南瓜妹@第3次私家疫苗

29/09/2014 (6M8D)

除左南瓜妹打六合一，南瓜仔都要打甲型肝炎疫苗，原本係同HD一齊去，後來話要去開會，陪唔到我地一齊去........

但我一個人，點帶2個出街！？我唔想工人姐姐同我出去，所以叫左家姐陪我！！

去到等打針時，順便幫南瓜妹磅下重，咦，有6.3KG 喎！

打針啦~~~~

南瓜仔同南瓜妹都俾醫生話太瘦，我都無法架！！！

不過，佢兩個好叻，喊左幾聲就無喊！哈！

之後，HD就開完會，就同我地一齊食飯，行下街！

南瓜仔勁鐘意姨媽，不斷狂叫姨媽抱，我同hd抱都唔得....... ><

因為我之後約左人，就帶南瓜仔一齊走，hd就帶妹妹番屋企，姨媽都要走，南瓜仔勁唔捨得姨媽，我話姨媽係前面，佢就跑上前，但跑跑行可能覺得唔對路，南瓜仔跑去反方向搵 姨媽，有無咁掛住呀！？