2018年7月5日 星期四

2018 父親節

南瓜妹係一個好聽老師話既小朋友,學校係星期五派回父親節禮物.......
南瓜妹一落校巴就同我講:「老師話要放係枕頭底,唔好俾爸爸知道,父親節先送!」

回家後,衫都未換,就係書包拎份禮物俾我,叫我放係枕頭底.......

我笑住講:「放係枕頭底會整摷,不如我幫你收埋去啦!」


晚上,南瓜妹見爸爸沖涼,靜雞雞拎出黎睇,點知俾哥哥知道左......(哥哥份禮物未到父親節已經拎左俾爸爸睇了)

哥哥就好衰地拎出黎,諗住俾爸爸睇,妹妹就大叫:「老師話父親節先可以俾架!」

我唯有快快幫妹妹 (呢個哥哥 .........=.=)


第二天(星期六),hd 帶南瓜仔去學跆拳道時,我就叫妹妹畫咭送俾爸爸 .........

女仔,寫字真係靚啲,所有字都係妹妹寫,我無拎住佢隻手!!


17/06/2018 (5Y8M29D + 4Y2M27D)


到了父親節當天,妹妹/哥哥一起床就送了禮物俾爸爸............

不過,呢個懶媽咪乜都無安排!哈!哈!

我相信爸爸不會介意的!呵!呵!

晚上,約左公公全家人一齊食晚飯 ~~~~~~~

1 則留言:

  1. 女仔,寫字真係靚啲 <-- agree, it looks really good!

    回覆刪除