南瓜仔@PG 畢業禮

12/7/2014 (21M23D)

南瓜仔係9個月開始上Playgroup，去到14個月時就轉左 維多利亞(康怡)幼兒園 Victoria Bee Bee Kids Playgroup，不經不覺就上左差不多8個月了！！

讀PG，係希望南瓜仔同多啲小朋友玩，學下群體生活。

其次係想有機會入佢地K1，雖然最後入唔到。><

佢地既老師們好有愛心，除左課堂學既野外，仲教左我好多教小朋友既方法。


↑ 今日PG畢業啦！(估唔到一星期上一次既PG都有畢業禮！哈！哈！)

↑ 上堂情況！ (茶點、 勞作、唱遊、玩吹泡泡、講故事)

↑ 南瓜仔同hd一齊整的心意咭，送給老師！

南瓜仔會係9月份開始返PN，要自己搭校車、自己一個上堂，又要晨咁早起身(現在九點半起床)，南瓜仔習唔習慣我唔知，但我一定好掛心佢！！

南瓜妹@禮物

現在啲小朋友真開心，成日有禮物收，我細個時都無收過咩禮物！！

南瓜妹出世後，不經不覺就收左好多份禮物！ 

↑ 第1份：當然係哥哥送既玩具，南瓜仔成日拎住同妹妹玩架！(雖然係我地俾錢！)

↑ 第2份：尿片

 ↑  第3份：尿片

↑ 第4份：尿片，AGAIN！！

↑ 第5份：都係尿片，勁實用！！

↑ 第6份：亦都係尿片！

↑ 第7份：大愛既裙，所以百日宴著！

↑ 第8份：裙仔、帽

↑ 第9份：衫仔

↑ 第10份：裙仔

↑ 第11份：衫仔

↑ 第12份：餐具

↑ 第13份：禮券

↑ 第14份：相機、禮卷 (玩具係送係南瓜仔，但我覺得應該一齊分享玩)

↑ 第15份：飾物

↑ 第16份：沐浴露

↑ 第17-41份：利是，南瓜妹，你放心啦，媽媽會俾番你架！哈！

下面係出世前既禮物，仲有新年既利是架！！

十分感謝各位對南瓜妹既厚愛！

南瓜妹@百日宴

29/06/2014 (3M8D)

話咁快就100日，時間過得真快。

↑ 因為係用相機影相，手機無乜點影，而我寫blog只係用手機既相，所以只有呢張好少少。

無大攪，只係兩家人一齊食飯。

↑ 整左個banner。

↑ 美心買左個簡單款蛋糕。

↑ 原本book左2圍，但因hd既阿嫂屋企有事，所以全家人都不能黎。

變左男家只有6個大人，4個小朋友(最大只得4歲)，若叫一圍一定食唔哂。

又唔可以加大一圍枱，佢地最大只得16人，但我地有16大人，6小朋友，食物可加至16人分量，但啲小朋友細食姐，但佢地都要坐架！？

原本book有房係要一圍圍計，無半席book，當我地講左我地既問題後，店長俾我地開2圍枱，而男家就叫半席既餐都可以，太好啦！

南瓜仔@沙灘記

28/06/2014 (21M9D)

第一次去沙灘。

次次都計劃去，最後都係去唔成。

今次係無計劃，即興，所以時間好緊迫。

3點半出發，4點左右到達清水灣二灘，5點3走人。

↑ 去到，玩下沙先。

↑ 之後就落沙灘。

佢仲話要落水玩，我又帶住電話，咪拖番上去搵hd，途中已叫抱抱。

hd再帶佢落沙灘，點知樹熊上身，唔肯落地，仲話驚！？咁頭先又唔驚！？

↑ 拎餅俾佢食，分散佢注意，點知都係驚，抱實hd唔肯放，再買雪條俾佢食，都係無用，所以都係食左3啖。

↑ 唯有走人，但唔肯落地，俾盒飲品佢，著埋鞋，佢先肯企。

下次再戰沙灘。

南瓜仔@游水記

26/06/2014 (21W7D)

今年第3次游水，頭2次都係我單拖帶南瓜仔去。

今次就同hd去，仲偷偷地影相，不過被救生員發現左，所以只係影到幾張，好過無啦。

南瓜仔真係大膽左好多，佢竟然完全唔怕，仲成個人浸左落水度幾次，都繼續開開心心咁玩。

↑ 一去到，就行落游池。

↑ 拖都唔駛拖就自己行到游池中央。

↑ 行行下，就反左身，游背游，玩得勁開心。

之後，hd就諗住自己去大池游，南瓜仔見到爸爸行走左，即刻跟住尾，仲拖番爸爸去兒童池。

但玩玩下，佢又自己走去大池玩，hd帶佢游左一陣，就去番兒童池。

當hd再去大池想游一陣時，南瓜仔又死跟住爸爸，攪到hd勁開心。

游到游池要閂，南瓜仔都唔想走。