南瓜仔@冒險樂園生日會

22/06/2014 (21W3D)

今次係南瓜仔第5次參加生日會，頭4次都無寫blog，我都唔知點解無寫，哈！

我都係單拖帶佢去，hd留係屋企睇住阿妹。雖然現在唔駛拎食物出街，但尿片，餐具，水壼，後備衫要帶，真係唔少野拎。

之前大部份部活動都同hd一齊，睇黎我都要習慣多啲單拖。

生日會地點係油塘冒險樂園，環境都不錯呀。

↑ 完全係可以自己玩啦，唔駛我幫手，真係大個仔！

不過我都係怪獸家長，要係佢身邊睇住佢，哈！

↑ 當然唔少得吹爉蠋同切蛋糕啦。

主人家仲安排左活動，不過南瓜仔比較細，未識玩，所以全程都係佢身邊教佢玩。

呢度係可以全日任玩，但我就玩到1點就走人，因為屋企仲有阿妹，老公又未食飯。

諗住南瓜仔玩在咁耐，返屋企就立即瞓，佢竟然唔瞓，成日講講講，把口唔定喎，攪左半小時先肯瞓。