親子好去處@Play Academy + 樹屋田莊 + 表哥生日會

28/08/2016 (47M9D)+(29M7D)

是日早上，我同hd分別帶小朋友去唔到地方玩 ........

目的地：Play Academy (遊學園)

我就約左南瓜妹舊同學去玩，點解唔帶南瓜仔！？因這個場都不太適合南瓜仔玩了(呢個場啱南瓜妹既年紀多d，咁當然帶佢去玩佢會照玩)，所以 hd 帶南瓜仔去其他地方啦！！

南瓜妹暫時只講到2個新同學既名，其他都講唔出，相信都要一段長時間先會講到大部份同學名！

而南瓜妹並無忘記舊同學，佢地既全名南瓜妹一一記住 .........

每當1個同學出現 (我地約左入面等)，南瓜妹就好開心，大大聲叫同學既全名！！

見到班小朋友玩得咁開心，自己都開心！！

我地玩到12點就走人，我要安排南瓜妹午睡後，再去表哥生日會！


目的地：樹屋田莊

是日，開放日！

hd 同南瓜仔已經好早出發，但要排2小時以上先玩到樹屋！？？？

hd：「我排得好前，但前面有1個家長幫5個小朋友排，個個都係咁 ........... 無法，得我1個排，唔可以兵分兩路..........」(我都明白，若我一大班人去玩，我都會咁安排)


hd 話南瓜仔完全唔怕玩樹屋，佢仲以為南瓜仔會喊添！！

玩到兩點半就走人啦，南瓜仔就係車上瞓 ........


目的地：表哥生日會

待南瓜妹午睡完後，我就出發去表哥生日會 ......

而南瓜仔同hd 隨後先到！！


表哥6歲，所以黎參加既小朋友應該咁上下年紀，家姐安排左1個大型既吹氣滑梯，嘩 ....... 佢地玩得好癲(我明既，我相信南瓜仔過多2年後都係咁)，南瓜仔仲可以玩 (我係附近睇住)，南瓜妹真係完全唔適合，所以只係襯無乜人時快快玩幾次。

玩完就去食晚餐，就快快回家休息！！