親子好去處@Mega Box

06/06/2015 (32M18D) + (14M16D)

目的地：Mega Box

南瓜仔除左會同同輩親友玩(7個，最大6歲、最細8個月)，仲會同同學(係學校)、屋苑朋友一齊玩(帶南瓜仔去公園/會所玩，所以有幾個撞口撞面既朋友仔) .....

但我都想南瓜仔同多d唔同小朋友接觸，所以今次約埋肚B同Little K ......


↑ 發達啦，有女仔拖住 .......肚b 一見到南瓜仔就主動拖佢，最初南瓜仔唔肯俾肚b拖，好彩肚b無放棄，最後都拖住手行！ (見咁難得機會，POST 埋南瓜仔出黎啦！)

↑ 我地就去左宜家家居既「幻影小世界」玩，幾個小朋友一齊玩，真開心！！

仲有呀！肚b玩玩下，主動拖住我手一齊玩，唔似南瓜仔四圍走 (真失禮！) ........

↑ 幾個小朋友一齊排排企 (泊埋肚b度，南瓜仔好明顯好係細粒，阿囝，你可唔可以食多d飯呀！？？)

影影下相，南瓜仔走去攬住 little k mama 隻腳度 (又係好失禮) ......

之後就去下一個「景點」，點知南瓜仔一見到有車展就一支箭走去玩(完全唔理我)，好彩肚b 同 little k 都有興趣，唔係我都唔知點氹佢走......


↑ 南瓜仔要扮司機，要肚b同 little k 坐佢隔離，肚b同 little k好乖女，坐定定俾南瓜仔扮司機！！

不過呢個車展職員唔多like俾我地玩 (我去車展都無俾職員話過><)，但我都明白佢地都係做生意，我地都好識做 -- 走人！哈！哈！

去完車展就去左9樓既室內兒童天遊樂場玩，南瓜仔平時唔多like玩，但今次同埋肚b同 little k一齊，佢又無要走喎，始於小朋友同小朋友一齊玩係最開心！！

六點幾就去到餐廳，七點幾出面就好多人等位啦！！ (我地都係醒目媽咪！哈！)

食到最後，問邊個想食雪糕就舉手，呢3個小朋友一聽到就快快舉手，反應太快！(南瓜妹都有舉手，但佢無得食！哈！)

快樂既時間好快就過左，下次再約理一齊玩！！