南瓜仔@18M

19/03/2013 (18M)

18個月啦，歲半啦！(南瓜妹37周，足月啦！)
. 
07:00  早餐 - 奶 (7安)
07:15  遊戲時間
08:30  小睡
10:30  起床
11:00  午餐 - 粥
12:00  遊戲時間 
14:30  下午茶 - 奶 (5安) 或 包/蛋糕仔/蕃薯
14:45  遊戲時間
15:30  小睡
17:30  遊戲時間
18:30  晚餐 - 稀飯
19:30  小休 
19:45  大人飯(少許) + 水果 
20:15  遊戲時間 或 去樓下行下 或 唱遊
21:15  洗白白
21:30  消夜 - 奶 (6安)
21:45  閱讀時間 (睇書 / 玩砌圖 )
22:30  瞓覺

食
都係唔鐘意食，無佢辦法......

午餐除左粥外，有時都會整下烏冬，但米線果d佢就唔多like！

下午茶除左奶之外，仲試下轉食其他野，始終都係要3固2奶！

晚餐開始轉食稀飯，因為南瓜仔係唔係都唔多食，所以轉俾佢試下，試左幾日，發覺佢鐘意食飯多過餸喎，當佢食完佢既晚餐後，我地都會俾少少大人飯餸同水果俾佢食，等佢坐係度無咁悶！！
 
大便
平均一日 2 -3次！

瞓
平均瞓 12-13小時！！

有時會一瞓就天光，有時都會瞓瞓下喊兩聲，之後拍兩拍就瞓番！！

但最攪笑係晚上，佢唔想瞓時，佢就拍住hd同我地講自己便便(但只係叫佢，唔會叫我喎！？)，睇左n次都係無......頭一日仲以為佢肚仔唔舒服，去唔到便便 (但果日已有3次)，之後幾日都係咁，我估係佢唔想熄燈瞓 ......

能力發展
南瓜仔今個月發展無乜新發現，只係每一樣野都比之前做得更好！
1) 說話：學會跟我地講單字，而且亦自己講單字，如：叻、馬、DOG、係、有、HAVE、知、橙、貓、好等等(唔係跟我地口水尾，例如佢見到波，自己會講波)
2) 行路：已經跑得好快，有時追唔切 (大住個肚仲難追)
3) 用杯飲奶：因為南瓜仔唔多鐘意用學習杯飲奶，所以我直接用杯(當然我會係隔離拎住個杯)，飲到2安！


其他
- 瘦b (21.2磅)

- 10隻牙 (出左少少大牙)

- 前排勁扭玩 iPad，成日指住要玩，所以收理左，即使成日指，唔俾佢，由得佢喊，一個星期後已經無再扭玩！

- 流鼻水流左成個幾星期，都係唔鐘意食藥，一見到就喊，唯有用"陰"招 -- 俾餅佢食，襯佢開口放餅時，用匙(已放了藥)放入佢既口，雖然都有反抗，但都算順利！！

17M25D@第六次剪髮

上次出街剪髮失敗，hd話唔會再帶南瓜仔出街剪，本來想in完最後一間學校先剪，但真的好長，攪到佢好痕，都係快快剪左去！！

由hd負責剪 ......
第一次試：開電視俾佢睇，本來睇得開開心心，一見到把剪刀馬上喊，我地就停止左！
第二次試：抱住佢瞓剪，都係失敗，勁知醒
第三次 ：無辦法，放了張椅係洗手間，由得佢點喊，喊住剪 ...... 可憐既南瓜仔一路剪一路勁叫 "mama mama"，好似想我救佢咁， 好慘呀！！

剪完，就請佢食餅餅，平時我都唔多俾佢食，今次就獎佢食多d啦！

↑ 好睇嗎！？ 前面算係咁，但後面就 ..........

↑ 歲半，點到要慶祝一下，我又放鬆一下自己(戒口咁耐)，買左個「3D造型米奇米妮迷你情侶慕絲蛋糕套裝」俾南瓜仔！