南瓜妹@向"嘔奶" SAY NO (2) - 睇政府醫生

17/08/2014 (4M27D)

好彩有屋企人幫手，家姐同表哥睇住南瓜仔，我就同HD帶南瓜妹去醫院！

首先去急政室，唔夠10分鐘就去到分流站！

初步見完分流站醫生後，就安排入院........

係等醫上病房時，南瓜妹又嘔奶！！><

上到病房後，就安排見醫生......

醫生都係問了一大堆問題，又做了簡單既檢查！

之後醫生就安排抽血同照X光！

當抽血時，醫生叫我地門外等候，期間，不斷傳出南瓜妹既喊聲，未停過！

醫生：「BB 不斷咁喊，令到佢血管收縮，佢既血管又好幼，暫時仲未抽到，不如等照完X光後再抽過！」

見到南瓜妹腳上同手上貼上了3張膠布，真係心痛死！！

之後就去照X光，因只可1家長陪同，我就係門外等候！

照完再上番病房，佢地再安排抽血......

又係傳來南瓜妹既喊聲，好彩今次就抽到血，但妹妹身上又多2張膠布，一共有5張膠布！

↑ 南瓜妹喊到眼到腫埋！！

又到南瓜妹食奶時間，南瓜妹又係嘔奶 ......唉！！

最後既報告.....

1) X光，腸道無任何阻失 (YEAH)

2) 抽血結果，酸鹼度既鹼高了少許 (醫生話應該係嘔了胃酸出來，影響不大)，其他全部正常！

因為今日未能見大醫生，南瓜妹留係醫院都無用，所以我地要求「回家渡家」(即留病位，明早回醫院)

體重：5.72KG (除哂衫同尿片)