多謝大家既意見......
我自己亦問了身邊有讀全日班 (10個月、PN、K1) 既朋友，佢地都建議選擇全日班，原因都係小朋友自理能力會高一點，老師們以教導為主。
hd 亦是選擇全日班，佢問左我一個問題：「你有時間陪妹妹！？」(啞左 ><)
正當我考慮緊時，就係2句說話令我有所決定.....
工人姐姐同南瓜仔講：「有核，唔食得！」(指緊條魚有骨 ><)，是日食紅葉頭，南瓜仔唔肯食，工人姐姐就講：「可能係 pink 唔想食！」(第一唔係 pink 係 red、第二中英夾雜同小朋友講野。我無規定工人姐姐講中文或英文，只要求唔可以中英夾雜，平時我係屋企，工人姐姐比較少同佢講野 (做家務ing)，之前我間唔中都聽到佢同南瓜仔中英夾雜講野，若我不在家時，可能都係咁講野......)
我請工人姐姐既主因是照顧南瓜兄妹及打理家務，並不是要工人姐姐教導小朋友，教小朋友責任係父母。 (工人姐姐係印尼人，識得講廣東話同英文，但始終唔係佢既母語，所以無得怪佢)。
所以最後決定全日制。
南瓜妹將8月頭開學，返學唔係一下子就返全日，係頭一星期返1小時、第二星期返2小時、第三星期返3小時、再試學校午膳、最後試午睡 ....... 所以初期都要自己接送南瓜妹！
南瓜仔就8月中開學，頭幾日返半日 (要家長接送)，之後先返全日制。
又要請假啦！！
兩個小朋友學費/校巴/雜費、請工人姐姐、保險、 興趣班(仲未報)，全部都係錢！ ><
2015年5月30日 星期六
2015年5月27日 星期三
親子好去處@西貢公眾碼頭
呢幾日，日日都落雨，所以只係去商場，好彩佛誕當天早上無雨落，決定帶佢兩個戶外玩！！
25/05/2015 (32M5D) + (14M3D)
目的地：西貢公眾碼頭
待南瓜妹食玩粥就出發，去到差不多12點，所以就醫肚先......
↑ Paisano's Pizzeria，有hd既至愛既24吋 Pizza。
↑ 食玩就去公園玩下鞦韆、滑梯......
果度有2個鞦韆，我一心諗住南瓜妹玩完就到南瓜仔，所以只係排1條隊。
咁我地就俾南瓜妹先，妹妹好鐘意玩鞦韆，此時，南瓜仔就話要同南瓜妹一齊玩，要坐隔離既鞦韆，都無法，我地只係排左1條隊，所以俾南瓜妹玩左一陣，就快快俾南瓜仔玩！
但南瓜仔死心不息，要同妹妹一齊玩鞦韆，所以我地就再排隊，完成南瓜仔既心願！！
咁我地就行下街，見到有靚靚既草帽，諗住買俾南瓜妹，但最奇係南瓜仔，佢一向都好抗拒戴帽，但佢竟然肯戴喎！？？？好啦，買埋俾南瓜仔啦！！！
↑ 南瓜仔：「妹妹，我幫你戴呀！」(好似好細心！)
南瓜妹應該係貪靚既女仔，一話佢戴得好靚，就笑得好開心，仲唔肯除添！
之後南瓜仔就話要睇船，睇左好耐船(勁曬，我好熱呀)，我問佢坐唔坐船，佢又話唔坐喎 .......
天氣太熱，都係去有冷氣地方休息一下先，去左「香港地質公園 - 火山探知館」參觀，入到去南瓜仔就玩左火山爆發既機，一按制就有火山爆發聲，仲有畫面有火山爆發，勁好奇！！
之後就去左天后廟，南瓜仔好興趣四圍走><，所以好快就離開！
↑ 真係好熱，去滿記食甜品降下溫先！
大約3點，見到佢兩個都好累，就快快回家，佢兩個一上車，就瞓左啦！！
後話：今日有3個人都以為南瓜仔同南瓜妹係孖胎 (之前都有2個人問係唔係龍鳳胎！)， 明明南瓜仔大18個月，點到無理由似孖胎架！？？？？
活動仲未完........
見天氣仲好好，就等南瓜仔醒左就去樓下club house 游水(南瓜妹就留係屋企瞓)，南瓜仔好鐘意游水，自己用水肘水泡游得好開心，仲講：「唔好幫我，我自己游！」
游完45分鐘就上水，諗住快快返屋企，點知南瓜仔又話要滑梯喎，咁就俾佢玩一陣，玩玩下就落雨，咁就係要回家了！！
25/05/2015 (32M5D) + (14M3D)
目的地：西貢公眾碼頭
待南瓜妹食玩粥就出發，去到差不多12點，所以就醫肚先......
↑ 食玩就去公園玩下鞦韆、滑梯......
果度有2個鞦韆，我一心諗住南瓜妹玩完就到南瓜仔，所以只係排1條隊。
咁我地就俾南瓜妹先，妹妹好鐘意玩鞦韆，此時，南瓜仔就話要同南瓜妹一齊玩，要坐隔離既鞦韆，都無法，我地只係排左1條隊，所以俾南瓜妹玩左一陣，就快快俾南瓜仔玩！
但南瓜仔死心不息，要同妹妹一齊玩鞦韆，所以我地就再排隊，完成南瓜仔既心願！！
咁我地就行下街，見到有靚靚既草帽，諗住買俾南瓜妹，但最奇係南瓜仔，佢一向都好抗拒戴帽，但佢竟然肯戴喎！？？？好啦，買埋俾南瓜仔啦！！！
南瓜妹應該係貪靚既女仔，一話佢戴得好靚，就笑得好開心，仲唔肯除添！
之後南瓜仔就話要睇船，睇左好耐船(勁曬，我好熱呀)，我問佢坐唔坐船，佢又話唔坐喎 .......
天氣太熱，都係去有冷氣地方休息一下先，去左「香港地質公園 - 火山探知館」參觀，入到去南瓜仔就玩左火山爆發既機，一按制就有火山爆發聲，仲有畫面有火山爆發，勁好奇！！
之後就去左天后廟，南瓜仔好興趣四圍走><，所以好快就離開！
↑ 真係好熱，去滿記食甜品降下溫先！
大約3點，見到佢兩個都好累，就快快回家，佢兩個一上車，就瞓左啦！！
後話：今日有3個人都以為南瓜仔同南瓜妹係孖胎 (之前都有2個人問係唔係龍鳳胎！)， 明明南瓜仔大18個月，點到無理由似孖胎架！？？？？
活動仲未完........
見天氣仲好好，就等南瓜仔醒左就去樓下club house 游水(南瓜妹就留係屋企瞓)，南瓜仔好鐘意游水，自己用水肘水泡游得好開心，仲講：「唔好幫我，我自己游！」
游完45分鐘就上水，諗住快快返屋企，點知南瓜仔又話要滑梯喎，咁就俾佢玩一陣，玩玩下就落雨，咁就係要回家了！！
2015年5月21日 星期四
南瓜妹@14個月
21/05/2015 (14M)
我不時提醒自己要俾多d時間俾南瓜妹，但到現在為止，我都係放左不少時間俾南瓜仔........
前幾天我啱啱病左，所以由hd幫南瓜仔沖涼，我就可以同南瓜妹一齊玩 (帶住口罩)，雖然只是短短15分鐘，但呢15分鐘只有我同南瓜妹一齊，見到南瓜妹笑，我個心都甜埋！！
不過，hd幫南瓜仔沖左2日，南瓜仔就要我同佢沖番.......又無得同南瓜妹玩！！
06:15 奶 (8安)
07:00 小睡
09:00 遊戲時間
10:30 粥
11:00 遊戲時間
12:00 小睡
14:00 水果糊仔
14:30 遊戲時間
16:00 小睡
18:30 粥
19:15 陪大人食飯 (食大人飯)
19:45 遊戲時間
20:15 洗白白
20:30 遊戲時間
21:30 奶 (8安)
22:00 瞓
食
食粥時好、時差，不過我只會餵佢半小時，唔食就算！
鐘意食魚、豆腐、飲湯。(大人用)
出街食飯，我都會俾佢食少少，不過多數都係俾包或飯，佢肯食都會俾佢試下！
用吸管飲水好好，我估佢好會快戒奶樽！
而奶方便，晚上支奶已轉飲惠氏3號，早上仲飲緊2號 (因為仲有存貨)。
大便
1 次。
瞓
晚上瞓得好好，半夜無喊。
午睡就好醒瞓，一俾南瓜仔大聲少少，就會醒！(即係南瓜仔一放學返屋企，南瓜妹就一定醒)
南瓜妹瞓覺時，明明個頭係床頭，轉頭見佢已經個頭向左床尾，又時仲縮埋另一角，都唔明點解佢瞓成咁，最奇怪係望佢時，佢又合埋對眼喎！？ (南瓜仔由出世到現在都未試過咁，所以我覺得南瓜仔唔會碌落床，南瓜妹就一定碌硬！)
發展
語言能力：
- 識得回答問題/表達自己.........
1) 南瓜妹咬玩具，我：「玩具唔食得！」
南瓜妹：「食得架！」(我O咀！)
2) 我：「要唔要食香蕉！？」
南瓜妹：「要！」
3) 我：「你食唔食飯呀！」
南瓜妹：「唔食！」
4) 大人食緊飯，我俾飯南瓜妹食，吐番出來，我：「仲乜唔食！？」
南瓜妹：「菠蘿！」
之後我就俾少少佢，南瓜妹立刻張開口！
5) 哥哥話呢個係：「Monkey！」，南瓜妹：「No，Dog」(正確答案係Monkey)
6) 同工人姐姐講：「姐姐， banana！」、「姐姐，apple！」(示意要食)
7) 有天，我問佢：「今日邊個照顧你呀！」
南瓜妹二話不說：「婆婆！」
南瓜妹對住物件已經係講出來，例如：菠蘿、波、book、apple、banana、dog、 Ernie、 Bert、Elmo .....
仲識講，例如：西瓜、粟米、提子........ (唔記得太多)
不過，南瓜妹仲未識講照顧者既公公。(我都唔明，連兩個以上既音都發到，點解講唔到公公呢！？)
活動能力：
- ↑ 自己企1分鐘以上
- 可以自己離手行數步 (但出街就只能拖住行)
- 可以自行攀爬上落梳化 (上就要企住我大腿)
手部運用：
- 可翻書
- 會用顏色筆塗鴉
- 會把四塊或更多的積木／小盒子疊成小塔
認知發展：
- 玩假想遊戲，如「煮飯仔」、「醫生病人」(南瓜仔最鐘意扮病人，跟住仲扮咳，要妹妹做醫生)
自理能力：
- 會用匙羹或义進食
其他
- 6隻牙
- 17磅 (瘦B)
↑ 14個月！！
我不時提醒自己要俾多d時間俾南瓜妹，但到現在為止，我都係放左不少時間俾南瓜仔........
前幾天我啱啱病左，所以由hd幫南瓜仔沖涼，我就可以同南瓜妹一齊玩 (帶住口罩)，雖然只是短短15分鐘，但呢15分鐘只有我同南瓜妹一齊，見到南瓜妹笑，我個心都甜埋！！
不過，hd幫南瓜仔沖左2日，南瓜仔就要我同佢沖番.......又無得同南瓜妹玩！！
06:15 奶 (8安)
07:00 小睡
09:00 遊戲時間
10:30 粥
11:00 遊戲時間
12:00 小睡
14:00 水果糊仔
14:30 遊戲時間
16:00 小睡
18:30 粥
19:15 陪大人食飯 (食大人飯)
19:45 遊戲時間
20:15 洗白白
20:30 遊戲時間
21:30 奶 (8安)
22:00 瞓
食
食粥時好、時差，不過我只會餵佢半小時，唔食就算！
鐘意食魚、豆腐、飲湯。(大人用)
出街食飯，我都會俾佢食少少，不過多數都係俾包或飯，佢肯食都會俾佢試下！
用吸管飲水好好，我估佢好會快戒奶樽！
而奶方便，晚上支奶已轉飲惠氏3號，早上仲飲緊2號 (因為仲有存貨)。
大便
1 次。
瞓
晚上瞓得好好，半夜無喊。
午睡就好醒瞓，一俾南瓜仔大聲少少，就會醒！(即係南瓜仔一放學返屋企，南瓜妹就一定醒)
南瓜妹瞓覺時，明明個頭係床頭，轉頭見佢已經個頭向左床尾，又時仲縮埋另一角，都唔明點解佢瞓成咁，最奇怪係望佢時，佢又合埋對眼喎！？ (南瓜仔由出世到現在都未試過咁，所以我覺得南瓜仔唔會碌落床，南瓜妹就一定碌硬！)
發展
語言能力：
- 識得回答問題/表達自己.........
1) 南瓜妹咬玩具，我：「玩具唔食得！」
南瓜妹：「食得架！」(我O咀！)
2) 我：「要唔要食香蕉！？」
南瓜妹：「要！」
3) 我：「你食唔食飯呀！」
南瓜妹：「唔食！」
4) 大人食緊飯，我俾飯南瓜妹食，吐番出來，我：「仲乜唔食！？」
南瓜妹：「菠蘿！」
之後我就俾少少佢，南瓜妹立刻張開口！
5) 哥哥話呢個係：「Monkey！」，南瓜妹：「No，Dog」(正確答案係Monkey)
6) 同工人姐姐講：「姐姐， banana！」、「姐姐，apple！」(示意要食)
7) 有天，我問佢：「今日邊個照顧你呀！」
南瓜妹二話不說：「婆婆！」
南瓜妹對住物件已經係講出來，例如：菠蘿、波、book、apple、banana、dog、 Ernie、 Bert、Elmo .....
仲識講，例如：西瓜、粟米、提子........ (唔記得太多)
不過，南瓜妹仲未識講照顧者既公公。(我都唔明，連兩個以上既音都發到，點解講唔到公公呢！？)
活動能力：
- 可以自己離手行數步 (但出街就只能拖住行)
- 可以自行攀爬上落梳化 (上就要企住我大腿)
手部運用：
- 可翻書
- 會用顏色筆塗鴉
- 會把四塊或更多的積木／小盒子疊成小塔
認知發展：
- 玩假想遊戲，如「煮飯仔」、「醫生病人」(南瓜仔最鐘意扮病人，跟住仲扮咳，要妹妹做醫生)
自理能力：
- 會用匙羹或义進食
其他
- 6隻牙
- 17磅 (瘦B)
2015年5月19日 星期二
南瓜仔@32個月
19/05/2015 (32M)
我見bloggers友們都寫得好詳細， 攪到我好hea咁，等我寫多少少......
食
咩菜都唔食，唯有食水果，起碼都有纖維......
肉都ok，但會今餐無雞就話食雞、無牛就要食牛。
明明前幾日好鐘意食蛋，下次又唔食......
好難捉到佢鐘意食乜餸！
現在會自己用筷子夾餸(費時夾左俾佢話唔食)，不過佢一係唔夾，一夾就夾好多 (係多到一定食唔哂)，仲講：「唔俾爸爸 / 姐姐食，我食哂！」(
早夜仲飲配方奶，南瓜仔偏細粒，到有一日佢同我講唔再飲，我先會停！
瞓
返學：早上07:25起床(叫醒佢)，放學會係校巴瞓(1 小時)，晚上就21:30 上床，約15分鐘就瞓著。
但如果回家再午睡(我已下令唔好再俾南瓜仔午睡)，佢夜晚就一定好夜瞓，一時又話要vee vee，一時又話要poo poo，好啦，帶佢去poo poo (都知道無)，仲話：「呢......點解無poo poo既！？」=.="！
放假：朝早自己醒 (08:30 - 09:00)，午睡就睇去街既情況，平均瞓1-2小時。
發展
1) 說話
最近都見有bloggers分享小朋友發音不正確，我都發現呢個問題 .......
南瓜仔講野我九成都明白，但當南瓜仔同其他人講野時，對方未必明白，我應該再點教佢呢！？
有時，南瓜仔對既對答，係我意想不到的.......
我：「你快點瞓，明天叫公公帶你去冒險樂園玩！？」
南瓜仔：「公公無錢喎！」 (點解佢會知去冒險樂園玩要錢！？)
我：「點解公公無錢！？」
南瓜仔：「公公無返工嘛，要睇(照顧)住我！」(點解佢又知公公無返工！？)
我：「咁邊個有錢！？」
南瓜仔：「媽媽囉，媽媽有返工嘛！」
南瓜仔正在午膳：「媽媽你走啦，我睇住妹妹！」
我：「咁你要睇住妹妹喎！」
南瓜仔：「得啦，我食完飯同妹妹睇書！」
攪笑！
有次南瓜妹食玩具......
我：「叫左你唔好食，你又食！」
南瓜妹咁就喊.....
南瓜仔就行去妹妹：「妹妹唔好喊！」
南瓜仔對住我講：「無下次！媽媽，唔好話妹妹啦！」
我繼續話南瓜妹：「媽咪講左唔好食玩具，妹妹唔聽！」
南瓜妹當然係仲喊啦！
南瓜仔抱住妹妹：「妹妹，我抱住你啦，你唔好喊啦！」
南瓜仔就去拎紙巾幫妹妹抺眼淚........
不過妹妹唔領情，自己拎番紙巾自己抺！哈！哈！
2) 自理能力
- 如廁：南瓜仔除左夜晚瞓覺外，都再無著尿片啦！！
poo poo 會自己講。上個月既 vee vee 我會定時定候帶南瓜仔去，今個月就等佢自己講 (除臨瞓前)，不過時間隔得太耐(2小時以上)，我都問下佢去唔去vee vee。
結果：1次失手vee vee，2次失手poo poo。
自己會企係凳仔，然後自己除褲，拎起自己既衫，不過仲未識自己拎起JJ去vee vee。(是否太多野做呢！？)
poo poo 就要抱佢上去(大人廁所+小朋友廁板)坐，不過佢都會坐好耐，成日要玩門，問佢屙完未，佢一定話未。(唔知真定假！？) 同佢講屙完先叫媽媽，行走唔夠2秒就叫我，但仲係話未屙完！！=.="
夜片，全個月1次失手 (半夜無端端起身，我都估到會失手)，但就係呢1次，攪到我唔敢唔同佢著片，萬一濕左就好麻煩，或者睇多一個月先！！(我覺得要戒夜片，最重要係瞓得好)
- 其他：南瓜仔自理能力好一般，其實好多野係做到，只係佢太懶，好似早上自己換校服(去街 / 沖涼就等佢自己做)就要我幫佢 (我係唔係要再提早叫佢起床！？)、食飯去到中尾段又要我餵！
3) 小肌肉能力
有次見到表妹V 字手勢，我先知南瓜仔唔識做。所以今個月用包、剪、揼形式教佢，用左幾日，南瓜仔終於做到。
4) 自制能力
平時我俾佢鐘意既零食，佢會二話不說放入口！
我就同南瓜仔做了個測試......
我拎住2粒佢鐘意食既糖，拎住1粒糖同佢講：「我現在俾1粒你，如果媽咪完換衫、去埋洗手間同洗埋毛巾後(約5分鐘)，若你仲未食呢粒糖，我就俾多1粒你！」，之後就俾左1粒糖佢！
結果，一直拎住係手，原來南瓜仔既自制能力都不錯。
5) 管、教
是非、黑白就無得錯(當然有些係灰色位)，但點教就無一定「標準」，個個小朋友性格不同，朋友用A方法，唔代表我用A方法 work ......
我唔鐘意別人係我教小朋友時"插嘴" (可以事後分享)，當然我用既方法未必最好，但若我教緊小朋友時，旁人加意見，南瓜仔就會覺得「原來媽媽唔啱！」，咁對我之後教佢就會更困難，所以hd教南瓜仔時，我唔會出聲，即使我覺得佢咁教既方法不太合適，最多係事後再講番！！
南瓜仔麻煩既地方.......
- 唔肯拖：睇心情，有時會拖到你實一實，可以全程唔放手，但又時會自己走來走去，要同佢講一大堆說話先肯拖。
- 唔肯行要抱：返學真係無太多時間，我多數會話行到某某地點(唔可以太遠，要佢望到目標)就抱，出街就會氹下/講下道理，佢通常都會肯行一段距離。
- 唔肯食飯：用過好多唔同方法，都唔係work ......><
- 唔聽指令：叫佢影相，十張有九張都企唔定！
- 推小朋友：南瓜仔會推妹妹 / 表妹，當然我會立刻停止佢，但佢既目標好清晰，來來去去既目標都係幾個，佢唔會推表哥 / 表弟。
- 唔肯分享玩具：叫佢俾妹妹玩，佢點到唔俾！
以上既野，學校無發生過，結論係南瓜仔成日都蝦我呢個媽咪 ><
返學
上個月尾有家長日，老師既評價好正面 ................
第一學期：4個 Satisfactory，9個Still Developing，0個 Improving
第二學期：9個 Satisfactory，4個Still Developing，0個 Improving
- 學校會同老師英文對話，同學與同學之間應該就以廣東話為多 (NET老師，佢話唔知佢地講乜，所以我地估係廣東話)
- 主動同老師傾計 (之前係唔肯講野)
- 好nice，會分享玩具，會同同學仔地玩
- 好乖，聽老師指令，唔會走圍走
其他
- 24磅
- 16隻牙
我見bloggers友們都寫得好詳細， 攪到我好hea咁，等我寫多少少......
食
咩菜都唔食，唯有食水果，起碼都有纖維......
肉都ok，但會今餐無雞就話食雞、無牛就要食牛。
明明前幾日好鐘意食蛋，下次又唔食......
好難捉到佢鐘意食乜餸！
現在會自己用筷子夾餸(費時夾左俾佢話唔食)，不過佢一係唔夾，一夾就夾好多 (係多到一定食唔哂)，仲講：「唔俾爸爸 / 姐姐食，我食哂！」(
早夜仲飲配方奶，南瓜仔偏細粒，到有一日佢同我講唔再飲，我先會停！
瞓
返學：早上07:25起床(叫醒佢)，放學會係校巴瞓(1 小時)，晚上就21:30 上床，約15分鐘就瞓著。
但如果回家再午睡(我已下令唔好再俾南瓜仔午睡)，佢夜晚就一定好夜瞓，一時又話要vee vee，一時又話要poo poo，好啦，帶佢去poo poo (都知道無)，仲話：「呢......點解無poo poo既！？」=.="！
放假：朝早自己醒 (08:30 - 09:00)，午睡就睇去街既情況，平均瞓1-2小時。
發展
1) 說話
最近都見有bloggers分享小朋友發音不正確，我都發現呢個問題 .......
南瓜仔講野我九成都明白，但當南瓜仔同其他人講野時，對方未必明白，我應該再點教佢呢！？
有時，南瓜仔對既對答，係我意想不到的.......
我：「你快點瞓，明天叫公公帶你去冒險樂園玩！？」
南瓜仔：「公公無錢喎！」 (點解佢會知去冒險樂園玩要錢！？)
我：「點解公公無錢！？」
南瓜仔：「公公無返工嘛，要睇(照顧)住我！」(點解佢又知公公無返工！？)
我：「咁邊個有錢！？」
南瓜仔：「媽媽囉，媽媽有返工嘛！」
南瓜仔正在午膳：「媽媽你走啦，我睇住妹妹！」
我：「咁你要睇住妹妹喎！」
南瓜仔：「得啦，我食完飯同妹妹睇書！」
攪笑！
有次南瓜妹食玩具......
我：「叫左你唔好食，你又食！」
南瓜妹咁就喊.....
南瓜仔就行去妹妹：「妹妹唔好喊！」
南瓜仔對住我講：「無下次！媽媽，唔好話妹妹啦！」
我繼續話南瓜妹：「媽咪講左唔好食玩具，妹妹唔聽！」
南瓜妹當然係仲喊啦！
南瓜仔抱住妹妹：「妹妹，我抱住你啦，你唔好喊啦！」
南瓜仔就去拎紙巾幫妹妹抺眼淚........
不過妹妹唔領情，自己拎番紙巾自己抺！哈！哈！
2) 自理能力
- 如廁：南瓜仔除左夜晚瞓覺外，都再無著尿片啦！！
poo poo 會自己講。上個月既 vee vee 我會定時定候帶南瓜仔去，今個月就等佢自己講 (除臨瞓前)，不過時間隔得太耐(2小時以上)，我都問下佢去唔去vee vee。
結果：1次失手vee vee，2次失手poo poo。
自己會企係凳仔，然後自己除褲，拎起自己既衫，不過仲未識自己拎起JJ去vee vee。(是否太多野做呢！？)
poo poo 就要抱佢上去(大人廁所+小朋友廁板)坐，不過佢都會坐好耐，成日要玩門，問佢屙完未，佢一定話未。(唔知真定假！？) 同佢講屙完先叫媽媽，行走唔夠2秒就叫我，但仲係話未屙完！！=.="
夜片，全個月1次失手 (半夜無端端起身，我都估到會失手)，但就係呢1次，攪到我唔敢唔同佢著片，萬一濕左就好麻煩，或者睇多一個月先！！(我覺得要戒夜片，最重要係瞓得好)
- 其他：南瓜仔自理能力好一般，其實好多野係做到，只係佢太懶，好似早上自己換校服(去街 / 沖涼就等佢自己做)就要我幫佢 (我係唔係要再提早叫佢起床！？)、食飯去到中尾段又要我餵！
3) 小肌肉能力
有次見到表妹V 字手勢，我先知南瓜仔唔識做。所以今個月用包、剪、揼形式教佢，用左幾日，南瓜仔終於做到。
4) 自制能力
平時我俾佢鐘意既零食，佢會二話不說放入口！
我就同南瓜仔做了個測試......
我拎住2粒佢鐘意食既糖，拎住1粒糖同佢講：「我現在俾1粒你，如果媽咪完換衫、去埋洗手間同洗埋毛巾後(約5分鐘)，若你仲未食呢粒糖，我就俾多1粒你！」，之後就俾左1粒糖佢！
結果，一直拎住係手，原來南瓜仔既自制能力都不錯。
5) 管、教
是非、黑白就無得錯(當然有些係灰色位)，但點教就無一定「標準」，個個小朋友性格不同，朋友用A方法，唔代表我用A方法 work ......
我唔鐘意別人係我教小朋友時"插嘴" (可以事後分享)，當然我用既方法未必最好，但若我教緊小朋友時，旁人加意見，南瓜仔就會覺得「原來媽媽唔啱！」，咁對我之後教佢就會更困難，所以hd教南瓜仔時，我唔會出聲，即使我覺得佢咁教既方法不太合適，最多係事後再講番！！
南瓜仔麻煩既地方.......
- 唔肯拖：睇心情，有時會拖到你實一實，可以全程唔放手，但又時會自己走來走去，要同佢講一大堆說話先肯拖。
- 唔肯行要抱：返學真係無太多時間，我多數會話行到某某地點(唔可以太遠，要佢望到目標)就抱，出街就會氹下/講下道理，佢通常都會肯行一段距離。
- 唔肯食飯：用過好多唔同方法，都唔係work ......><
- 唔聽指令：叫佢影相，十張有九張都企唔定！
- 推小朋友：南瓜仔會推妹妹 / 表妹，當然我會立刻停止佢，但佢既目標好清晰，來來去去既目標都係幾個，佢唔會推表哥 / 表弟。
- 唔肯分享玩具：叫佢俾妹妹玩，佢點到唔俾！
以上既野，學校無發生過，結論係南瓜仔成日都蝦我呢個媽咪 ><
返學
上個月尾有家長日，老師既評價好正面 ................
第一學期：4個 Satisfactory，9個Still Developing，0個 Improving
第二學期：9個 Satisfactory，4個Still Developing，0個 Improving
- 學校會同老師英文對話，同學與同學之間應該就以廣東話為多 (NET老師，佢話唔知佢地講乜，所以我地估係廣東話)
- 主動同老師傾計 (之前係唔肯講野)
- 好nice，會分享玩具，會同同學仔地玩
- 好乖，聽老師指令，唔會走圍走
其他
- 24磅
- 16隻牙
2015年5月16日 星期六
南瓜妹@18個月班 (苦腦)
南瓜妹出世無耐，我就報左幼兒園既18個月全日班。
報既原因係有2個小朋友，唔放心工人姐姐1對2，又唔想公公/婆婆咁困身........
收到學校電話，話收南瓜妹讀18個月全日班！！
但問題係 ......
當初報係唔知南瓜仔K1會點，現在確實南瓜仔會讀全日制。咁我是否繼續俾南瓜妹讀全日制呢！？
半日制：返學時間 09:00-12:00
- 早上返學(工人姐姐可做家務)，中午放學(自己或工人姐姐接放學)，食完午飯，午睡 1-2 小時，之後就工人姐姐照顧直至我回家(15:00 - 17:15) 。
全日制：返學時間 09:00-17:00
- 早上返學(工人姐姐可做家務及買餸)，傍晚放學(未諗到接放學安排)， 之後我就可以全程陪住南瓜妹。
又或者......南瓜妹照留在家中！？
考慮：
1) 若返全日制，18個月是否太細呢！？
2) 南瓜仔/妹返全日，咁hd就唔駛再買餸，由工人姐姐負責買。我亦唔駛中午趕返屋企接學。
3) 南瓜仔落校巴時間應該 16:30-16:45 (校巴司機話年年唔同) ，我無可能接到佢放學，咁邊個接呢！？(又要煩公公！？) 若南瓜妹 17:15 落校巴，咁我就可以安排工人姐姐接南瓜仔放學返屋企，我就負責接南瓜妹。
4) 南瓜妹對住工人姐姐好！？定係住老師及一班小朋友好！？
- 有時上午公公唔得閑，只得工人姐姐睇住南瓜妹，我係CAM見到工人姐姐無同南瓜妹玩，可能工人姐姐做家務掛！？只見南瓜妹自己係地蓆或床自己同自己玩。
- 工人姐姐/公公都唔會教，好只會幫佢地做。
主任同我講，全日班好搶手，所以叫我HOLD住全日先，可以臨返學前再諗清楚半日定全日制。
hd - 全日制，因為有老師教！
公公 - 18個月太細，返學都學唔到野，似托兒多d。若真的要返學，就由工人姐姐或自己接南瓜妹放學返學，公公就接南瓜仔放學 (無法，工人姐姐要係屋企睇住南瓜妹，即係又要公公幫手，只係照顧時間短左 ><)
自己 - 傾向半日制！
你地會點決定呢！？？？
報既原因係有2個小朋友，唔放心工人姐姐1對2，又唔想公公/婆婆咁困身........
收到學校電話，話收南瓜妹讀18個月全日班！！
但問題係 ......
當初報係唔知南瓜仔K1會點，現在確實南瓜仔會讀全日制。咁我是否繼續俾南瓜妹讀全日制呢！？
半日制：返學時間 09:00-12:00
- 早上返學(工人姐姐可做家務)，中午放學(自己或工人姐姐接放學)，食完午飯，午睡 1-2 小時，之後就工人姐姐照顧直至我回家(15:00 - 17:15) 。
全日制：返學時間 09:00-17:00
- 早上返學(工人姐姐可做家務及買餸)，傍晚放學(未諗到接放學安排)， 之後我就可以全程陪住南瓜妹。
又或者......南瓜妹照留在家中！？
考慮：
1) 若返全日制，18個月是否太細呢！？
2) 南瓜仔/妹返全日，咁hd就唔駛再買餸，由工人姐姐負責買。我亦唔駛中午趕返屋企接學。
3) 南瓜仔落校巴時間應該 16:30-16:45 (校巴司機話年年唔同) ，我無可能接到佢放學，咁邊個接呢！？(又要煩公公！？) 若南瓜妹 17:15 落校巴，咁我就可以安排工人姐姐接南瓜仔放學返屋企，我就負責接南瓜妹。
4) 南瓜妹對住工人姐姐好！？定係住老師及一班小朋友好！？
- 有時上午公公唔得閑，只得工人姐姐睇住南瓜妹，我係CAM見到工人姐姐無同南瓜妹玩，可能工人姐姐做家務掛！？只見南瓜妹自己係地蓆或床自己同自己玩。
- 工人姐姐/公公都唔會教，好只會幫佢地做。
主任同我講，全日班好搶手，所以叫我HOLD住全日先，可以臨返學前再諗清楚半日定全日制。
hd - 全日制，因為有老師教！
公公 - 18個月太細，返學都學唔到野，似托兒多d。若真的要返學，就由工人姐姐或自己接南瓜妹放學返學，公公就接南瓜仔放學 (無法，工人姐姐要係屋企睇住南瓜妹，即係又要公公幫手，只係照顧時間短左 ><)
自己 - 傾向半日制！
你地會點決定呢！？？？
訂閱：
文章 (Atom)