2014 國慶 + 重陽 (冒險樂園 J PLUS)

香港發生咁大件事，我都有帶南瓜仔、南瓜妹去街，但被「佔」既地方我就不會去！

01/10/2014

前一天，我問南瓜仔：「明天同表妹去玩波波池好唔好呀！？」

南瓜仔：「好！」

我：「咁帶唔帶妹妹去！？」

南瓜仔：「妹妹留係屋企！」

我：「咁爸爸呢！？」

南瓜仔：「留係屋企！」

我：「咁媽媽呢！？」

南瓜仔：「留係屋企！」

我：「吓！咁邊個帶你去玩！？」

南瓜仔：「姨媽！」

呢隻仔，咁快唔要爸爸媽媽，但見佢好似好想姨媽去，所以就約埋姨媽一齊去，多個人睇住都好嘛！哈！哈！

約埋表妹去左油塘冒險樂園 J PLUS 玩，但南瓜仔只係掛住玩車，其他野只係玩左一陣！

玩到12點就去午餐，之後就回家休息。(南瓜妹出黎都無玩過，都幾無聊！哈！)

午睡完，啱啱62就黎左我屋企，62走左後，再約表妹去公園玩，之後就黎我家食晚飯。

02/10/2014

帶佢地去圖書館還書，再去公園放一陣電，再回家。

食完午餐後，休息一會兒，就帶左佢地落樓下會所游水......

南瓜妹仲細，所以只係游30分鐘，我就帶佢回家，而HD就繼續同南瓜仔游！

南瓜仔游完水，食了茶點，就午睡！

瞓醒完，就要做功課 ......

唉，其實都唔係南瓜仔做，係家長「幫手」做！>< 

這兩天假期就完了！！