2014 母親節

11/05/2014

南瓜仔:19M22D
南瓜妹:  1M20D

第2年過母親節，對我來說無乜特別，因為佢地兩個仲未識同我慶祝，最開心係一家四口一齊午睡，正!

南瓜妹真係真係好乖，佢好少喊，由佢出世至今，真係喊住要抱都係得幾次，深夜都係試過1次，仲要係喊左一陣就無再喊。

有一晚，南瓜妹喊了兩聲，我拍了幾下心口，見佢無喊，雙眼合埋，我就回房，心血來潮睇下個cam，見到南瓜妹無瞓，自己眼仔碌碌，自己係床到，直到差不多飲奶時間（30分鐘後），佢先喊了幾聲要食奶。

平日早上，我同南瓜仔仲瞓緊，南瓜妹都無乜喊，工人姐姐話妹妹自己係床度自己玩，工人姐姐就繼續做家務。

我真係覺得對妹妹唔好，好似無俾母愛佢，由得佢自己係床度。自己同自己講，妹妹咁細，你可以同佢玩乜？？不如俾多啲時間陪哥哥啦!?

妹妹，媽媽知你好乖，想爸爸媽媽多點休息，多啲時間陪哥哥，媽媽好愛你架!

↑ 前一天南瓜仔返playgroup ，學校安排左做勞作送俾媽媽，呢份勞作係我同南瓜仔一齊做。