19/07/2014
我地係上年12月開始問工人姐姐會否續約 ，工人加至$4,500，但工人姐姐都係話唔會續約。(由入職第一日，佢都話只會做兩年)
去到今年2月時，我地又再問佢續唔續約，答案都係"NO"。
所以我地就開始搵新工人姐姐，但搵新工人姐姐不容易，因為2個小朋友仲係細，唔係好多工人姐姐肯做！
直至3月時，原本搵到一個新工人姐姐，仲約埋簽約添，點知舊工人姐姐話肯續約，咁當然用番佢啦 ~~~~
舊工人姐姐係唔係做得好好！？當然唔係最好，但呢個世界上無可能有人係完美 (除梁振英外)， 而且我地已相處差不多2年，再搵個新工人姐姐又要由頭適應過，而且又未必一定比佢好！！
不過，佢唯一既要求係放長假，原本佢想放6-8星期，但真的無可能，最後決定放佢 5星期假，呢5星期我會同hd輪流放假 (主力係hd放假)，又會叫埋母親大人黎幫手(只係睇頭睇尾)！
唔知呢5星期會點過，又要做家務(煮飯、洗衫、洗碗、掃地拖地、做一般清潔、買餸)、又要餵奶(南瓜妹仲係成日嘔奶)、睇南瓜仔食飯、沖涼，唉，要照顧2個小朋友真的不容易！！
老公加油呀！！！
嘩﹗姐姐放咁耐假﹗你哋真係要加油呀﹗
回覆刪除加油呀，其實慣左都唔係咁大不了！不過當然有人幫好過無人幫啦
回覆刪除你老公一定掂, 睇好佢!!!
回覆刪除舊姐姐願意留底都好，始終由細湊大哥哥，感情應該深厚，而且唔駛再從新適應過。
回覆刪除嘉路你和HD都加油啦！