上次因颱風關係，改左今日先有睇....... (浪費了我半天大假！><)
去到就磅重，6.4kg。
等了半小時就見到營養師.......
營養師首先問嘔奶情況，南瓜妹已經無嘔奶啦！YEAH！！
現時體重係10%，比之前跌至3%已進步了好多！(都係輕b)
南瓜妹係食特別配方奶 (美素佳兒 COMFORT)，我就問下幾時先可轉正常奶粉！？
營養師建議暫時唔到轉住，等南瓜妹食2餐固體後，才開始轉番正常奶粉，不過佢都話，若我真的想轉，都可以現在試下，但竟然營養師咁講，我都唔轉住.....
但買呢隻奶粉就不太方便，之前可以去屈臣氏或萬寧買，現在已經無得買(職員話唔入貨喎！)，我只能向美素佳兒直接訂購，我最怕係佢地會停產，因呢隻奶粉需求不大，無普通奶粉咁賺錢！！><
而固體(糊仔)方面，分量正常，繼續keep住食！
睇完就回家，之後就要返工！！
題外話：
我覺得自己對南瓜妹唔好，因為我好多時間都放係南瓜仔身上，每天陪佢玩既時間真的不多，今日陪佢去醫院，我有幾小時可以陪佢，南瓜妹開唔開心我唔知，但我就好開心！！
無再嘔奶就好啦！我見媽媽會裡面生左兩個嘅都話無咩時間畀細b，特別係大嗰個要返學睇功課。不過到大嗰個再大啲就唔使理咁多，到時就可以畀返多啲時間細嗰個架啦～
回覆刪除我老公鐘意睇功課，所以佢負責。
刪除無再嘔奶就好啦...
回覆刪除其實要分配時間俾兩個真係唔易架, 我呢排都專注左係家姐身上多d, 妹妹就反而少理左, 無辦法...家姐呢排太扭計, 所以我想俾多d時間係佢身上, 睇下佢究竟發生咩事.
南瓜妹仲細, 暫時都唔會詐型嘅, 等佢再大少少, 先再俾番多d時間佢啦.
大家一齊努力
刪除叻叻，真係好大的進步呀，希望繼續 keep 住啊 ^^
回覆刪除thanks
刪除Yeah！
回覆刪除要分配時間给兩個小朋友，真係好難啊！
暫時妹妹無意見，再大啲先煩
刪除希望南瓜妹唔好再嘔奶，妹妹好似你呀！
回覆刪除太多人話似我啦
刪除