QE 產後再驗血糖

02/05/2014

政府醫院都幾好，產前驗到有妊娠糖尿，而產後亦安排多一次驗血糖，仲係唔駛錢添。

9點鐘就去到E1會計部，再去C3，之後就空腹抽血，再飲糖水。

飲完之後1小時，自己就用自己既驗血糖機做測試…

↑ 嘩！去到9，點解咁高？？？？（飲完糖水後1小時，10以下就合格）
- 係坐月期間，我已經無戒口，飲檸檬茶、朱古力奶、食薯片、朱古力 ...... 最衰係HD，佢叫我增肥 (現在100磅左右，比產前重左12磅)，成日買俾我食，攪到我未唔停口食， 見到呢個數字後，有點後悔食咁多零食！！

所以立刻落去行番幾個圈，等自己血糖低番。（做運動係好有效降血糖）

↑ 行完就自己再check，跌至4.8，好彩咋。

2小時後，就係QE既姑娘再抽多1次血，咁就完成哂啦。

第二日就知結果，合格，空腹 - 指收3.8，飲完糖水2小時 - 指數 4。(4 會否低左少少呢！？)

P.S:當日仲撞到中學同學同佢老婆，真有緣。