南瓜仔@出牙之癲

16/04/2014 - 25/04/2014 (18M28D - 19M6D)

呢個幾星期過得不容易…

首先係發微燒37.6度，南瓜仔食完退燒藥後，連午餐都唔肯食，晚餐要睇住電視先肯食。

一直都係keep住微燒 37.6-38.2度，但無鼻水、無咳，都唔知係乜事。

過了兩日，南瓜仔成日含住口水，又不停指住啲牙，所有固體食物都唔食，就連平時最鐘意既提子/乳酪餅，一放入口就吐，我地就估佢可能出牙。

固體唔食，好彩仲肯食奶，雖然平時用5分鐘，現在要用20-30分鐘先食完，但總好過乜都唔食，而佢便便都變左妹妹便便(即係初生時既便便)！！

最難攪係佢不停狂喊，狂扭。唔玩任何玩具，只係識叫我抱，連爸爸抱都唔得，但我抱唔夠10秒又喊，放低佢，佢又喊，連佢最鐘意既Mickey Mouse Clubhouse 既卡通片都攪佢唔掂，連續個幾鐘都唔停，好不容易氹佢瞓，瞓醒左又扭過，真係人都癲。

好彩係復活節假，hd係屋企，若只得我一個，睇下兩個一定死得。

我地見南瓜仔咁辛苦，乜都做唔到，為有用唔到方法減輕佢既痛.......

1) 朋友教食雪糕，我地都試下，可惜發癲中既南瓜仔一啲都唔鐘意食。- 失敗

2) 食止痛藥水(包埋退燒)。 - 失敗

3) 抱住佢。- 失敗

4) 牙膠/牙仔餅。- 失敗 (19個月啦，啋我地都傻)

5) ↑ hd從上網見到吳德物次(肥仔水)有助減輕出牙既痛，我地又試下…

食完再俾卡通片佢睇，又正常番喎！? - 成功

第二朝，南瓜仔又喊住指住啲牙，我又俾佢食多次肥仔水，又work喎，無扭。

雖然無再扭，但要佢食番固體食物，首先食左乳酪餅，之後再食提子，見佢肯就試食飯，但唔肯食，我地就試食蛋達既黃，佢又肯食。之後再試飯，都係唔肯食，我地就試魚肉，佢又肯食。失敗幾餐後，南瓜仔終於肯食飯啦∪･ω･∪。

原來南瓜仔一出就3隻牙(左上顎犬齒、左右下顎側門齒)，但南瓜仔早前已出哂4隻大牙(第一臼齒)！！

現在右上顎犬齒(1隻)、左右下顎犬齒(2隻)、同上下顎大牙(第二隻臼齒)(4隻)仲未出，希望下次出既時候唔好再係咁！