我幾鐘意去小朋友既生日派對，一來可以同其他小朋友一齊玩，二來有人會安排定遊戲節目，GOOD！
由於咁啱撞正南瓜仔同南瓜妹午睡時間，最後遲左1小時先到！><
主人家安排左一些遊戲先，可惜佢兩個都唔識玩！(主角5歲，所以佢啲朋友都係咁上下年紀)
↑ 之後有魔術表演，南瓜仔睇得好入神，魔術師仲搵埋南瓜仔幫手做表演，傻傻既南瓜仔又唔怕醜，仲好啖定添，其中一PART有火，南瓜仔：「火燭呀！！」，佢仲好似好滿意自己既表演添！
不過由於HD有下半場，要同我一齊帶番南瓜仔/南瓜妹回家(我一個人帶2個小朋友回家確有危險)，唯有未睇完魔術表演就要走人！！(遲到仲要早走，差，都無法 >< )
而我本人係無意攪大型生日會(屋企人慶祝就算)，又要請人、又要諗遊戲、又要安排食物/場地，諗起都覺得不容易 (我絕對唔可以做攪手)。
若將來南瓜仔或南瓜妹真係想攪咁點！？到時先算，希望佢地唔鐘意啦！！><
生日會呢家嘢，真係去人哋嗰啲就好，自己攪真係頭都大
回覆刪除係呀，攪到頭都大。
刪除生日會真係一個辛苦爸爸媽媽嘅活動，可以嘅話我都寧願等小朋友大個自己話搞，又識得幫手先搞
回覆刪除可能k3啦，起碼都要有同學仔。
刪除