南瓜仔@K班大作戰 - 前夕

踏入11月，就係「K班大作戰」 ~~~~~~

南瓜仔讀緊 PN，學校方面話要等12月家長日先知可否升K！？作為家長一定要準備好，萬一唔收南瓜仔點算呢！？(雖然學校話收番機會好大！) 

明明叫自己唔好報咁多間，不過都報左18間！！(應該會 in 13間)

報既時候都估到撞期：

-  4 間撞期
-  1 間不獲安排面試 (聖保羅堂幼稚園（北角）- 只 in 1000人)

咁撞期都要諗in邊一間先 ......

1) 是否適合南瓜仔
- 南瓜仔比較文靜小朋友，返學坐定定，喜歡睇書，注專力 OK，學習能力 OK，獨立 (返學一次都無喊過)，感覺上，南瓜仔都適合讀傳統學校。

2) 是否直升/聯繫/優先學校
- 收左唔駛煩小/中學，收既機會不高，數幾千人 in 喎！

3) 入到機會有幾大！？
- 有沒有開學前班！？若有，咁即係K位又少左。
- 有幾多學位！？有些收幾十人，有些收幾百人。
- 幾多人報名！？不過間間都多人報名啦......

4) 升小派位情況

5) 配套
- 有沒有校巴！？
- 有沒有全日制！？

做完咁多野，最重要都係睇南瓜仔表現，但講真，我都不抱太大期望，南瓜仔出到街就唔講野，好似「啞」左咁，其次今次搵既幼稚園全部都係出名學校，收南瓜仔機會又不大 (始終都係細B，無論邊一方面都同大B有一段距離)

到時再分享大作戰既結果啦 ~~~~~~~

南瓜仔加油呀！