南瓜仔@K班大作戰(8) - 高主教書院幼稚園

15/11/2014 (25M27D)

點解有咁多人已經收到幼稚園既信呢(無論有無OFFER)！？但我一封都未收到！？？間間都話12月先公佈，係唔係我報既學校工作效率太慢！？定係真係超多人報名呢！？？ 如果有間超心儀既學校收左，我咪唔駛再 in 學校囉 ~~~~~~~

可優先升高主教書院小學部，所以十分吸引 .......

佢地係指定時間上網拎表，然後係指定時間交表(星期六)，再俾面試證。

我有諗過唔報呢間，我唔想再要排隊交表，我覺得好麻煩，又未必收喎！

但最後都係決定報讀！！(叫hd去交表 >.<)

呢間in下午，所以in完上午就同南瓜仔食飯再午睡。

都係得一家長陪同……

- 講自己名。無講！
- 老師講顏色，叫南瓜仔拎。做到！
- 有3件物件，拎出2件相同。做到！
- 有本書，指出物件。做到！

hd 話南瓜仔in 呢間表現不錯(雖然都唔肯講自己名，但有同老師講野，但我唔知佢講乜！？)


與藍田靈糧堂幼稚園撞期，點解放棄呢間！？

(1) 設有N班
(2) K1 學位不多
(3) 無直升小/中學