛奔去會場，而 hd 就同南瓜仔泊車 .......

我去到時，啱啱係 17:30，yeah (怕遲到，俾左其他人玩！)

南瓜仔最初都話自己玩唔到，咁我就推去 pat pat 上去，之後就爬到上去！

而南瓜妹都係要用力推佢 pat pat，佢先爬到上去 ......

上就比較困難，落就好快，佢地好快就落左地，之後又爬上去，而最辛苦就係我，又要睇住佢地，又要影相！ (hd 仲話我影得唔靚，又咁少相 ><)

之前睇到 blogger 講個網有 d拮，但我就唔覺拮，而係覺得好 "冼"，係非常之"冼"，我完全推唔到妹妹再上高位，因為未上到三分一就"冼"左落黎！？係唔係我有問題呢！？？

玩完之後，南瓜兄妹仲講：「媽咪，我地聽日再黎過！」

唔 ....... 應該唔會再黎玩，咁難book！哈！哈！


P.S：點解朋友會 book 到！？因為佢除左 email 資料外，其他都係亂打 (即姓名打：kjjc)，佢仲講：「認真就會輸！」，唔怪得我唔夠佢地快啦 ~~~~~~

親子好去處@賽馬會創意藝術中心(樹睦人和)

20/08/2016 (47M1D) + (28M30D)

目的地：賽馬會創意藝術中心(樹睦人和)

是日，上午我要返工， hd 就帶埋兩個小朋友接我放工，就去食午餐！！

之後就出發啦！！

呢兩個小朋友就係車上瞓左，等佢地瞓醒左就去玩啦 ~~~~~

南瓜仔一開始就扭計(應該未瞓夠)，又話唔去玩，又話地下 dirty，n 咁多個藉口 ....... 不過當玩左1次後，就不停咁玩！！

期間，有個小朋友大力推南瓜仔，南瓜仔就跌左地上(當然有喊)，hd就同小朋友講：「不可推人架！」

小朋友(好惡既語氣)：「佢阻住我呀！」(其實南瓜仔係無阻住佢)

之後小朋友家長就出現，小朋友家長同小朋友講：「小朋友玩，有碰撞好正常，你 (指小朋友)要小心d，否則 d 人以為你好曳！」(連 sorry 都無講 ><)

當我聽到呢番說話並沒有出聲，作為"外人"都不應去評價點去教小朋友 (個人覺得，無論有意或無意推倒人落地，都係需要講"對不起")，當然若對方作為太惡意行為，而傷害自己小朋友當然會出聲啦 (南瓜仔仲係未夠4歲，作為家長都要俾適當既保護，既然hd之前己出左聲，我都無必要再出聲)！

玩到最後，咁一定要去洗手間啦 ........

而我最怕係去 dirty 既洗手間 (諗起要抺 dirty 既洗手間就 ><)，由於南瓜妹已戒片不可不去 (無得避)，又估唔到佢地既洗手間又幾乾淨！！

親子好去處@冒險樂園

18/08/2016 (46M30D) + (28M28D) 

3號風球，停課一天。

我好少帶佢地去冒險樂園玩，真係好高消費 ，最平都要6個代幣 (1個代幣 $2，咁當然你買得多就優惠越高，即係買$1000，就有1000個代幣，但我唔會買咁多囉) ><

不過見係屋企樓下，又落住雨，去唔到公園玩，就去玩下啦！！

 ↑ 玩保齡球要11個代幣 ><

南瓜妹真係大個女，等 hd 放工後 (事隔6小時)，可以順序講俾 hd 聽玩左 d 乜，最鐘意玩 d 乜！！

親子好去處@【2016 暑假】南瓜仔同學仔會所

14/08/2016 (46M26D)+(28M24D)

目的地：南瓜仔同學仔會所

臨開學前一日，我就約左南瓜仔同學出黎玩！！

約會時間正正係佢地午睡時間，我就提早俾佢地係屋止瞓，最後南瓜妹瞓左1小時，而南瓜仔就無瞓到！

我仲諗住南瓜仔係車會瞓，可能佢太開心，所以都無瞓到 ><

呢班小朋友一見到個吹氣彈床，開心到呢 .......


↑ 唔好睇少呢個吹氣彈床，南瓜仔足足玩左2小時未停過 ><

由於南瓜仔無午睡，去到中途就扭計，hd 見到佢咁扭計就話要早點走，所以個 party 未完我地就走左啦！！

南瓜仔上車無耐就瞓左了 .......

親子好去處@【2016 暑假】賣旗日(小童群益會)

求學時，我十分樂意買旗。

長大後，開始知道某些機構係"呃錢"，善款係去左行政開支而不是幫助有需要既人，所以我是揀信譽良好既機構先買。

到做了媽咪後，諗法亦改變了，若是家長陪同小朋友一齊賣旗，我會買。若同南瓜兄妹一齊，我亦會買。

而我一直都想帶南瓜兄妹賣旗，但首要係間機構真係會幫助有需要既人。咁啱南瓜仔參加左小童群益會既暑期班，知道佢地有賣旗活動，我地就參加左。

賣旗前一日，我已簡單同南瓜兄妹講賣旗既意義及目的，南瓜仔就好似明明地，南瓜妹肯定唔明。

13/08/2016 (46M25D)+(28M22D)

目的地：屋企附近

一開始，我同南瓜妹就同南瓜仔賣旗，而hd同南瓜仔就同南瓜妹賣旗，之後就出發啦………

同我預計一樣，好多人幫手賣旗 (>_<)，都知道"生意"難做，我就揀左無咁曬地方+小巴處賣旗。

有人會視而不見/有人已買左旗/無零錢等，但亦有人主動買旗/買完又買，我想部份人(長輩及一家大細)主動買，係因為南瓜兄妹，兩個矮小既小朋友，仲要滿頭大汗，真係好難拒絕，哈!!

南瓜仔:「點解有咁多人買左旗!?」
我:「因為有好多人幫手。」

南瓜仔:「點解d人唔買!?」
我:「佢地有得選擇買唔買，佢地唔買總有佢地原因。」

南瓜仔雖然無拎旗袋，但有主動叫人賣旗，亦幫人貼上(由於佢唔夠高，貼左人地條褲度)，最後會講多謝哂同bye bye。

南瓜妹呢!?只係肯跟住尾同埋講多謝哂，去到尾段就唔肯行，要抱住………都算係咁，天氣又熱，又要企，可以賣到咁耐算係咁。

我地賣到11點多就去還旗袋，之後食埋午餐就返屋企，雖然無乜點勞動……但我就攰到死。

親子好去處@【2016 暑假】九龍城廣場

南瓜妹既4日適應班，我請了3.5日假 ......

頭2日，hd 要返下午
第3日，約了母親大人飲茶
到了第4日，我下午就要返工，但真係好想帶佢地出去玩，所以就揀左去九龍城廣場！！


11/08/2016 (46M23D)+(28M21D)

目的地：九龍城廣場 (夏日運動會)

南瓜妹完左適應班後，就出發啦 ~~~~~~

時間尚早，好多餐廳都未開門，最好既選擇就只有酒樓！！

食食下，南瓜仔：「我要 poo poo！」

同完南瓜仔去完洗手間，坐唔夠1分鐘 ......

南瓜妹：「我要 poo poo！」

我又要去洗手間 .......... (其實點解 hd 可以一拖二出街！？當佢地其中一個去洗手間時，咁 hd 會點！？ hd ：「出發前去左洗手間，咁未得」)

南瓜兄妹見到個場時，雙眼已發光........但由於要電子消費 $100 以上先得一張入場券，所以得南瓜仔有得玩，而南瓜妹就 "搭單" 玩埋咋！！

↑ 彈力投籃王、golf！一桿入洞、足智守門員、射制得分王，仲有任玩既 mega block！！

其實我地只係玩左25分鐘，因為我要趕時間返工，不過南瓜仔已經玩得好開心，yeah！

親子遊世界@【2016 暑假】澳門 - day 3

06/08/2016 (46M18D) + (28M16D)

目的地：澳門

我又係晨早六點幾就醒左，我就拾下行李 (點解我拾咁耐！？？)

07:30 起床

08:00  酒店早餐

再去同一酒店餐廳 "鮮"。

食完早餐就上酒店，再拾下d野，check out 埋！


10:30  華納滿 fun 童樂園

地點：新濠影滙三樓
收費：$200 首2小時 (一大一小)

真係覺得無乜野玩，得4-5個 ......

南瓜仔最鐘意唔係駕駛車，而係一個好細好細既波波池上既電視機 (tom and jerry)，佢對眼係完全無離開過電視機囉！！

推介指數：●●●


13:00 午餐

係附近餐廳食，不過南瓜兄妹食食下就瞓左啦！！


14:00  行商場

↑ 南瓜兄妹就醒左，去左新濠影滙影下相！


14:50 出發去碼頭

15:15 上船

三日兩夜既行程就完結啦！！

行程都十分順利，南瓜兄妹都玩得開心 ~~~~~

期待下次搭飛機！！

親子遊世界@【2016 暑假】澳門 - day 2

05/08/2016 (46M17D) + (28M15D)

目的地：澳門

我晨早六點幾就醒左，仲瞓唔番添 ><

07:30 起床

08:00 酒店早餐

食完早餐，再上去酒店房去下洗手間，咁就出發啦！！

我地就搭的士去，車費約 $90。


10:00 澳門科學館

地點：澳門科學館展覽中心二號展廳
費用：成人$25，小童 $15

真係超抵玩，真係可以玩3小時以上，最好玩當然係玩 "起屋" 啦，我地去到時無人排隊，亦無時間限制，小朋友們真的好勤力咁起屋！哈！哈！

而其他展館都有好多野睇，例如：模擬駕駛車、音樂區等等！

推介指數：●●●●●


12:00 官也街

係呢個時間，就會合埋我其他屋企人 ......南瓜妹係的士上已瞓左！

午膳，我地揀左小飛象，因為太忙照顧南瓜仔，所以無影相，食物質素都 ok。而南瓜妹係我地食到最尾段時就醒左！！

食完飯就行下，買下手信，不過我就無買........去到官也街當然食木槺布丁，不過南瓜仔唔多欣賞，係都要食雪糕！！


15:30  大三巴



呢度係我地自己額外加的，因為 hd 話下次黎澳門都唔知幾時，所以要帶小朋友黎大三巴睇下喎！

係搭的士期間，南瓜仔就瞓左，不過去到目的地時，佢就醒左！！

嘩！呢度多人到呢 ......... ><

影完相就返酒店！！


16:30  酒店游水

唔……我去咁多次旅行，係第一次去酒店游水咋，哈。

南瓜仔最初唔敢游，但過左20分鐘就肯同 hd 游水，而南瓜妹就游得不知幾開心，叫佢走都唔肯走人！！

游完水就返酒店沖涼，再出發去食buffet！


18:30  晚餐 (Sheraton Hotel)


我地揀左食 buffet，佢地既海鮮真係好好味，價錢約$400一位，香港未必食到。(帶住兩個小朋友，連照食物既機會都無乜！><)


20:30  回酒店

我就負責拾行李，hd 就同南瓜兄妹玩！！

親子遊世界@【2016 暑假】澳門 - day 1

今次旅程係一家16口，不過就分開兩批出發，一批 3D2N，另一批 2D1N，我就選擇左 3D2N！！

而今次行程由屋企人安排，都係以 hea 為主，亦為小朋友為中心。

第一次同小朋友旅行，呢個媽媽真係緊張，早三日已經開始拾行李，hd 仲笑我似小學生去旅行，不過我真係怕自己會拾漏野 .......... 


04/08/2016 (46M16D) + (28M14D)

目的地：澳門

約左去上環信德中心食左野先！！

12:30  上船

上到船，最好當然係瞓覺啦 (我晨早7點幾就叫醒左佢地 ^^)~~~~~


14:30  到達酒店 (Sheraton Hotel)

我地揀左雙人大床，因為實左太多朋友分享，小朋友瞓瞓下跌左落床，我同 hd 夾住佢兩個，應該唔會跌落床掛！？(最後當然無跌落床啦！)


15:40  大潭山郊野公園滑草場

我地由酒店搭的士，車費約 $60。


地點：氹仔天文台斜路

天氣不是太熱，最重要係唔多人，所以班小朋友可以玩n次。

最初南瓜仔係大人陪玩，但玩多幾次就自己一個玩。而南瓜妹就大人陪玩，南瓜妹仲要自己拎番個滑草板上返去，唔俾我地幫，但佢行得真係好慢好慢……

呢度仲有遊樂場，可惜我地無咁多時間，所以無玩到就走了！

不過回程時就無的士，唯有行落去，去到附近有間酒店，再經酒店去機場，咁先有的士搭。

推介指數：●●●●●


17:00 童夢天地


地點：新濠天地三樓
費用：$150 首2小時 (一大一小)
服飾：長袖衣服 + 長褲 + 襪

真係幾好玩，幾個小朋友玩到癲哂。

有滑梯、波波池、跳床等等，有得扮公主、三眼仔添，仲有啱年紀小既遊樂場 (馬仔、小型波波池)：

推介指數：●●●●●


19:30 晚餐


↑ 去左附近既 Hard Rock Cafe (只影了部份既相)，味道及環境都不錯。


20:30  回酒店

屋企無浴缸，所以黎到就俾佢地"游水"，南瓜兄妹不如玩得幾高興，不過就要煩到hd洗浴缸。

親子好去處@【2016 暑假】慈山寺

hd 約埋母親大人去，而我呢！？當然要返工啦 ><........


03/08/2016 (46M15D) + (28M13D)

目的地：慈山寺

去慈山寺參觀，係要網上預約，而衣著以莊重為主，不能著背心或短褲。

天公造美，沒有風雨！！(其實我臨返工前，我再三叮囑唔好俾南瓜兄妹淋雨)

hd 話全程最開心係婆婆，婆婆仲帶南瓜兄妹去拜觀音添 (我都估到)，可能呢個係 hd 叫埋婆婆去既原因！？

親子好去處@【2016 暑假】IFC (金管局)

【2016 暑假】爸爸單拖系列：五

01/08/2016 (46M13D) + (28M12D)

目的地： IFC (金管局)

唔....... hd 帶小朋友去既地方，真係無必父母會帶去！！

當我見到 fb 時 (無錯，我係睇 fb 先知佢地去左邊度玩) ，我真 O 左咀 ........

呢度睇d乜！？？

↑ 點印銀紙、分辦真假鈔票，仲有可以飽覽港島景色添！！

hd 最後感謝接待處小姐，俾左每人一張訪客證，我相信南瓜兄妹乜都爭一餐！哈！哈！

親子好去處@【2016 暑假】Moko 新世紀廣場 + 園圃街雀鳥公園

30/07/2016 (46M11D) + (28M9D)

目的地：Moko 新世紀廣場 (超酷夏日派對)

係 fb 見到朋友去玩，所以就帶埋南瓜兄妹去 .........

玩佢地遊戲好抵，只要一張電子消費單(不限金額)，就可以玩2個遊戲，我地就去左一田買4友飲品，拎左4張單！！


↑  釣水母(釣左6條有獎品)、跳單床、划船 (90-130cm)、鎚漢保包

估唔到南瓜兄妹最鐘意係釣水母喎，反而跳單床就跳左一陣就無再跳 (唔通太熱！？？)

↑ 仲玩埋個公園添！！

之後就去園圃街雀鳥公園 .....


目的地：園圃街雀鳥公園

呢度 hd 帶過南瓜仔黎，而南瓜仔仲記得鸚鵡識講野添 .......


↑ 事隔1年多，南瓜仔仲係唔敢行近過去，而南瓜妹都係驚，但就不斷同鸚鵡講：「hello！」，當鸚鵡講：「hello！」時，南瓜兄妹就不知幾開心！！

親子好去處@【2016 暑假】香港動漫電玩節2016

【2016 暑假】爸爸單拖系列：四

29/07/2016 (46M10D) + (28M8D)

目的地： 香港動漫電玩節2016

上次去左南瓜妹最鐘意既 Hello Kitty 後，就輪到哥哥鐘意既 "超人" ......

↑ 南瓜妹係超驚，係勁驚果隻，遠望已經喊！！

南瓜仔只係遠觀，都唔敢行前 .........，但其實南瓜仔係鐘意佢地！？？
 


↑ 去完動漫節後，就去左 Jamie's Italian Hong 食午餐，hd 對呢間餐廳評價好高，講到好好好好食，有機會我都想試下！！

親子好去處@【2016 暑假】公園 + 會所

輪到我啦！今次到我放假，hd 要返工 ~~~~ yeah！！

不過我就無單拖同南瓜兄妹出街，而係約左母親大人 + 表哥飲茶，原本約埋公公，但公公要去表弟家，未能出席！！


28/07/2016 (46M9D) + (28M7D)

目的地：公園 + 會所

母親大人未到十點已到我屋企，但明明我係約 11:45 飲茶！？？？？

我相信大家都估到有乜事發生 ........

10:10

已經要我同小朋友換衫，唉 ...... 咁我都好聽佢講，同小朋友換衫，一心諗住去公園玩完，先去飲茶！

點知落到樓，母親大人就話好曬(其實都唔算好曬)，唔好去園去茶樓 .......

我：「約左11:45 喎！？」

母親大人：「咪早 d 飲囉！」

呢一刻，我就知道自己中伏左 ><

↑ 咁我當然無理母親大人去飲茶啦，我就話去吹泡泡啦 (好彩帶定泡泡)，但吹泡泡但吹唔到太耐，吹到二十分鐘左右！

10:45

母親大人：「我地早d拎位，早少少飲茶啦！」

我：「早1個鐘喎！？小朋友(指南瓜兄妹)坐唔到咁耐喎！？？」

母親大人：「拎左飛先！一陣無位 .......」

好啦，去到話唔駛等位就可以入去，我：「唔好啦，現在11點到未到！」

但母親大人：「咁我自己入去先」，之後自己一個人入左去 ><

呢一刻，我真係好無奈 ........ 雖然我明白母親大人怕無位，但無理由早1小時架！？表哥未到，佢地已經食飽啦，一陣間坐唔定，我咪仲煩 ><

所以我唯有帶南瓜兄妹去商場行下  ><

11:15

都無理由叫母親大人自己坐，所以都係要入酒樓，不過我就急call 表哥，叫佢早點到 >< (當時茶樓仲有位，唔駛等)

不過，最後表哥都係 11:45 先到，齊人飲茶啦！！



↑ 飲完茶，就同表哥去會所玩，玩完放回家午睡啦！！

唉 .......下次約母親大人飲茶，都係要講遲1小等先得 ><