親子好去處@大埔海濱公園

04/04/2016 (42M16D) + (24M14D)

目的地：大埔海濱公園

今次約左表哥、表妹(姐)、表弟們一齊去.......

天功造美，天氣好好，有陽光 + 微風！

小朋友一開始就食野、食野同食野！(南瓜妹食唔停！哈！哈！)

食左一陣就去玩啦 ......


↑ 玩單車、滑板車、放風箏、彩虹傘、吹泡泡、踼足球 ........

呢班小朋友既笑聲不停，聽到佢地既笑聲，自己都開心埋一份！！

之後又係食野、食野同食野！(南瓜妹再次食唔停！)

再之後就去左「昆蟲屋」(我無去，因為南瓜妹開始攰，咁就 hd 同南瓜仔去)！

呢度環境好好，唯一唔好係好好多昆蟲，地下有好多蟻 ><

玩到四點就回家！！

南瓜妹上車無耐就瞓左，但南瓜仔點都唔瞓，仲講：「媽咪，我係唔會瞓！」

當南瓜仔見到表弟落左車，唔夠1分鐘，瞓左......... (我估係南瓜仔見到表弟唔瞓，佢都唔瞓)


題外話：

南瓜妹d頭髮開始拮眼，雖然可以帶髮夾，但南瓜妹係一星期裡已經唔見左3隻，都唔係辦法 ><，都係剪瀏海方便d。

原本我想剪埋後面，但hd講：「我要我既女長頭髮！」

都唔明點解！？短頭髮咪仲好！？？