目的地：清水灣二灘
是日約左表哥、表妹一齊去沙灘，由於早上hd唔得閒，咁我就一個帶2個去，仲諗住有4個大人(我、姨丈、姨媽、姨姨)睇住4個小朋友，而且今年都去2次沙灘，應該無問題.....
去到時，我既惡夢就開始......
要行一條長樓梯，南瓜妹死都要我抱住，南瓜仔又要我拖住落樓梯，好不容易落先到沙灘，但南瓜仔一見到沙就唔肯落去，要我抱 ..... 我一個點抱兩個！？？唯有姨媽抱住南瓜妹 (一路抱一路喊！) ......
落到沙灘，情況並沒有好轉，兩個都係樹熊上身，死抱住我！！
前幾次，南瓜仔warm up 完一陣就肯玩沙同落水，但上幾次都係hd攪掂佢，但今次無論用乜方法(加上我無咁多時間)，南瓜仔都係狂喊，正當我想安撫南瓜仔時，南瓜妹又狂喊，不斷叫「媽媽抱抱、媽媽抱抱」，真攞命！！
抱住佢2個，真係唔可以抱得咁耐，唯有叫姨媽抱走南瓜妹(南瓜妹係見到我先會狂喊)，等我可以「舒服一下」(抱住南瓜仔咁耐，仲要35度天氣 .......)
但姨媽抱唔到南瓜妹太耐 (雖然南瓜妹係瘦b，但都18磅)，最慘係停車場 full 哂，警察又黎埋，唔俾亂泊車，姨丈要係上面等「泊車」，姨媽又要睇住自己既囝 ，姨姨又要睇住自己既囡！！
↑ 好彩姨丈醒目，帶了個水池仔去，但南瓜仔用左1小時先肯落去坐 (表妹一早落左去玩)，我終於可以休息一下！！不過，佢玩得個樣勁衰囉，成個人瞓係水池度 >< ......
走人啦，但我一個人，又要抱住南瓜仔沖身、換衫，又要攪埋自己，又要睇住自己帶來既野 (表哥、表妹沖左身先，姨媽就睇埋南瓜妹)，最後仲要抱埋南瓜仔行條百多級樓梯！
之後我地就一齊食飯 (hd 可以 join 埋一齊)，食完飯就回家.......
回到家，又要幫佢2個沖涼，我又要待南瓜仔瞓左先可以沖涼同收拾好沙灘物資，人都散埋！！
P.S：我辛苦唔緊要，但佢地南瓜兄妹都唔開心又狂喊，苦了佢地亦苦了自己！！
唔好以為就咁就完左，62 黎左我屋企(無理由去瞓架！？)，而前一天同M同學玩單車，南瓜仔念念不忘，我應承左問表妹借單車玩 (姨姨表明唔會一齊去玩，佢地要休息) ......
目的地：姨姨家(踏單車)
待南瓜仔/妹醒左，陪62玩左一陣，就出發去表妹家，我一心諗住南瓜妹我同留係表妹家，南瓜仔就同hd就去踏單車，點知南瓜仔死到要我一齊去玩，我真係累到想死，點解唔放過我呀 ........
唯有陪佢一齊去玩，南瓜仔唔識「踏」單車，踏了幾行就用腳推住黎行，所以都係唔買俾佢啦！哈！哈！
玩完，我地就出發去婆婆家食夜飯，我終於可以休息一下，hd 就餵南瓜妹食粥，而南瓜仔咁大個，可以同表哥、表妹係屋度四圍走，一個大人睇住就OK！
不過第二朝起床，成個人都散哂，我真的好佩服1湊2既FTM，佢地簡直係超人！！
