親子好去處@香港動植物公園

28/09/2015 (36M9D) + (18M7D)

目的地：香港動植物公園

同堂哥、堂姐、表姐們一齊去名都飲早茶，估唔到現在仲有"推車點心"，現在我諗全港都唔超過10間！！

飲完茶就同表姐們去香港動植物公園玩 ........

↑ 巧遇六歲盾臂龜

天氣太熱，小朋友要休息一下，食下雪糕先！！(可憐既我有咳，飲唔到凍飲，熱到想死！)


↑ 睇猴子，今次已是第二次來，南瓜仔都係睇得好入神！！


↑ 去遊樂場玩，南瓜妹真係大個左好多，現在已經自己上樓梯，再自己滑埋樓梯添！！

玩玩下就3點，南瓜妹已無哂電，所以快快走人，抱抱下南瓜妹就瞓左，最慘係由香港動植物公園行返去金鐘港鐵站好遠好遠，抱到我手快斷 (原本 hd 話抱，但我怕南瓜仔唔肯行，抱住南瓜仔仲攞命，而且唔想轉手「嘈醒」南瓜妹 ......)

好不容易行到商場，之後去超巿買野飲，此時南瓜妹就醒左啦.........

到上車無耐，南瓜仔就瞓左，原本諗住佢2個一齊瞓我可以休息一下，最後都係無得休息！

地址：香港中環雅賓利道