終於出埋最後成績單了，南瓜仔報左18間，in 左11間 (4 間撞間、 2 間無去 (宣道、金巴倫)、 1 間不安排面試)
結果只得1間offer，其他都係waiting(s) / no offer(s)，無寫求位信，另原校直升到。
面試結果係預計之內(無期望，所以無失望)，最主要原因當然係南瓜仔表現不太理想，連最基本自己既名都唔肯講，其次係我報既學校都較出名，比較難入！
汲取今次經驗，我就知南瓜仔既「小一大作戰」仲難考入直資或私小(但都會試)，唯有寄望「自行分配」，唔得就要「大抽奬」，除非真係入到太勁差學校，否則唔會安排南瓜仔四圍叩門 (暫時咁諗)，我會同南瓜仔講：「媽咪已經搵到最適合既學校俾你，你要俾心機！」
P.S：幾個月後就係南瓜妹既「PN大作戰」，年幾後又黎「K班大作戰」， 兩年後又輪番南瓜仔「小一大作戰」，「大作戰」要戰足5年，仲辛苦過上當年考完會考再考AL .......
真的很累人, 剛經歷完大女報N班就已經怕怕了>.<
回覆刪除唉，我都怕怕。
刪除其實每次interview心裡都覺得:點解香港教育制度係咁？但我地又確實要身在其中玩呢個遊戲，而且亦知唔係只睇實力咁簡單，做父母，儘左力就夠，路始終係小朋友自己行，加油，南瓜仔同南瓜妹:)
回覆刪除香港教育真係好差，怪獸家長係政府迫出來。
刪除哇, 辛苦晒南瓜媽咪同南瓜仔了! 暫時多多休息吧
回覆刪除thanks
刪除辛苦了！媽媽要繼續加油呀！
回覆刪除南瓜妹可唔可以簡單D入返南瓜仔間學校就算？呢個搵學校大戰真係試完一次都覺怕怕，你哋要加油呀﹗
回覆刪除若果可以，我當然想佢2個讀同一學校，但幼稚園唔係必收，反而南瓜仔讀津校，咁先係必收生，所以南瓜妹都要pn大作戰。
刪除我同你一樣,要戰足5年,真係諗起都想死@.@
回覆刪除