南瓜兄妹@再病倒了

呢個10月真係好黑暗，原本南瓜兄妹病得七七八八，但又無端端又再病過，咁就病足三個星期，而我亦都病埋 ......

南瓜妹瞓得唔好，半夜會喊醒，我就要起身睇住佢瞓 ........

南瓜妹

16/10/2015 (18M25D)

半夜聽到咳聲，我己經9秒9跑過去，但南瓜妹已咳到嘔，咁我當然立刻抱起佢 .....

叫左工人姐姐起身清理床單，點知南瓜妹又嘔過，嘔到我同佢全身都係！！

成晚南瓜妹都不停咁咳，我就抱住佢，點知南瓜妹傳染埋我 ><

一早，就要帶南瓜仔返學，之後就返家帶南瓜妹去睇醫生 .......

醫生話可能上次好番後，又俾病菌感染，暫時不開抗生素！

17/10/2015 (18M26D)

南瓜妹都係不停咳，但就無咳到嘔！！

是日星期六，我忘了返工添(我真的以為自己係短周)，係到11點先見到同事 whatapps我(太忙，連電話都無睇過)，我就快快返工，但就要補番無返工既時間.......

但我返到公司已感到不適，原來我緊發燒 ........

18/10/2015 (18M27D)

南瓜妹都係咳，但明顯係咳少左！！

19/10/2015 (18M28D)

hd 話南瓜妹已經無乜咳，所以如常返學 ......

點知早上我收到南瓜妹學校既電話，話南瓜妹係學校咳到嘔，叫我快快去接佢！！(天呀！點解會咁架！？？？)

因為我同南瓜仔係醫院，所以就打電話俾公公，叫公公去接南瓜妹回家！

待我同南瓜仔回到家後，安排埋南瓜仔沖涼同食藥，就帶南瓜妹睇醫生 .....

醫生話南瓜妹無乜事，都係開番之前既藥俾南瓜妹食！

回家後就餵妹妹食埋藥同粥，再氹理佢瞓 ........

20/10/2015 (18M29D)

南瓜妹已經無乜咳，所以照常返學。

21/10/2015 (19M)

是日重陽節，見南瓜仔無乜精神，所以就帶埋南瓜妹同南瓜仔出街，吸收下新鮮空氣！！

南瓜妹仲有少少咳！

22/10/2015 (19M1D)

如常返學了！！

23/10/2015 (19M2D)

如常返學了！！

講完南瓜妹，就要講埋南瓜仔 ......... 點解佢兩個一齊病！？？最煩係佢兩個都要我，我一就得一個，點可以分身呢！？？

南瓜仔

18/10/2015 (36M29D)

食完午餐 (外賣)，休息一陣就午睡 .......

16:00

午睡完，無端端嘔，係勁嘔，係嘔左好多好多好多 ><

之後南瓜仔就無哂精神，佢只係留左梳化休息 .......

期間南瓜仔又嘔過，再俾佢休息，之後佢話要飲水，就俾水佢飲，點知飲完唔夠15分鐘又嘔過....... (hd已經落左街掛號睇醫生，但要等1小時)

隔了半小時後，南瓜仔又話要飲水，再俾水佢飲，又再嘔過，見佢嘔都咁辛苦，就俾止嘔藥水佢食，點知隔左唔夠10分鐘又嘔過 ........

hd 話就帶南瓜仔去睇急症，因為連止嘔藥都止唔到，唔知係乜菌或者食物中毒！！ (我就帶南瓜仔去醫院，hd 就留係屋企睇妹妹，工人姐姐放左假)

19:00

我就快快帶南瓜仔去醫院，一落車，南瓜仔又嘔過 ><

登記完就等分流，要等2小時 ........

期間南瓜仔既精神都不錯，亦沒有再嘔！

20:45

終於都可以睇急症醫生啦，可能係腸胃炎，醫生安排左佢塞藥止嘔，要留底觀察1小時。

又同南瓜仔驗尿，南瓜仔有輕微既缺水。

21:00

此時，hd 已到了醫院 (佢要等工人姐姐回家，再餵埋南瓜妹食藥先可以黎)。

等緊期間南瓜仔話要飲水，但都無俾佢飲。

21:15

↑ 急症醫生安排南瓜仔飲「能量水」(話係橙味)，但南瓜仔飲左幾啖就話唔飲，姑娘話最好飲哂啦，我地氹左好耐先飲到半杯，我試過味，真係好難飲！！

21:45

又安排見急症醫生，醫生話應該止到嘔，所以可以回家。

醫生：「若唔肯飲能量水可以飲寶礦力，都可以補充水份！」

我：「咁可唔可以飲益力多！？」(南瓜仔之前講飲益力多會好，等醫生同佢講「唔得」)

醫生：「可以， 益力多有益生菌，仲好添！」

我：「吓！可以飲益力多！？？？？」(吓！吓！吓！)

22:00

因要等藥同病假紙，所以我就叫hd去買益力多俾南瓜仔飲，南瓜仔唔駛幾秒就飲哂！！

22:15

拎完藥，走人！

22:20

南瓜仔係車上已瞓左，hd 仲諗駛唔駛叫佢食飯 .......

但一入到屋企既升降機時，南瓜仔又嘔過 ，嘔到我同南瓜仔全身都係 ><

咁我地都返左屋企清理一下，帶了幾本書、衫，就再出發去醫院。

22:40

再入去分流站，又再見急症醫生，當然要留醫啦！！

23:00

等上病房。

打左俾老細話要請假 ........

23:30

上到病房，登記，見當值醫生，醫生問完一大唯問題後 .......

hd：「可以飲益力多嗎！？」

當值醫生：「當然唔可以，甜野一定唔得！」

hd：「但急症醫生話飲益力多好喎！」

當值醫生：「過甜令腸胃出更多水，屙得嚴重會脫水！」

19/10/2015 (37M)

00:00

我就陪南瓜仔，hd 就返屋企拎日用品來，因為出來太急，我又未沖涼，又無拎南瓜仔既牙刷、杯、毛巾、奶粉等等。

00:15

↑ 安排左床位，仲係隔離病房 ，姑娘話入面有獨立洗手間，無乜事都唔好走黎 ><

南瓜仔唔肯瞓醫院床，唯有抱住佢瞓，唔夠3分鐘就瞓左，當放上床就話唔好，但喊唔夠5秒又瞓番，可能佢真的好累。

01:00

hd 黎到醫院，我就去沖涼，待我沖完涼後 hd 就回家 .......

其實我很累很累，但瞓唔到，一來又個bb狂喊 (佢又屙又嘔)，二來我又擔心南瓜仔，好彩南瓜仔瞓得不錯！！

07:30

↑ 南瓜仔醒左！！

08:00

唔肯食粥，唔肯飲奶、更加唔肯飲「能量水」，好彩南瓜仔肯食餅同飲水。

由於怕南瓜仔再嘔，醫生建議每次只能飲一啖水，隔5分鐘再飲！

南瓜仔無嘔啦，仲同隔離既小朋友一齊玩車，一d都唔似病！！

09:30

見醫生，由於南瓜仔無嘔，但醫生話要再觀察，建議留到17:00，若無乜事就回家"渡假"，明天再回來。

09:45

當醫生走左之後，我收到南瓜妹學校既電話，話南瓜妹係學校咳到嘔，叫我快快去接佢！！(天呀！點解會咁架！？？？)

我就快快打電話俾公公，叫公公去接南瓜妹 .........

因情況有變，所以我就走去搵醫生，問可否早點走，醫生話要睇埋埋顧問醫生先得，唯有等等！

10:15

見埋顧問醫生，可以提早走，但明天要回來，太好啦！！

咁就等埋姑娘攪埋d文件，先可以走人！！

10:45

出左院啦，但又要去拎藥，等左25分鐘先拎到藥，好彩 hd 接到我地回家，但之後又要趕返工！！

11:30

返到屋企啦，首先同南瓜仔沖涼，然後就餵藥，餵南瓜仔食藥係好難既事，攪左我15分鐘先KO左佢！(南瓜妹同公公一早已回到家，我就叫公公幫南瓜妹拎籌睇醫生！)

12:00

攪掂哂南瓜仔就帶南瓜妹落樓睇醫生 .........

13:00

南瓜妹睇完醫生就回家，回到家見到南瓜仔食左半碗飯，但話好飽，咁我都無迫佢食！！

我就餵左南瓜妹食藥先，再餵埋佢食粥，但南瓜妹食得好差 ，攪左我半小時只係食得一半 ><

13:30

此時，我已接近30小時無瞓過，24小時無食過野，但我要用5分鐘食完碗麵 .......

13:35

氹南瓜妹瞓，現在南瓜妹好衰，佢一定要我係佢隔離先肯瞓，好彩唔駛5分鐘就瞓左！

13:40

陪南瓜仔瞓，又係唔駛5分鐘就瞓埋！！

我亦同佢地一齊瞓，我真的好攰、好攰 ..........

16:00

佢兩個都醒左，就陪佢地玩！！

17:00

hd 回到家，我就要返工，你地無睇錯，我係要返工，因為我有手頭上工作未完成，所以一定要回公司做！！

不過返工前都要餵埋南瓜兄妹食埋藥先可返工！

南瓜仔已經無嘔，但有咳同鼻水，而半夜仲狂咳添！

20/10/2015 (37M1D)

南瓜妹如上返學，又見南瓜仔無乜事就帶埋南瓜仔一齊送南瓜妹上校巴，點知 ........

佢兩個都要我抱，我一個人點抱住兩個！？？好彩有公公，公公唔理南瓜仔狂喊，照抱住佢！！

南瓜妹仲衰，平時上校巴唔會喊，我送佢就唔捨得我，一路咁喊，早知就唔送南瓜妹上校巴啦！！

南瓜仔返到屋企就狂咳，未停過，又扒係梳化唔肯郁，仲瞓埋添 ........

咁我咪抱佢返房，一抱起佢又喊，但我無理照抱佢入房，係床上都有叫，但叫唔夠1分鐘就瞓左！！

差不多十點，我就要叫醒南瓜仔，因為要返醫院覆診 ......

去到時南瓜仔都係無乜精神，但無耐就同其他小朋友一齊玩，最奇係南瓜仔係醫院無咳過！？唔通屋企有問題！？？

醫生來到：「邊個係 xxx (南瓜仔名)！」

南瓜仔就舉手！

醫生：「仲有無嘔！？」

我：「無嘔啦！」

醫生同南瓜仔做檢查：「咁應該無乜事，咁可以出院啦！」

等埋姑娘俾埋文件我地就走得！

但返到屋企後，南瓜仔就有屙，仲話：「e.....媽咪，點解屙poo poo時會屙埋vee vee一齊！？」
我仲答佢：「傻豬，男仔 poo poo 同 vee vee 分開架！？」
南瓜仔：「唔係喎，poo poo 同 vee vee 一齊喎！」
此時我就聽到應該肚屙既聲 ........

21/10/2015 (37M2D)

是日重陽節，見南瓜仔都無乜精神，所以就帶佢落街下行！！

22/10/2015 (37M3D)

見南瓜仔無嘔，只係仲有幾聲咳，但都如常帶佢返學 .......

但南瓜仔：「我唔著校服，我唔舒服，要留係屋企！」(唔通扮病！？？或是真病？」

我就同佢傾完一大輪，最後南瓜仔都肯換上校服返學 .........

22/10/2015 (37M3D)

都係仲有兩聲咳，如常返學。

但就要我抱佢返學，我問佢點解要抱！？ 南瓜仔：「因為我唔舒服！」

我：「咁你食唔食蛋糕！？」

南瓜仔：「食呀！」

我：「但係病唔食得喎！」

南瓜仔：「我都無病！」

其實我真係唔肯定南瓜仔是否唔舒服！？但見佢有精神，應該無乜事 .........