南瓜妹@戒片大作戰 (同尿片講bye bye)

南瓜妹係 22M 已經開始試去洗手間，期間因為病、太凍，所以停過帶佢去，又或者佢不太意願去，我都無迫佢，始終要小朋友 ready 先最重要！

經過一段時間，南瓜妹終於係屋企大部份時間都係乾片，亦已經識得自己講去 poo poo 同 vee vee！

再加上同佢出街時，佢唔怕用大人廁所 (有小朋友出街唔肯去，呢個係最麻煩)，最重要識逢呢個假期，係戒(日)片時候了 .......

計劃：一起身就換底褲 (午睡都係著底底)，直至晚上臨瞓前著尿片！


30/07/2016 (28M9D) - day 1

著底褲啦 ......

都係出街前會同佢去 vee vee。

我都係定時定候問下佢，因沒有大量飲水，所以若佢話無，我都無帶佢去！！

是日，出街去左3次！！

結果：無濕過，成功。


31/07/2016 (28M10D) - day 2

屋企同出街都係著底褲 ......

都係出街(去商場)前會同佢去 vee vee。

不過，是日南瓜妹玩在我一次，突然係街話要 vee vee ，當然好快帶佢去啦，去到話：「無喎！」，仲係傻笑 ..........(阿女，可唔可以唔好叫媽咪抺廁所呀！？)

之後，好彩之後都有主動同我講，亦 vee vee 到！！

返到屋企都無去vee就瞓左 (因為臨上車前去左，無理由仲有咁多 vee)，我膽粗粗連尿片都無換，好彩無事發生 ........

晚上去婆婆家，飲左好多湯，亦成功去左2次 vee vee！！

結果：無濕過，成功！


01/08/2016 (28M11D) - day 3

我要返工，hd 又會帶南瓜兄妹出街，hd 就同妹妹著片出街，hd 仲同我講：「出發前已經去左，我唔知帶佢兩個一齊去 vee vee 」(咩道理！？) ><

當我回家問南瓜妹有無濕片時，hd ：「無濕過，都係出去2-3小時，邊有咁多 vee vee 呀！？」

結果：無濕過，成功。


02/08/2016 (28M12D) - day 4

多謝「妮坦」，可以令到我有多半天假！！

由於打風，我當然係留在家中啦 ....... 雖然下午我就要返工，有多半日假，已經好滿足！

南瓜兄妹又黎接我放工，點知南瓜妹臨落車前：「媽咪，我要 poo poo ！」，唯有快快帶佢去商場，點知 ........玩我囉！(又或者佢唔想係商場 poo poo)

晚上，正當 hd 維修坐廁時，突然南瓜妹要去 vee vee ><，就係咁 ........ 南瓜妹就失手添！(可能仲未識得忍vee)

不過都係好事，等南瓜妹知道乜叫 "瀨 vee"！

結果：1次瀨濕。


03/08/2016 (28M13D) - day 5

hd 又帶南瓜兄妹出街，不過唯一唔同係唔係"單拖"，而係約埋母親大人一齊出街.......

結果：濕左1次尿片。(南瓜妹唔肯同母親大人去 vee vee)


04-06/08/2016 (28M14-16D) - day 6-8

去澳門啦！！

我曾經諗過唔著尿片，但最後都係決定用住尿片先，萬一有乜事都唔知去邊度清潔 ><

結果：
04/08/2016 day 6：無濕過，成功 ！
05/08/2016 day 7：早上南瓜妹講去 poo poo，但當時 hd 正在洗手間，結果 poo poo 左尿片，其餘時間 -- 成功！
06/08/2016 day 8：無濕過，成功！

早知咁成功，就唔帶尿片去啦！！



08-11/08/2016 (28M18D-21D) - day 10 -13

返適應班！

肯去學校洗手間，但唔肯跟校工ee ....... 唔知南瓜妹返學會點呢！？？

結果：
08/08/2016 day 10：無濕過，成功。
09/08/2016 day 11：無濕過，成功。
10/08/2016 day 12：無濕過，成功。
11/08/2016 day 13：無濕過，成功。  


南瓜妹每次去完 vee vee 都要自己拎紙巾抺 pat pat，但佢唔係拎2格，係拎好多紙巾 >< ，但我就堅持唔係佢自己抺 poo poo 住，再等佢大個 d 先 (其實佢肯自己做，我係唔係應該俾佢做呢！？)

經過13日既觀察，雖然都有失過手 ，但其餘時間都成功，可以返學前戒左日片！yeah ~~~~~

不過返左學，會否倒退呢！？？？？


後記：18/08/2016 (28M30D)

原本諗住遲d先戒夜片，但見南瓜妹兩個星期都無濕過，屋企既尿片又差不多用完，我就決定 -- 戒埋夜片，就係咁........ 南瓜妹就同尿片講 bye bye 啦！！

Q&A

問：點樣可以戒夜片！？

答：無心得。南瓜妹臨瞓前30分鐘會飲奶，之後就veevee ，就上床瞓，直至第二朝。我無刻意同佢戒，只係南瓜妹連續兩星期無濕片後，先無同佢著尿片。我諗係天生，亦可能佢瞓得好(一瞓就天光)。都係呢一句.......小朋友 ready 就戒到，唔好迫。

南瓜妹@PN(適應班)

南瓜妹轉新校啦 ......

開學啦！有乜準備！？其實都無乜準備 .......

最重要就係同南瓜妹講佢會轉新校，會有新老師、新同學、新ee、新校巴司機、新校巴ee等，南瓜妹似懂非懂咁，佢仲識答我新學校既名添！！

買了對新白波鞋俾佢，舊果對佢話好窄，而黑色皮鞋應該仲啱，因為當時係冬天買(冬季校服先著黑皮鞋)大左少少，因要著(厚)灰襪 ........仲有就係杯，南瓜妹揀左 dory 杯，但明明佢係鐘意 hello kitty！？

名貼紙 / 毛巾盒 / 毛巾之前已經買左！

校服都買埋，仲有朋友俾d舊校服我添，yeah！


學校有四天適應班(1小時)，家長陪同，等小朋友習慣一下，呢個安排又真的不錯！！呢幾日我就請左假陪南瓜妹一齊上堂 ......

適應班，都係唱下歌、玩下、排洗咁，好快就過左1小時！


08/08/2016 (28M18D)

南瓜妹未入學校已喊 .......

入到課室要我抱，唔肯自己坐 ><

簡單指令肯做，但唔肯同老師講早晨 / 多謝 / bye bye，更加唔肯跳舞 ><

肯大堂度自己玩車仔 / 煮飯仔，亦成功去到 vee vee！


09/08/2016 (28M19D)

叻女左，無喊！

簡單指令肯做，但唔肯同老師講早晨 / 多謝 / bye bye，跳舞跳左幾下 ><

坐坐下要我抱，當然我拒絕啦！！

肯大堂度自己玩車仔 / 煮飯仔，亦成功去到 vee vee！ 


10/08/2016 (28M20D)

紅雨，停課一天！


11/08/2016 (28M21D) 

呢日有小插曲 ....... 就係我8:10分先起床 (正常係 07:15 起床)，但南瓜妹係返9點！><

大家有無諗過，用25分鐘就可以攪掂哂2個小朋友 (刷牙 / 洗面 / 飲奶 / 換衫 / 排洗 )+ 2個大人呢！？原來係可以架！！哈！哈！
(點解要咁多人一齊去！？因為南瓜仔要送南瓜妹返學，所以就由我陪南瓜妹上堂，hd 同 南瓜仔就出面等我地落堂！)

講番正題先 .......

都係唔肯同老師講早晨 / 多謝 / bye bye ><

肯大堂度自己玩車仔 / 煮飯仔，突然南瓜妹講：「我要 vee vee」(平時係出發前去多次vee vee，但今朝太趕，無理由朝早去完 vee vee，唔夠20分鐘再去多次架！？)

雖然未到排洗時間，所以只得校工ee係洗手間，校工ee 原本想幫南瓜妹，南瓜妹當然唔肯啦，不過校工ee做大讚南瓜妹，話佢咁快就戒左！


希望南瓜妹快點適應啦！！

而我最擔心係妹妹肯唔肯去vee vee ><

親子遊世界@【2016 暑假】澳門 - day 3

06/08/2016 (46M18D) + (28M16D)

目的地：澳門

我又係晨早六點幾就醒左，我就拾下行李 (點解我拾咁耐！？？)

07:30 起床

08:00  酒店早餐

再去同一酒店餐廳 "鮮"。

食完早餐就上酒店，再拾下d野，check out 埋！


10:30  華納滿 fun 童樂園

地點：新濠影滙三樓
收費：$200 首2小時 (一大一小)

真係覺得無乜野玩，得4-5個 ......

南瓜仔最鐘意唔係駕駛車，而係一個好細好細既波波池上既電視機 (tom and jerry)，佢對眼係完全無離開過電視機囉！！

推介指數：●●●


13:00 午餐

係附近餐廳食，不過南瓜兄妹食食下就瞓左啦！！


14:00  行商場

↑ 南瓜兄妹就醒左，去左新濠影滙影下相！


14:50 出發去碼頭

15:15 上船

三日兩夜既行程就完結啦！！

行程都十分順利，南瓜兄妹都玩得開心 ~~~~~

期待下次搭飛機！！

親子遊世界@【2016 暑假】澳門 - day 2

05/08/2016 (46M17D) + (28M15D)

目的地：澳門

我晨早六點幾就醒左，仲瞓唔番添 ><

07:30 起床

08:00 酒店早餐

食完早餐，再上去酒店房去下洗手間，咁就出發啦！！

我地就搭的士去，車費約 $90。


10:00 澳門科學館

地點：澳門科學館展覽中心二號展廳
費用：成人$25，小童 $15

真係超抵玩，真係可以玩3小時以上，最好玩當然係玩 "起屋" 啦，我地去到時無人排隊，亦無時間限制，小朋友們真的好勤力咁起屋！哈！哈！

而其他展館都有好多野睇，例如：模擬駕駛車、音樂區等等！

推介指數：●●●●●


12:00 官也街

係呢個時間，就會合埋我其他屋企人 ......南瓜妹係的士上已瞓左！

午膳，我地揀左小飛象，因為太忙照顧南瓜仔，所以無影相，食物質素都 ok。而南瓜妹係我地食到最尾段時就醒左！！

食完飯就行下，買下手信，不過我就無買........去到官也街當然食木槺布丁，不過南瓜仔唔多欣賞，係都要食雪糕！！


15:30  大三巴



呢度係我地自己額外加的，因為 hd 話下次黎澳門都唔知幾時，所以要帶小朋友黎大三巴睇下喎！

係搭的士期間，南瓜仔就瞓左，不過去到目的地時，佢就醒左！！

嘩！呢度多人到呢 ......... ><

影完相就返酒店！！


16:30  酒店游水

唔……我去咁多次旅行，係第一次去酒店游水咋，哈。

南瓜仔最初唔敢游，但過左20分鐘就肯同 hd 游水，而南瓜妹就游得不知幾開心，叫佢走都唔肯走人！！

游完水就返酒店沖涼，再出發去食buffet！


18:30  晚餐 (Sheraton Hotel)


我地揀左食 buffet，佢地既海鮮真係好好味，價錢約$400一位，香港未必食到。(帶住兩個小朋友，連照食物既機會都無乜！><)


20:30  回酒店

我就負責拾行李，hd 就同南瓜兄妹玩！！

親子遊世界@【2016 暑假】澳門 - day 1

今次旅程係一家16口，不過就分開兩批出發，一批 3D2N，另一批 2D1N，我就選擇左 3D2N！！

而今次行程由屋企人安排，都係以 hea 為主，亦為小朋友為中心。

第一次同小朋友旅行，呢個媽媽真係緊張，早三日已經開始拾行李，hd 仲笑我似小學生去旅行，不過我真係怕自己會拾漏野 .......... 


04/08/2016 (46M16D) + (28M14D)

目的地：澳門

約左去上環信德中心食左野先！！

12:30  上船

上到船，最好當然係瞓覺啦 (我晨早7點幾就叫醒左佢地 ^^)~~~~~


14:30  到達酒店 (Sheraton Hotel)

我地揀左雙人大床，因為實左太多朋友分享，小朋友瞓瞓下跌左落床，我同 hd 夾住佢兩個，應該唔會跌落床掛！？(最後當然無跌落床啦！)


15:40  大潭山郊野公園滑草場

我地由酒店搭的士，車費約 $60。


地點：氹仔天文台斜路

天氣不是太熱，最重要係唔多人，所以班小朋友可以玩n次。

最初南瓜仔係大人陪玩，但玩多幾次就自己一個玩。而南瓜妹就大人陪玩，南瓜妹仲要自己拎番個滑草板上返去，唔俾我地幫，但佢行得真係好慢好慢……

呢度仲有遊樂場，可惜我地無咁多時間，所以無玩到就走了！

不過回程時就無的士，唯有行落去，去到附近有間酒店，再經酒店去機場，咁先有的士搭。

推介指數：●●●●●


17:00 童夢天地


地點：新濠天地三樓
費用：$150 首2小時 (一大一小)
服飾：長袖衣服 + 長褲 + 襪

真係幾好玩，幾個小朋友玩到癲哂。

有滑梯、波波池、跳床等等，有得扮公主、三眼仔添，仲有啱年紀小既遊樂場 (馬仔、小型波波池)：

推介指數：●●●●●


19:30 晚餐


↑ 去左附近既 Hard Rock Cafe (只影了部份既相)，味道及環境都不錯。


20:30  回酒店

屋企無浴缸，所以黎到就俾佢地"游水"，南瓜兄妹不如玩得幾高興，不過就要煩到hd洗浴缸。