申請香港特別行政區護照/簽證身份書

原本諗住暑假去日本，但由於舊工人姐姐不續約，新既工人姐姐會係七月來，為左南瓜兄妹快點適應，同埋要教新工人姐姐，所以唯有擱置去日本！！><

去唔成日本，去澳門都好，今次應該一行17人，唔會成唔成團呢！？？

去澳門就要 (1) 香港特別行政區護照 + (2)簽證身份書 或 (3) 回鄉證，長遠黎計都要申請 (1)+(2) 好似方便d！


我揀左星期六(平日要返學)帶埋南瓜兄妹去入境處，所以要係某日子做登記(佢地好似20日工作天做預約)，佢地既 booking 好快 full，所以我係可以申請果日就9點做登記........但一山還有一山高，d人仲快手過我，好彩我都 book 到咋！！

https://webapp2.immd.gov.hk/eservices-td-appointment_1_1_41/common/baseFrame.jsp?mpage=..%2Findex.do%3FtokenId=505-sp12-fc8701bd913e46f6b43eeb5f6411d0cd%26serviceId=505%26userLang=zh%26userCountry=hk

以下是適合16歲以下：
- 填表格
>>表格 (ID 842  / ROP3) - 可以去到先填，我就一早填定
>>11歲以下，要出示學校證明文件(例如學生手冊)，若沒有，就要填妥副署事項表格(ID 641)，呢一份要係搵副署人(不可父母)，要交埋副署人既身份證副本 + 簽署 / 小朋友相片，我就搵左公公幫手，因為日日都會見到佢嘛 ^^

- 相片2張

- 小朋友出世紙正本 + 副本

 - 父/母身份證正本 + 副本


18/06/2016 (44M30D) + (26M28D)

嘩！去到已經人山人海，好彩可以搵到位坐咋 ><

等左45分鐘，終於到我地......

南瓜仔好順利咁就做完，但南瓜妹既相有少少遮眉，入境處職員：「我地會將資料SEND上灣仔，如果灣仔職員打俾你，你地就要再交相！」

我：「咁張相即係得唔得！？」

職員：「小朋友無咁嚴，大人就一定唔得！」

(希望收唔到電話啦 ><)

最後就係等俾錢(支票/現金/EPS)，俾完錢就走人啦，差不多用左1.5小時 ........


P.S：因為我地今次帶左小朋友去，所以下次去拎證件就不用再帶小朋友了！

親子好去處@2016 端午節(龍舟水)

09/06/2016 (44M21D) + (26M19D)

原本 hd 話去睇龍舟，但因我早上頭痛，若再曬一曬 .......我怕我會暈倒，所以都係留在家中睇龍舟比賽(電視)！！

上年，南瓜仔未覺有興趣，今年就有興趣，好專心睇比賽 (都係鐘意睇電視呢！？我地平時無俾南瓜仔睇電視，只係公公會俾南瓜仔睇電視，但都係睇新聞).......

當比賽緊時，我：「你估邊隊快d！？」

南瓜仔：「 3號！」

結果真係3號勝出，南瓜仔：「我都話係3號啦！」

午餐，就係食糉 (係我最憎)，都要應下節 .......

之後就午睡 (因為我唔舒服，一早係床瞓左)，瞓醒就去游「龍舟水」！！


目的地：姨姨家(游池)

表妹(姐)、表弟一早已經落左水 .......

↑ 南瓜仔去到游池(細池)已經要落水，同表妹、表弟玩得不知幾開心！！

而南瓜妹就樹熊上身，唔肯落水，問左 n 次，都係話唔落水，唯有係池邊抱住佢啦！

正當班小朋友去左大池後，南瓜妹「突然」要落水玩 ......

南瓜妹一落水就好開心，之後南瓜仔又返來陪佢，但當表妹(姐)黎時，南瓜妹就話要上水！？？

我再問南瓜妹游唔游，佢又話唔游，咁我就帶南瓜妹去姨姨家沖涼 .......

而 hd 就同南瓜仔繼續游，太約游多半小時，就上返姨姨家沖涼！！

之後幾個小朋友就係姨姨家玩 + 晚飯！！

咁又一日啦！！

南瓜妹@接妹妹放學

06/06/2016 (44M17D)+(26M15D)

因南瓜仔同我都請了全日假，見天氣好好，無落雨 (早上仲黃雨添)，就諗住自己去學校接妹妹放學 ......

點知3點多，南瓜仔自然醒左喎！！！

(南瓜妹全日制，下午4時就可以接放學，若搭校巴就5點上校巴)

我：「你留係屋企，媽咪去接妹妹放學！」

南瓜仔：「我又要去！」

我：「我好快返，你留係屋企啦.......」

南瓜仔：「我要接妹妹呀！」

我：「好啦，咁你快快換衫、去veevee」(其實內心係想佢一齊去！)


我就帶南瓜仔搭小巴去學校接妹妹放學........

係小巴上，我：「唔知妹妹見到我地，佢會點！？」

南瓜仔：「好開心囉！」

我：「你又知！？」

南瓜仔：「因為你去學校接我，我就最開心！」

我：「咁媽咪接過你幾多次！？」

南瓜仔立即答：「3次」

我停左數秒，我自己諗一諗，真係3次喎，原來南瓜仔一直都放係心度！><

(第一次：我請左病假，見自己精神幾好，就去接佢放學，俾個驚喜佢！
第二次：下午要去睇醫生，一早通知左會接佢！
第三次：南瓜仔知我請病假(我係咳到嘔，得半條人命，仲要送南瓜仔上校巴)，南瓜仔叫我去學校接佢，當時我答接佢我只能接校巴放學，之後南瓜仔扁住咀同我講想我去學校接佢放學........但最後都去左學校接佢，係唔係好傻！？？好無聊！？？病到半條人命仲要去接佢放學，仲要來回搭的士用左 $260，但見到南瓜仔扁住咀講，都係唔忍心，可能我真係傻！哈！)

↑ 南瓜仔一見到妹妹，開心到跑上前接南瓜妹，仲鍚妹妹......

南瓜妹反而無乜開心，好平靜！！不過一離開學校門口就要拖住南瓜仔，佢兩個仲一路行一路傾計添！！

之後我就再搭小巴回家！！！


我呢個行為，分別俾公公同hd話，佢地覺得我好無聊、好危險 (全程都係馬路)，點解有校巴唔搭 (因為我地無下場，只係回家)，仲要一拖二搭小巴 .......

但作為在職媽媽，我只能上午送南瓜仔上校車，放工接南瓜妹放學 (好彩我都做到上午送一個、放工接一個)，但送返學校、係學校接放學真係無乜機會，所以一有機會我就會去做！！

南瓜仔@高度跟進(2) - 醫院

06/06/2016 (44M17D)

終於等到去醫院啦.......

未去之前，我係估唔到有乜特別野去做，都係叫做多D運動、食多D野，keep 住覆診！！

其實唔單止南瓜仔矮，連南瓜妹都好矮，應該係遺傳 ><

不過排政府要排好耐，等到有事先去睇可能太遲，所以都係keep住覆診 (1年3次左右)！

因為係早上睇醫生，所以就請左全日假........

早上，我同妹妹講：「媽咪同哥哥一齊陪你上校巴，因為一陣間媽咪要帶哥哥要去睇醫

妹妹：「哦，但哥哥無病喎！」(妹妹又幾醒喎！！)

原本妹妹一直都好開心，但臨上校巴既一刻就狂喊 (公公：「都叫你唔係送佢上校巴！」)

送完上校巴後，就開始今日既行程 .......




↑首先左左醫院附近既 playhouse 玩 (20分鐘)，不過呢個場已經唔啱南瓜仔玩了 ~~~~

************************

之後就去醫院 ......

去到就度高 (89.1cm) / 磅重 (13.1kg)，幾時先90cm呀 ><

原本我諗住等好耐，估唔到等左15分鐘就到我地喎！！yeah ~~~~

醫生都係問平時南瓜仔既野，而南瓜仔真的大個仔了，同醫生有問有答 (但我都有補充資料)......

初步睇唔似有問題，但係多D運動、食多D野，keep 住覆診！！

我：「現在佢學緊游水！」

醫生：「未必要做運動，去下公園都可以！」

唉！我已經一星期帶2次公園，但都係咁上下........

醫生：「真係要食多d，唔好偏食！」

唉！南瓜仔係好偏食 (但我比佢更嚴重！)

睇完醫生就排期下次再睇.......

************************

之後就帶南瓜仔去單車公園玩，不過天氣好差，一直落住雨，南瓜仔又唔多肯著雨褸，要一路行一路提住佢 (佢話d風吹到頂帽) ><

 
↑ 好不容易先到左 單車公園，玩在20分鐘左右，就 join 埋 hd 一齊食 lunch ，之後就回家午睡！！

相關文章： 

南瓜仔@矮小症！？
南瓜仔@高度跟進(1) - 健康院

親子好去處@銀線灣

05/06/2016 (44M17D)+(16M15D)

南瓜仔一路都唔鐘意去沙灘，問過 N 咁多次都話唔去 ......

突然間，話要去沙灘玩！？？(真係好突然，果日我地係無提過去沙灘，係佢自己講)

雖然已是下午三時多，但 hd 見佢主動提，就二話不話就一齊去 ........


目的地：銀線灣

南瓜兄妹最初有點怕，但都肯自己行落沙灘(有著鞋)，真的進步了，我記得上年帶佢地去(親子好去處@清水灣二灘)，佢地都係樹熊上身 ><

我一去到就俾蘋果汁佢地飲，等佢地 warm up 下先！

南瓜仔係屋企拎埋玩沙既玩具，話要整 sandcastle ........

咁 hd 就同南瓜仔玩沙，整sandcastle，仲係個sandcastle度畫上 happy face！！

而我就同南瓜妹落去海灘玩，但個海灘真係好 dirty >< (原本我地想去靚d既沙灘，但由於時間關係，只能揀個近近地既沙灘)

最後 hd 就話要帶南瓜仔落海灘玩 .......

我見開始想落雨，就快快走人 (但我見到，人地都見到)，但就排哂長龍等洗腳 ><

攪攪下，開始落微雨，為免佢地淋雨，我就抱住南瓜妹，hd 就抱住南瓜仔 + 沙灘用品，行上百多級樓梯 (我真係快斷氣 ><)，好彩係我地上左車先落大雨！！

不過我見南瓜兄妹唔再怕沙，又玩得開心，自己都覺得咁趕都值得去 ~~~~