去健康院，一上磅就心知不妙，只得 5.66kg， 重得好慢！
見姑娘，都係講番嘔奶既問題，姑娘話南瓜妹既生長線由50跌至25，所以轉介俾醫生！
見醫生，醫生話好多bb都係咁，去到6個月就會好轉，亦唔排除要食藥，但會有副作用。
因南瓜妹跌出原本既生長線，所以建議轉介去政府醫院兒科排期，hd 千萬個不願意排期，但我覺得排左期先，若去到南瓜妹6個月時先再排期，就會拖得仲耐！ (後記：因要帶住址證明、出世紙，第2日先去排期，結果排到今年11月，南瓜妹已8個月！><)
最後打埋支13價肺炎鏈球菌疫苗，南瓜妹只係喊左幾聲，就無喊啦 ~~~~~
講番呢個月既進展先.......
06:00 奶 (5安)
10:00 奶 (5安)
14:00 奶 (5安)
18:00 奶 (5安)
22:00 奶 (5安)
食
無加奶量，因為都係成日嘔奶，都唔知時先唔再嘔奶！？
基本上所有奶佢都食哂，只係嘔番出來，現在亦唔會補奶！
我問hd：「你覺得嘔奶好！？定係厭奶好！？(南瓜仔2個月已經厭奶)」
hd：「咁當然係厭奶，佢厭奶我知道佢食幾多！？嘔奶又唔會佢食幾多！？嘔左幾多！？」
另一個問題係嘔奶既工作多好多，衫一日換幾次(係食完奶個幾兩個鐘先吐，無理由長期用住膠口水肩)，亦試一日嘔濕3張床單，唉！
大便
平均一日 1次。試過幾次兩日1次。
瞓
平均16小時左右。
能力發展
- 識抬頭
(無做過任何"特訓"，如果唔係上次做spa，我都唔知已經識得抬頭，因為太怕佢會嘔奶！！)
- 笑得好甜，真係好甜 (女仔係可愛啲)
- 會發出 "呀！呀！呀！"聲
↑ 晚上八點半先記得要買蛋糕慶祝，拿拿淋叫hd落街買，所以已經無乜款，是是但但買左呢個蛋糕！
又係南瓜仔代吹蠟燭，南瓜仔吹完勁開心！！
(無做過任何"特訓"，如果唔係上次做spa，我都唔知已經識得抬頭，因為太怕佢會嘔奶！！)
- 笑得好甜，真係好甜 (女仔係可愛啲)
- 會發出 "呀！呀！呀！"聲
↑ 晚上八點半先記得要買蛋糕慶祝，拿拿淋叫hd落街買，所以已經無乜款，是是但但買左呢個蛋糕！
又係南瓜仔代吹蠟燭，南瓜仔吹完勁開心！！
嘔奶真係好麻煩，見佢嘔真係好驚架！ 有無張床仔long高？我醫生話等佢地可以無咁易嘔奶。 放心啦，大D自己好D，妹妹而家已經8個月，大約3-4個月已經有好轉，加油！
回覆刪除係呀，試下long高黎訓，遲啲妹妹識坐就好好多。我見妹妹面珠同手都有肉，唔似咁輕喎
回覆刪除厭奶定嘔奶好？兩樣都係麻煩，但嘔奶可以有多啲方法解決，厭奶可能只可以等...
回覆刪除南瓜妹的表情好搞笑，有得吹蠟燭，又有得吃蛋糕，最開心應該係哥哥，咔咔 ~
回覆刪除聽見都心痛，但睇相又唔似喎，仲啖啖肉
回覆刪除希望妹妹快d过渡依个呕奶階段！
回覆刪除政府野，排左隊先好！
last 张相，南瓜仔從后面扶住妹妹，好sweet！
嘔奶真係好麻煩, 不過我無這方面的經驗, 幫唔到你, 唔好意思
回覆刪除by the way, 我印象中南瓜仔都係細細碼bb, 會唔會同遺傳有關呢?
莫講話南瓜妹飲5安奶奶, 就算瞕瞕是個8安奶bb(當然佢已一歲兩個月了), 但佢都一樣係咁細粒, 我已盡力的了, 可能... 真係天生
其實, 健康就好, 我覺得南瓜仔都好醒目呀, 又錫妺妹, 好溫馨