南瓜妹@第4次私家疫苗

03/10/2015 (18W12D)

由於早上hd 要南瓜仔要去學游水，所以就自己單拖帶南瓜妹去打針！

今次係去打五合一，打埋呢支針就等到小一先要再打針啦 ~~~~

去到診所等左20分鐘，就打針啦！！

同醫生閒談，當我講南瓜妹返學時，醫生既反應係：「返playgroup咋！？」

我話：「唔係呀，返全日，有校服著，間學校有 PN、K1架，係幼兒園黎！」

醫生個樣好似唔太相信，哈！哈！

南瓜妹一打針就喊，不過都係喊左1陣咁就無喊，都算係叻叻！


↑ 之後就趕返屋企，點解！？因為南瓜妹有鼻水同咳 ><，所以要去睇醫生！！

我臨出發打針前已經幫南瓜妹掛左號，所以去到都唔駛等好耐 ......

醫生見到有膠布：「e...... 頭先打完針！？去健康院！？」

我：「係呀，打完五合一！去私家打！」

醫生：「點解頭先唔去睇埋醫生！？」

我：「個醫生只係打針，唔睇症！」

醫生：「哦...........」(可能佢太奇怪！？)

原本南瓜妹無發燒，但午瞓後，發現係全身有點熱，原來有微燒，可能打完5合1既針！？不過第二日就退哂燒，可惜之後既幾日 ..........