南瓜仔@學生健康服務

19/12/2018(6Y3M)

學校安排左試後活動去(試後活動只返半天)。

咁我就請了全日假，去左學校接佢放學，南瓜仔超開心，因為有我接佢放學。

咁啱佢有個同學仔都係同一日、同一時段去做檢查，就約埋佢地(佢仲有個哥哥)一齊去！！

南瓜仔變左多啦A夢迷，所以襯平日無乜人去奧海城「多啦A夢秘密道具研究所」，就快快去影下相！！

南瓜仔見到多啦A夢，當然開心到不得了，平時不愛影相既佢，不斷叫我幫佢影相！！

影完相，食埋飯，就去做檢查！！


學生健康服務

是日無乜人，所以好快就安排驗眼、驗耳，原來南瓜仔對眼真係好好，咁細好細粒既字都睇得好清楚，當然最後全 PASS 啦！！

之後就見醫生 .........

身高：105.4cm
體重：20kg

南瓜仔又高得好慢，但醫生話佢高度有3%( 104.8cm 就合格)，醫生話唔同醫院把尺都有唔同(不能作準喎)，叫我唔好咁緊張，反而就係體重超標！！！！

我都覺南瓜仔有肉，只係無諗過佢會超標，醫生都話不是要佢減肥，但要注意不要食太多甜既食物，唔好只肥不高 =.=

我好想講，南瓜仔真係想高，所以先食多左飯，而佢日日都有屋企跳高、拉筋，亦每星期有游水、跆拳道！！