親子好去處@銀線灣

30/05/2015 (32M11D) + (14M9D)

目的地：銀線灣

前排同南瓜仔睇「我愛夏天」書，南瓜仔仲話要去沙灘玩，雖然呢排成日有驟雨，不過我都前一晚預備定物資先 ........

早上有微雨，好彩好快就停左，仲有陽光添！！yeah！

由停車場去到沙灘，要行百多級樓梯，南瓜仔全程自己行，對於要成日叫我抱既小朋友來說，佢已好叻叻！

呢個沙灘比較細灘，可能因為咁，所以人流亦唔多！！

南瓜妹最初都肯行沙，但之後點到唔肯落地，我又見真係好多頭石，所以都無再俾佢試 ......

而南瓜仔明明同我想去沙灘，但去到唔夠5分鐘就話要返屋企，話唔鐘意沙灘，話要去泳池，當然我地無理佢啦 ........

咁就係帳蓬度飲下野、食下野先......

之後我就抱佢落沙灘，但佢warm up 下先，不過我抱唔得太耐，就由hd 帶佢 .....

都係hd識教，南瓜仔由hd拖住行沙灘、再與小朋友玩水槍、再玩水 (之前又話唔玩水)，玩得不知幾好開心，最後仲同HD赤腳係沙灘跑添！！

而南瓜妹就留係帳蓬食星星餅，hd 話佢食哂d沙喎 .........

由於太曬啦，南瓜妹全身都係汗，所以玩左1小時多就走人啦！！

回程又係要行百多級樓梯，抱了南瓜仔行左十多級(hd 抱住南瓜妹同拎埋所有物資)，我真係頂唔順，停左係梯間，我同南瓜仔講：「媽媽腰痛，抱唔到你！」，南瓜仔：「我自己行！」，之後我就扡住佢行埋餘下八十級樓梯.......(太感動！)

之後就去左東港城既日清食品 (自制杯麵)玩，但去到人龍勁長，放棄吧，食完午餐就回家啦！！

事後，我再問南瓜仔去唔去沙灘，南瓜仔話：「我唔鐘意沙灘！」

我：「點解！？」

南瓜仔：「d 沙好痕(文法有問題)，我唔鐘意！」

我：「哦，原來d沙整到你好痕！？ 咁你去唔去泳池！」

南瓜仔：「去呀！我鐘意游水！」