南瓜妹@PN (DAY 1 - DAY 5)

正式返學啦！！(呢一日都係南瓜仔既開學日，南瓜仔都習慣哂，都無乜好寫！)

我就請左4.5天假陪佢地開學！！

唔......我無緊張過，可能係第2個小朋友，而最重要係我大了解南瓜妹，我絕對相信妹妹上校巴一定喊。

最怕係佢肯學校 vee vee ，怕佢會麻煩到 ee！！

頭五日都係返1小時 .......


15/08/2016 (28M25D) - day 1

- 可2位家長陪同

是日，可以由1位家長搭校巴，當然呢個任務由我做啦，hd 就自己去學校。(由於校巴公司安排唔到，所以只可1位家長陪搭)

原來搭35分鐘校巴係好辛苦既事，我搭到差點想嘔，好彩係頭2日先要搭咁耐，之後就搭25分鐘。

去到課室，由於太多小朋友都係2個家長陪同，所以課室就迫到呢……

南瓜妹有我地陪同都算ok，但就無時無刻都要拖住我。

排洗都要我陪，亦成功 vee vee。


16/08/2016 (28M26D) - day2

- 可2位家長陪同

是日，可以由1位家長搭校巴，都係由我陪。

學校有了尋日既經驗，所以只可以1家長陪入課室，另1家長就要出門(早知，就唔駛hd去啦。)

南瓜妹都叫ok，但都係要拖住我囉。

亦成功 vee vee。


17/08/2016 (28M27D) - day 3

要自己搭校巴，結果都係預期，一上校巴就喊。

但ee話佢喊左一陣就無喊。(我自己 whatsapp 問)

放學接佢落校巴無喊。

我：「學校有無喊！？」南瓜妹：「有」

我：「有無去 vee vee！？」南瓜妹：「無，我去唔到！」

我：「有無同老師講早晨！？」南瓜妹：「無！」

最後經班主任作實，南瓜妹無亂講！！哈！哈！


18/08/2016 (28M28D) - day 4

3號風球，停課一天。


19/08/2016 (28M29D) - day 5

- 家長不可陪同

又係一上校巴就喊，放學無喊，ee 話佢上左車唔夠1分鐘就停左喊!

放學啦……

我:「今日食咩茶點!?」南瓜妹:「朱古力蛋糕，我食哂添，仲飲哂d水。」

我：「學校有無喊！？」南瓜妹：「無呀」

我：「咁你有無去 vee vee！？」南瓜妹：「李老師同我去囉，但我去唔到！」(班主任同佢去！？又幾好喎)

我：「有無同老師講早晨！？」南瓜妹：「無呀！」

我：「有無唱早晨歌！？」南瓜妹：「有呀！」

我：「咁同學仔有無人喊！？」南瓜妹：「有2個囉呀！」

最後經班主任作實，除左最後果條我無問班主任外，南瓜妹都講啱哂 ~~~~~


唔知南瓜妹幾時先肯同老師或ee去 vee vee 呢！？？？