將沒有姐姐的日子

19/07/2014

我地係上年12月開始問工人姐姐會否續約 ，工人加至$4,500，但工人姐姐都係話唔會續約。(由入職第一日，佢都話只會做兩年)

去到今年2月時，我地又再問佢續唔續約，答案都係"NO"。

所以我地就開始搵新工人姐姐，但搵新工人姐姐不容易，因為2個小朋友仲係細，唔係好多工人姐姐肯做！

直至3月時，原本搵到一個新工人姐姐，仲約埋簽約添，點知舊工人姐姐話肯續約，咁當然用番佢啦 ~~~~

舊工人姐姐係唔係做得好好！？當然唔係最好，但呢個世界上無可能有人係完美 (除梁振英外)， 而且我地已相處差不多2年，再搵個新工人姐姐又要由頭適應過，而且又未必一定比佢好！！

不過，佢唯一既要求係放長假，原本佢想放6-8星期，但真的無可能，最後決定放佢 5星期假，呢5星期我會同hd輪流放假 (主力係hd放假)，又會叫埋母親大人黎幫手(只係睇頭睇尾)！

唔知呢5星期會點過，又要做家務(煮飯、洗衫、洗碗、掃地拖地、做一般清潔、買餸)、又要餵奶(南瓜妹仲係成日嘔奶)、睇南瓜仔食飯、沖涼，唉，要照顧2個小朋友真的不容易！！

老公加油呀！！！

戰友變陌路人

呢篇係我2009年既文章......

生南瓜仔時，他再重返「戰地」，亦變成我上上上司。

重返了2年，今日我可以肯定(之前已經覺得)，他已不是我的「戰友」而是「陌路人」！

好不容易建立既信任，真的可以話無就無！！

當然現在既我有唔開心，但工作只是我一部份，而且只是上司........

南瓜仔/南瓜妹/hd才是我的全部，我要好好珍惜他們，我不希望他們將我變成「陌路人」。

南瓜仔@PG 畢業禮

12/7/2014 (21M23D)

南瓜仔係9個月開始上Playgroup，去到14個月時就轉左 維多利亞(康怡)幼兒園 Victoria Bee Bee Kids Playgroup，不經不覺就上左差不多8個月了！！

讀PG，係希望南瓜仔同多啲小朋友玩，學下群體生活。

其次係想有機會入佢地K1，雖然最後入唔到。><

佢地既老師們好有愛心，除左課堂學既野外，仲教左我好多教小朋友既方法。


↑ 今日PG畢業啦！(估唔到一星期上一次既PG都有畢業禮！哈！哈！)

↑ 上堂情況！ (茶點、 勞作、唱遊、玩吹泡泡、講故事)

↑ 南瓜仔同hd一齊整的心意咭，送給老師！

南瓜仔會係9月份開始返PN，要自己搭校車、自己一個上堂，又要晨咁早起身(現在九點半起床)，南瓜仔習唔習慣我唔知，但我一定好掛心佢！！

南瓜妹@禮物

現在啲小朋友真開心，成日有禮物收，我細個時都無收過咩禮物！！

南瓜妹出世後，不經不覺就收左好多份禮物！ 

↑ 第1份：當然係哥哥送既玩具，南瓜仔成日拎住同妹妹玩架！(雖然係我地俾錢！)

↑ 第2份：尿片

 ↑  第3份：尿片

↑ 第4份：尿片，AGAIN！！

↑ 第5份：都係尿片，勁實用！！

↑ 第6份：亦都係尿片！

↑ 第7份：大愛既裙，所以百日宴著！

↑ 第8份：裙仔、帽

↑ 第9份：衫仔

↑ 第10份：裙仔

↑ 第11份：衫仔

↑ 第12份：餐具

↑ 第13份：禮券

↑ 第14份：相機、禮卷 (玩具係送係南瓜仔，但我覺得應該一齊分享玩)

↑ 第15份：飾物

↑ 第16份：沐浴露

↑ 第17-41份：利是，南瓜妹，你放心啦，媽媽會俾番你架！哈！

下面係出世前既禮物，仲有新年既利是架！！

十分感謝各位對南瓜妹既厚愛！

南瓜妹@百日宴

29/06/2014 (3M8D)

話咁快就100日，時間過得真快。

↑ 因為係用相機影相，手機無乜點影，而我寫blog只係用手機既相，所以只有呢張好少少。

無大攪，只係兩家人一齊食飯。

↑ 整左個banner。

↑ 美心買左個簡單款蛋糕。

↑ 原本book左2圍，但因hd既阿嫂屋企有事，所以全家人都不能黎。

變左男家只有6個大人，4個小朋友(最大只得4歲)，若叫一圍一定食唔哂。

又唔可以加大一圍枱，佢地最大只得16人，但我地有16大人，6小朋友，食物可加至16人分量，但啲小朋友細食姐，但佢地都要坐架！？

原本book有房係要一圍圍計，無半席book，當我地講左我地既問題後，店長俾我地開2圍枱，而男家就叫半席既餐都可以，太好啦！