南瓜妹@健康院+醫學遺傳科

24/03/2014 (0M3D)

出院後就快快book健康院，估唔到即日就可以book到。

係出發前，都有望下南瓜妹有無“黃”，肉睇睇就有少少，但我相信唔會超標。

去到就check左:

“黃”指數:140 (高過250不合格)，體重:3.29kg

之後就等見姑娘，根本上都無乜野，之後就book下星期見醫生。

25/03/2014 (0M4D)

hd接到衛生署醫學遺傳科電話，話南瓜妹臍帶血既甲狀線激素高了少許，要抽血驗。

當我聽到後嚇了一跳，上網查下係乜東東，呢個病係母體遺傳，可以影響bb腦部發展同生得矮少。

同日，hd又收到健康院電話，話要改期明天要去健康院，點解會咁架？

26/03/2014 (0M5D)

首先去磅重，南瓜妹比前幾日轉，得3.28kg。

見醫生啦，黃指數升到192。

因為南瓜妹唔多食奶，有時食得一安，阿妹好學唔學，學足阿哥唔食野。

要在唯有迫佢食，但好奇怪，hd餵9成食得哂，我餵就唔食！？

之後就問醫生為何要提早黎!?

醫生：「咁啱有位咪叫你地黎。」

吓，我地仲擔心為何要提早黎添。

27/03/2014 (0M6D)

要去醫學遺傳科，地點係長沙灣，呢度好偏僻，四周好似無乜人，若唔係打的，真係唔識黎。

有姑娘講解一輪，之後就等醫生抽血。

今次抽血，睇下甲狀線激素是否正常，若不正常就會一星期內接到電話通知。

呢兩日我都不時上網睇下資料，搵搵下，我突然醒起自己係十多年前check過甲狀線，當時係無問題，而呢個病多數係母體遺傳，所以又覺得中既機會不大，但都唔能放下心頭大石。

P.S： 一星期過後，無收到電話，亦收到信話無事，yeah!!

31/03/2014 (0M10D)

前一天落黑雨，希望去健康院時無雨啦。

出發去健康院只係有微微雨。

又去磅重，升番到出世時磅數3.34kg。

見醫生啦，黃指數落到94，醫生話退得幾好，但體重仲要重多少少，醫生叫我地迫佢食，唔好俾佢瞓咁多，講就容易，做就好難。

因為所有野都達標，所以一個月再返黎。

走既時候勁大雨，好彩有的士咋。