親子好去處@整Cupcake

25/10/2015 (37M6D)

目的地：森意樂烘培工作室 (整Cupcake)

好彩南瓜仔病好，否則就去唔到。原本諗住一家四口一齊去，但後來先知道 hd 這天沒有空，唯有叫工人姐姐調假期，留左家中照顧南瓜妹！！

約左南瓜仔PN既舊同學一齊去，呢班小朋友見番面時不知幾開心！！(小朋友與小朋友一齊玩！)

我地早到左半小時，去到時仲有個同學仔早過我地，所以我地就早點上去，職員好nice俾我地入面等！！

啱啱去到時南瓜仔仲未warm up，但好快就同d 同學仔一齊玩........ 

時間到，小朋友同大人都著上圍裙，之後就去洗手！

今次整彩虹 cupcake，南瓜仔明顯俾上次整pizza投入 ，全程都可以自己做 (當然我有幫手！)


↑ (1) 加牛油液、蛋黃、砂糖、奶，攪伴
(2) 加麵粉，攪伴
(3) 加色素，攪伴 (我地四個人一組，每個人整一隻顏色！)


↑ (4) 加蛋白(已發)，攪伴
(5) 放入袋
(6) "唧"入蛋糕模 (分4隻顏色"吱"入)，七成滿
(7) 之後就等焗蛋糕 (23分鐘)，待涼

呢個時候，呢班小朋友就開始四圍走，不知幾開心！！

待蛋糕涼左後，就要加裝飾！

睇南瓜仔個樣就知佢好想食 ......


↑ (8) "唧" cream
(9) 放朱古力碎 (南瓜仔一路放，一路偷食！)
(10) 完成！

正當我去洗手時，突然聽到南瓜仔喊聽，原來佢撞到眼角 ..........

南瓜仔一路喊，一路講要返屋企，仲話要搭的士 (點解仲咁有理智話要搭的士！？)，我要拎住 cupcake，又要睇住南瓜仔都不易，所以都係搭的士方便d .......

未出門口，南瓜仔就喊住要抱，話好痛、好痛、好痛，好明顯佢唔係痛，只係想我抱佢 ><

返到屋企，食完飯後就食蛋糕，不過hd 話佢地既 "色素" 好勁，所以只係俾左少少佢地兩個食！！

地址：荃灣海盛路3號 TML廣場西翼 26樓 D 室
電話：3568 5208 
費用：每人$340 (最少8人參加)