22/11/2014 (26M3D)
可升上啟基小學，所以諗住試下.....
hd 要返工，所以由我帶去，我去左又一城食完飯後先出發！
去到等候室有車車玩，都知南瓜仔一玩車就乜都唔記得，但都無法，唔可以收理 ><
等候室同見面室係同一地點......
老師一黎到，就叫南瓜仔收車，南瓜仔當然唔肯啦，咁老師就同佢玩多一陣，最後好好彩南瓜仔都肯俾我收理架車 (唔係佢收，係我收)
之後就俾 LEGO 佢玩，南瓜仔無反應 .......
老師俾香蕉佢，問佢係乜！？南瓜仔唔答！
再俾橙同香蕉佢，問邊個係香蕉！？最初無反應，我就叫南瓜仔俾香蕉我，最後有俾。
老師再問橙同蘋果，叫佢俾橙我，南瓜仔有俾！
老師再拎包同橙，叫佢俾橙我，南瓜仔想拎左包俾我喎，我就話：「橙喎！？」，最後都拎左橙俾我！
之後自己走落到跑左一個圈 (暈左！)，唯有抱住佢坐好.......
最初連書都唔肯睇，老師問佢野，都無反應 (心想：「死硬，半放棄！」)，我當然都有幫手引導佢，好彩當佢見到滑梯時，佢肯講：「滑梯」，老師就問佢：「咁係邊度有！？」南瓜仔：「公園」！(老師應該聽唔到，我講俾老師聽佢答左公園)
老師送貼紙俾佢，都係無講「謝謝！」
自己排完椅就 BYE BYE，走得！！
唉！又係 IN 成咁，都唔知佢想點！？？？
2014年11月28日 星期五
2014年11月25日 星期二
南瓜妹@8個月
21/11/2014 (8M)
南瓜妹8個月啦.....
呢排同南瓜仔面試，老師都問一個問題：「平時邊個照顧小朋友！？」
我：「雖然我係在職媽媽，但我陪小朋友時間唔會少過全職媽媽，我早上到帶小朋友搭校車， 下午我同老公會輪住接佢放學，之後佢就食午飯、玩一陣、午睡至4點多，但我五點左右就回到家，由於有工人姐姐，唔駛做家務，所以我係由五點陪到九點半！我陪佢既時間一定多過工人姐姐！」
咁妹妹呢！？我真的無乜照顧過佢，只係早上同佢換片，之後HD就餵奶........直至晚上六點餵佢食糊仔，之後既時間都係同南瓜仔一齊分.....
06:15 奶 (7安)
07:00 小睡
09:00 遊戲時間
10:00 糊仔
10:30 小睡
12:00 遊戲時間
14:00 奶 (7安)
14:30 遊戲時間
16:00 小睡
18:00 糊仔 / 粥
18:15 遊戲時間
20:30 洗白白
20:35 遊戲時間
21:45 奶 (7安)
22:30 瞓
食
已轉了2固，但南瓜妹唔多LIKE食粥，所以都係俾糊仔佢食多！
試過食物：蘋果、香蕉、啤梨、紅蘿蔔、蕃薯、節瓜、南瓜、牛油果、青瓜、粟米。
今個月：粥、木瓜、翠玉瓜、豬肉、雞肉、提子、蛋黃、三文魚、青豆
大便
1 - 2 次。轉左M碼片啦。
瞓
平均13-14小時。
前幾日病左，有幾晚半夜喊，抱住佢先停喊，但放落床又喊。
平時晚上瞓得好好，無半夜喊，乖！！
能力發展
- 自行坐穩 15分鐘以上
南瓜妹8個月啦.....
呢排同南瓜仔面試，老師都問一個問題：「平時邊個照顧小朋友！？」
我：「雖然我係在職媽媽，但我陪小朋友時間唔會少過全職媽媽，我早上到帶小朋友搭校車， 下午我同老公會輪住接佢放學，之後佢就食午飯、玩一陣、午睡至4點多，但我五點左右就回到家，由於有工人姐姐，唔駛做家務，所以我係由五點陪到九點半！我陪佢既時間一定多過工人姐姐！」
咁妹妹呢！？我真的無乜照顧過佢，只係早上同佢換片，之後HD就餵奶........直至晚上六點餵佢食糊仔，之後既時間都係同南瓜仔一齊分.....
06:15 奶 (7安)
07:00 小睡
09:00 遊戲時間
10:00 糊仔
10:30 小睡
12:00 遊戲時間
14:00 奶 (7安)
14:30 遊戲時間
16:00 小睡
18:00 糊仔 / 粥
18:15 遊戲時間
20:30 洗白白
20:35 遊戲時間
21:45 奶 (7安)
22:30 瞓
食
已轉了2固，但南瓜妹唔多LIKE食粥，所以都係俾糊仔佢食多！
試過食物：蘋果、香蕉、啤梨、紅蘿蔔、蕃薯、節瓜、南瓜、牛油果、青瓜、粟米。
今個月：粥、木瓜、翠玉瓜、豬肉、雞肉、提子、蛋黃、三文魚、青豆
大便
1 - 2 次。轉左M碼片啦。
瞓
平均13-14小時。
前幾日病左，有幾晚半夜喊，抱住佢先停喊，但放落床又喊。
平時晚上瞓得好好，無半夜喊，乖！！
能力發展
- 自行坐穩 15分鐘以上
- 走圍爬
- 扶住企 (數十秒)
- 自己企 (數秒)
- 識得 HI FIVE
其他
- 2隻牙
↑ 8個月啦！！
影呢張相勁難，因為南瓜妹一手就放落去蛋糕度，成手都係cream ><
Hello Kitty 雲尼拿慕絲蛋糕(芒果夾心)係好靚，但味道真係好一般囉！
日前，我問南瓜仔：「買 Melody 定 Hello Kitty 蛋糕好！？」
南瓜仔：「我要 Hello Kitty 蛋糕！」
我：「但 Melody 蛋糕好靚喎！」
南瓜仔：「我唔要 Melody，我要Hello Kitty！」
見佢咁鐘意，就要 Hello Kitty ........
- 扶住企 (數十秒)
- 自己企 (數秒)
- 識得 HI FIVE
其他
- 2隻牙
影呢張相勁難，因為南瓜妹一手就放落去蛋糕度，成手都係cream ><
Hello Kitty 雲尼拿慕絲蛋糕(芒果夾心)係好靚，但味道真係好一般囉！
日前，我問南瓜仔：「買 Melody 定 Hello Kitty 蛋糕好！？」
南瓜仔：「我要 Hello Kitty 蛋糕！」
我：「但 Melody 蛋糕好靚喎！」
南瓜仔：「我唔要 Melody，我要Hello Kitty！」
見佢咁鐘意，就要 Hello Kitty ........
2014年11月23日 星期日
南瓜仔@K班大作戰(8) - 高主教書院幼稚園
15/11/2014 (25M27D)
點解有咁多人已經收到幼稚園既信呢(無論有無OFFER)！？但我一封都未收到！？？間間都話12月先公佈，係唔係我報既學校工作效率太慢！？定係真係超多人報名呢！？？ 如果有間超心儀既學校收左，我咪唔駛再 in 學校囉 ~~~~~~~
可優先升高主教書院小學部，所以十分吸引 .......
佢地係指定時間上網拎表，然後係指定時間交表(星期六)，再俾面試證。
我有諗過唔報呢間，我唔想再要排隊交表，我覺得好麻煩，又未必收喎！
但最後都係決定報讀！！(叫hd去交表 >.<)
呢間in下午，所以in完上午就同南瓜仔食飯再午睡。
都係得一家長陪同……
- 講自己名。無講！
- 老師講顏色，叫南瓜仔拎。做到！
- 有3件物件，拎出2件相同。做到！
- 有本書，指出物件。做到！
hd 話南瓜仔in 呢間表現不錯(雖然都唔肯講自己名，但有同老師講野，但我唔知佢講乜！？)
與藍田靈糧堂幼稚園撞期，點解放棄呢間！？
(1) 設有N班
(2) K1 學位不多
(3) 無直升小/中學
點解有咁多人已經收到幼稚園既信呢(無論有無OFFER)！？但我一封都未收到！？？間間都話12月先公佈，係唔係我報既學校工作效率太慢！？定係真係超多人報名呢！？？ 如果有間超心儀既學校收左，我咪唔駛再 in 學校囉 ~~~~~~~
可優先升高主教書院小學部，所以十分吸引 .......
佢地係指定時間上網拎表，然後係指定時間交表(星期六)，再俾面試證。
我有諗過唔報呢間，我唔想再要排隊交表，我覺得好麻煩，又未必收喎！
但最後都係決定報讀！！(叫hd去交表 >.<)
呢間in下午，所以in完上午就同南瓜仔食飯再午睡。
都係得一家長陪同……
- 講自己名。無講！
- 老師講顏色，叫南瓜仔拎。做到！
- 有3件物件，拎出2件相同。做到！
- 有本書，指出物件。做到！
hd 話南瓜仔in 呢間表現不錯(雖然都唔肯講自己名，但有同老師講野，但我唔知佢講乜！？)
與藍田靈糧堂幼稚園撞期，點解放棄呢間！？
(1) 設有N班
(2) K1 學位不多
(3) 無直升小/中學
2014年11月21日 星期五
南瓜仔@26個月
19/11/2014 (26M)
有天，同隔壁太太傾計 .....
她：「佢由K2開始唔俾佢抱，話太核突！」
我：「嘩！咁叻仔呀！唔駛媽媽抱！弟弟(南瓜仔)仲要我抱呀！」(對住小朋友講)
她：「但我有時想抱下佢，佢都唔俾呢 .......」
她繼續：「當佢3歲時真係抱到手到痛埋，仲想佢快快唔駛我抱添！」
聽完呢番說話，我就覺得可以抱住小朋友時間真的不多，可以的話，抱多一點，愛多一點！！(自我安慰中，因日日早上都要抱南瓜仔返學！><)
食
除左煩之外，我無野可以形容，真係唔想理佢！！
大/小便
戒片：
- 洗白白前會去 VEE VEE
- 臨瞓前會去VEE VEE
其餘時間就等佢自己講，佢講就會同佢去，亦會間唔中問佢去唔去VEE VEE。
成功2次出街去VEE VEE (我無諗過南瓜仔出街會講去VEE VEE)
冬天將來臨，明年4月才正式戒片啦！！
瞓
夜上就10點左右就會瞓著！
每晚臨瞓前，佢要自己熄燈，之後就上床，幫我除眼鏡，再放係枱上，佢先安心去瞓！
發展
1) 說話：
表達能力越來越好，但有時真的不明白，明明無教過佢，佢又會識講 ......
南瓜仔：「我要食乳酪餅！」
我：「你要幾多粒！？」
南瓜仔：「我要好多好多好多乳酪餅！」 (以前只會答「FOUR」，邊到學「好多好多好多」呢！？)
係屋企，無端端拎電話打 .....
南瓜仔：「我要打俾爸爸！」
按電話制 (當然打唔出啦)
南瓜仔：「爸爸，買蘋果汁俾我飲！」
之後就收線！
我：「爸爸係邊呀！？」
南瓜仔：「爸爸返工」
我：「點解爸爸要返工呀！？」
南瓜仔：「要買藍莓俾我食！」 (笑死了！)
工人姐姐叫南瓜仔午睡.....
南瓜仔：「姐姐，Don't worry, XX (his name) go to sleep！」(我都唔知佢係邊度學！？)
最攪笑係佢自己作歌，用 "the wheels on the bus" 既曲 ...... (笑死我！！)
最常講：「我唔識 XXX」，咩都話唔識，我就話：「你試下啦，你做到架！」
有時要我協助先做到，有時自己做到，係佢唔想去試囉！！
識得講英文完整句子，例如：「I want XXXXX」，「I don't want 」，「 Can you help me? 」
2) 識得漱口刷牙 (20多個月試過唔得，就一直無試過)，係有次南瓜仔係學校跌到，口唇流血，老師話幫佢用水洗傷口，再叫佢吐番d水出來，我先知道原來南瓜仔已識得吐番水出來，之前我仲日日俾佢連牙膏吞落肚添！><
3) 可自行除開胸褸 (我無諗過佢識除，係佢勁唔想著褸，自己除出來)
4) 咩都要話事，有要自己揀著乜衫、揀著乜鞋，出街我都會俾佢自己揀，其實係好事定壞事！？俾唔俾佢自己決定呢！？
5) 食藥勁抗拒，用手按住個口，仲不停講：「我唔要食藥、我唔要食藥！」，軟功都係唔成功，最後要強行餵佢，你地有無辦法！？
返學
老師評語：
- 有同老師講野
- 有同同學仔玩/傾計 (唔知佢地傾乜呢！？)，識得講10多個同學仔名！
- 早上回到校，會自動自覺放書包、拎水樽/食物盒/毛巾，然後坐定定等上堂
- 外藉老師話南瓜仔好可愛，隔離班既老師好想帶南瓜仔去佢地既課室 (是否誇張左d呢！？)
- 識得唱好多歌啦，係學校教佢，因為我地都無唱過俾佢聽！(成日要估歌仔)
其他：
- 加入左同班同學既whatapps群組，太好啦，可以知道學校近況 (因為我無學校接放學，好多小道消息都唔知！)
- 返學校巴姨姨講，南瓜仔係校巴唱歌
- 放學校巴姨姨講，南瓜仔已知邊個坐位係佢，佢會講：「我要坐呢度！」
- 日日都係要抱佢返學，因為日日時間太趕，等佢行得黎校巴可能走左，再凍D都唔會點算。 而放學，我就要送完佢返屋企再返工，又係好趕，又會抱住佢囉....... (所以攪到佢越來越懶，唔肯行 >< )
其他
- 24磅
- 16隻牙(其實無睇有無生最後4隻牙！)
有天，同隔壁太太傾計 .....
她：「佢由K2開始唔俾佢抱，話太核突！」
我：「嘩！咁叻仔呀！唔駛媽媽抱！弟弟(南瓜仔)仲要我抱呀！」(對住小朋友講)
她：「但我有時想抱下佢，佢都唔俾呢 .......」
她繼續：「當佢3歲時真係抱到手到痛埋，仲想佢快快唔駛我抱添！」
聽完呢番說話，我就覺得可以抱住小朋友時間真的不多，可以的話，抱多一點，愛多一點！！(自我安慰中，因日日早上都要抱南瓜仔返學！><)
食
除左煩之外，我無野可以形容，真係唔想理佢！！
大/小便
戒片：
- 洗白白前會去 VEE VEE
- 臨瞓前會去VEE VEE
其餘時間就等佢自己講，佢講就會同佢去，亦會間唔中問佢去唔去VEE VEE。
成功2次出街去VEE VEE (我無諗過南瓜仔出街會講去VEE VEE)
冬天將來臨，明年4月才正式戒片啦！！
瞓
夜上就10點左右就會瞓著！
每晚臨瞓前，佢要自己熄燈，之後就上床，幫我除眼鏡，再放係枱上，佢先安心去瞓！
發展
1) 說話：
表達能力越來越好，但有時真的不明白，明明無教過佢，佢又會識講 ......
南瓜仔：「我要食乳酪餅！」
我：「你要幾多粒！？」
南瓜仔：「我要好多好多好多乳酪餅！」 (以前只會答「FOUR」，邊到學「好多好多好多」呢！？)
係屋企，無端端拎電話打 .....
南瓜仔：「我要打俾爸爸！」
按電話制 (當然打唔出啦)
南瓜仔：「爸爸，買蘋果汁俾我飲！」
之後就收線！
我：「爸爸係邊呀！？」
南瓜仔：「爸爸返工」
我：「點解爸爸要返工呀！？」
南瓜仔：「要買藍莓俾我食！」 (笑死了！)
工人姐姐叫南瓜仔午睡.....
南瓜仔：「姐姐，Don't worry, XX (his name) go to sleep！」(我都唔知佢係邊度學！？)
最攪笑係佢自己作歌，用 "the wheels on the bus" 既曲 ...... (笑死我！！)
最常講：「我唔識 XXX」，咩都話唔識，我就話：「你試下啦，你做到架！」
有時要我協助先做到，有時自己做到，係佢唔想去試囉！！
識得講英文完整句子，例如：「I want XXXXX」，「I don't want 」，「 Can you help me? 」
2) 識得漱口刷牙 (20多個月試過唔得，就一直無試過)，係有次南瓜仔係學校跌到，口唇流血，老師話幫佢用水洗傷口，再叫佢吐番d水出來，我先知道原來南瓜仔已識得吐番水出來，之前我仲日日俾佢連牙膏吞落肚添！><
3) 可自行除開胸褸 (我無諗過佢識除，係佢勁唔想著褸，自己除出來)
4) 咩都要話事，有要自己揀著乜衫、揀著乜鞋，出街我都會俾佢自己揀，其實係好事定壞事！？俾唔俾佢自己決定呢！？
5) 食藥勁抗拒，用手按住個口，仲不停講：「我唔要食藥、我唔要食藥！」，軟功都係唔成功，最後要強行餵佢，你地有無辦法！？
返學
老師評語：
- 有同老師講野
- 有同同學仔玩/傾計 (唔知佢地傾乜呢！？)，識得講10多個同學仔名！
- 早上回到校，會自動自覺放書包、拎水樽/食物盒/毛巾，然後坐定定等上堂
- 外藉老師話南瓜仔好可愛，隔離班既老師好想帶南瓜仔去佢地既課室 (是否誇張左d呢！？)
- 識得唱好多歌啦，係學校教佢，因為我地都無唱過俾佢聽！(成日要估歌仔)
其他：
- 加入左同班同學既whatapps群組，太好啦，可以知道學校近況 (因為我無學校接放學，好多小道消息都唔知！)
- 返學校巴姨姨講，南瓜仔係校巴唱歌
- 放學校巴姨姨講，南瓜仔已知邊個坐位係佢，佢會講：「我要坐呢度！」
- 日日都係要抱佢返學，因為日日時間太趕，等佢行得黎校巴可能走左，再凍D都唔會點算。 而放學，我就要送完佢返屋企再返工，又係好趕，又會抱住佢囉....... (所以攪到佢越來越懶，唔肯行 >< )
其他
- 24磅
- 16隻牙(其實無睇有無生最後4隻牙！)
2014年11月19日 星期三
南瓜仔@K班大作戰(7) - 北角衛理堂幼稚園幼兒園
15/11/2014 (25M27D)
有學券既學校，學術同品重都好注重，所以都想試下.......
題外話：
有學券同非學券學校有乜分別！？
- 學費
學券學校可得教育署資助全年 $ 20,010 (2014/2015)，而這些學校全年學費不得高於$30,020 (2014/2015 半日制) ，而 $60,040 (2014/2015 全日制)，而非學券學校全年學費$30,020或以上 (半日制)。
- 學術 / 德育
參加學券學校必須參與，若外評未達標，則會被取消學券資格。
而學券學校，由教育局「外評」監管，所以他們不會學術型 (即催谷)，即不會K1已默書、寫字，但唔代表學既野唔深，只係唔夠非學校券深(k2 要學 P2既野)。但現時要考直資或私小既問題太深，所以部份家長會選擇非學券學校，以便小朋友能考上心儀小學。當然非學券學校並非全部都是學術型，例如 IB / 國際學校。
另一方面，學券學校則著重德育等發展、愉快學習......
針沒有兩頭利，所以家長要睇下小朋友適合哪一類型，若小朋友是活潑型，硬要入「催谷」學校，最後辛苦了家長、亦辛苦了小朋友！
講番正題.....
尋晚南瓜妹微燒，而佢地又寫明只可一家長見，所以由hd去。
hd 話呢間有幾個係超大b，已經3歲(因老師有問佢地幾多歲)，hd 話：「咁點爭呀！？」
若我小朋友係12月尾出世，我想我都會轉去做超大B，可惜南瓜仔係9月出世！
南瓜仔都係唔太合作，唉，都唔知佢想點！？
- 叫乜名。無答！
- 積木叠高。做到！
- 俾個茶壺同杯佢，叫佢做沖茶動作。做到！
- 一大班小朋友一齊唱遊。南瓜仔乜都無做，仲將雙手放後。(個個小朋友都有做 ><)
咁就完成了！
有學券既學校，學術同品重都好注重，所以都想試下.......
題外話：
有學券同非學券學校有乜分別！？
- 學費
學券學校可得教育署資助全年 $ 20,010 (2014/2015)，而這些學校全年學費不得高於$30,020 (2014/2015 半日制) ，而 $60,040 (2014/2015 全日制)，而非學券學校全年學費$30,020或以上 (半日制)。
- 學術 / 德育
參加學券學校必須參與，若外評未達標，則會被取消學券資格。
而學券學校，由教育局「外評」監管，所以他們不會學術型 (即催谷)，即不會K1已默書、寫字，但唔代表學既野唔深，只係唔夠非學校券深(k2 要學 P2既野)。但現時要考直資或私小既問題太深，所以部份家長會選擇非學券學校，以便小朋友能考上心儀小學。當然非學券學校並非全部都是學術型，例如 IB / 國際學校。
另一方面，學券學校則著重德育等發展、愉快學習......
針沒有兩頭利，所以家長要睇下小朋友適合哪一類型，若小朋友是活潑型，硬要入「催谷」學校，最後辛苦了家長、亦辛苦了小朋友！
講番正題.....
尋晚南瓜妹微燒，而佢地又寫明只可一家長見，所以由hd去。
hd 話呢間有幾個係超大b，已經3歲(因老師有問佢地幾多歲)，hd 話：「咁點爭呀！？」
若我小朋友係12月尾出世，我想我都會轉去做超大B，可惜南瓜仔係9月出世！
南瓜仔都係唔太合作，唉，都唔知佢想點！？
- 叫乜名。無答！
- 積木叠高。做到！
- 俾個茶壺同杯佢，叫佢做沖茶動作。做到！
- 一大班小朋友一齊唱遊。南瓜仔乜都無做，仲將雙手放後。(個個小朋友都有做 ><)
咁就完成了！
訂閱：
文章 (Atom)