南瓜仔@48個月

19/09/2016 (48M)

4歲啦！！

個子矮小，仲係好 bb 樣，一點也不覺4歲！哈！哈！

已經有自己既性格，有自己既思想，唔再可以呃你......

作為媽媽，最希望你健健康康、快快樂樂。


食
食野進步了不少，仲係有偏食(唔係菜)，可以食得哂全碗飯，不用大人餵食，但就"提"住要食飯囉！！


瞓
返學有午睡！

晚上，越來越夜瞓，由9點半變到現在10點半，甚至11點半先瞓，攞命 ><


發展
- 可以用花灑沖涼 (46個月)，雖然係遲左d，但對一個怕水既小朋友已經進步了不少，而南瓜仔會自己調水用花灑，自己塗沐浴露 (洗頭仲未得)，希望 K3 可以自己完成哂！

- 已經再無抱 (有時太攰，hd 先會抱)


學習
升左 K2 後，功課就多左(k1 係學校做哂)，南瓜仔係唔習慣，但現在應該接受左！(我都知道辛苦，但係香港讀書無法啦......)

同班主任傾過電話，大致上沒有問題，都係提番家長黎緊既課程會越來越深、亦越來越快。 (呢個唔係單一南瓜仔學校，係無論學券定非學券，都真係深左好多 ><)

K2 係好重要一年，大部份直資/私小會係 K2 (6月)開始 - K3(11月)，除了學術，仲有德育、閱讀習慣、自信心等等等等既野 ......

現實又講俾我知，龍年 + 細 b + 男仔 + 無背景 (唔係名校畢業/非專業人士) + 內向 +不是資優生，真係要考到真係不容易。

都係一句，平常心，係香港唔會無書讀，而且我深信無論咩小學，只要小朋友努力讀書，一定會升到好中學。(不過內心都係想入到一間好既小學)


其他
間唔中 (定係時常呢！？)同南瓜妹爭野，亦好鐘意 "報串" (妹妹一做錯野就四圍講)，不過我都知道南瓜仔是錫妹妹的，出街會主動拖住妹妹。