南瓜仔@K班大作戰(11) - 香港培正小學幼稚園

29/11/2014 (26M9D) 

我相信呢間係超多家長想入既學校，原因係佢地既小學(一線)同中學(BAND 1)既學校，仲要係100%可直升小學。

報名都係好「考」家長，要寄信俾佢地，再等佢地寄申請表，仲要有指定交表日期同時間，仲有問卷要填，其實有無人睇問卷架？填黎都覺無乜用，但hd都好俾心機埴。

我諗大家經過PN / K1 面試之後都好累，家長既壓力都唔細，由怕無學校收，到怕無心儀學校收 ......

現在小朋友仲細，可能未感到壓力，但到佢地升小時，就知道什麼是面試，壓力就會來，我相信無家長想「玩」呢個遊戲！！

由於上幾次由我陪同下，南瓜仔既表現強差人意，所以HD下令唔再俾我去.....

面試詳情我都不太清楚，只係知道南瓜仔入課室前有少少扭，所以要等第2輪先入課室，入課室同出黎都無喊！

同一時間有6個小朋友入去，hd 話 in 左3分鐘就出左黎，hd  問南瓜仔做過乜！？南瓜仔話玩砌圖同數貼紙！(都唔知係唔係！？)

結果要明年2月先知，雖然我都知係陪跑，但都想早點知結果 .........