南瓜妹@2個月

21/05/2014 (2M)

南瓜妹好叻，DAY 48已成功戒左夜奶，可以SET 時間表啦 (因為由得佢幾點喊要夜奶，可能隔4小時或更長時間)！！

南瓜妹，我知你不會記得，但媽媽會記底左，你爸爸好錫你，日日餵你食夜奶……媽媽呢？媽媽會幫你換哂片同沖埋奶，先叫你爸爸起床餵你，我地倆個分工合作照顧你架!

06:00  奶 (4安)
09:30  奶 (4安) 
13:00  奶 (4安)
16:30  奶 (4安) 
20:00  奶 (4安)
22:30  奶 (4安)

食
足一個月去完健康院，醫生話妹妹體量ok，唔駛迫佢起身食奶，我就俾佢自然醒食奶，亦由day 32 就轉食4安。

上個月唔多食奶，食食下就瞓左，今個月就改善左，只係試過一次食唔哂4安。

南瓜妹肯食奶，可惜成日嘔奶，試過一日嘔3餐，唔係嘔少少，係噴出來 >_< 。(攪到婆婆唔敢餵，其實我都好怕，但怕都要餵，而工人姐姐只係餵過3餐，因我都怕佢餵唔到，希望南瓜妹大啲會好轉，到時我要返工就餵唔到啦。)

要每一安就要掃風，有時掃到都會嘔，攪到我唔敢加奶量減餐數。

最快就半小時食完，慢就要1小時，唔係佢唔肯食，而係有左好多時間係掃風，若只計食奶時間，應該15分鐘內可以KO，現在除左最夜餐奶嘔奶先會補奶外，其他餐數都唔補奶。

大便
平均一日 2 -3次，但試過一日8次，仲要背脊都係便便，換片又要換衫，唉。

已轉S碼尿片。

瞓
我無計佢瞓幾多，因為佢瞓係床唔喊唔叫就無理佢，佢醒左會自己係床眼碌碌。

能力發展

- 會更流暢和自如地擺動身體及四肢

- 間中會用力伸直雙腳或踢腿。

- 會放鬆及張開手掌。 

- 張望四周的環境。

- 會定神注視人的臉孔，尤其是媽媽的臉孔。 

-能從較遠處（數呎或一至兩米外）認出熟悉的人，視線更會隨熟悉的人移動。 

- 視線和頭部會追隨物件而左右轉動。

- 頭部會隨聲音的方向轉動。 

- 會聆聽音樂。 

-聽到熟悉的聲音會笑。 

南瓜仔由出世到1歲，個個月都有買蛋糕慶祝，所以南瓜妹都會一樣。