南瓜妹出世無耐，我就報左幼兒園既18個月全日班。
報既原因係有2個小朋友，唔放心工人姐姐1對2，又唔想公公/婆婆咁困身........
收到學校電話，話收南瓜妹讀18個月全日班！！
但問題係 ......
當初報係唔知南瓜仔K1會點，現在確實南瓜仔會讀全日制。咁我是否繼續俾南瓜妹讀全日制呢！？
半日制：返學時間 09:00-12:00
- 早上返學(工人姐姐可做家務)，中午放學(自己或工人姐姐接放學)，食完午飯，午睡 1-2 小時，之後就工人姐姐照顧直至我回家(15:00 - 17:15) 。
全日制：返學時間 09:00-17:00
- 早上返學(工人姐姐可做家務及買餸)，傍晚放學(未諗到接放學安排)， 之後我就可以全程陪住南瓜妹。
又或者......南瓜妹照留在家中！？
考慮：
1) 若返全日制，18個月是否太細呢！？
2) 南瓜仔/妹返全日，咁hd就唔駛再買餸，由工人姐姐負責買。我亦唔駛中午趕返屋企接學。
3) 南瓜仔落校巴時間應該 16:30-16:45 (校巴司機話年年唔同) ，我無可能接到佢放學，咁邊個接呢！？(又要煩公公！？) 若南瓜妹 17:15 落校巴，咁我就可以安排工人姐姐接南瓜仔放學返屋企，我就負責接南瓜妹。
4) 南瓜妹對住工人姐姐好！？定係住老師及一班小朋友好！？
- 有時上午公公唔得閑，只得工人姐姐睇住南瓜妹，我係CAM見到工人姐姐無同南瓜妹玩，可能工人姐姐做家務掛！？只見南瓜妹自己係地蓆或床自己同自己玩。
- 工人姐姐/公公都唔會教，好只會幫佢地做。
主任同我講，全日班好搶手，所以叫我HOLD住全日先，可以臨返學前再諗清楚半日定全日制。
hd - 全日制，因為有老師教！
公公 - 18個月太細，返學都學唔到野，似托兒多d。若真的要返學，就由工人姐姐或自己接南瓜妹放學返學，公公就接南瓜仔放學 (無法，工人姐姐要係屋企睇住南瓜妹，即係又要公公幫手，只係照顧時間短左 ><)
自己 - 傾向半日制！
你地會點決定呢！？？？
其實我覺得咁細，返半日都好夠，始終佢哋要午睡，下午時間都係瞓多，仲有更大機會染到病菌添，感覺喺屋企午睡畀工人姐姐睇住好D
回覆刪除如果兩個返晒全日班，工人會否上午做完家務，下午得閒而變得做野賴散呢?
回覆刪除返半日及全日班，我覺得染病機會率相同!
而返全日班，我覺得小朋友的自理能力係高d，再不然，讀一個學期全日試下，下學期轉半日?
N班都要2歲先讀，我覺得18個月班未必似讀N班咁可以教到咁多野，而且南瓜妹都仲細，畀我會揀讀半日當上playgroup咁，工人有番幾個鐘去handle家務同買餸果啲，又唔洗兩兄妹撞放學時間又一齊忙呢
回覆刪除我都支持半日, 因為歲半都比較細, 所以你要諗...你返學係想佢托兒定學習?
回覆刪除如果係學習既, 咁細既人仔返半日都已經好夠, 不過最緊要係你自己同老公覺得邊樣你地感覺好D :)
嘻....其實全日唔錯呀，我有朋友的b返了全日，未到兩歲已經識好多野了，這令我發現原來小朋友學習真的很叻的，早d 讀對日後返學更有幫助~ ^^
回覆刪除18個月又好似太細啵....如果真係要返, 我會揀返半日!!
回覆刪除1) 會太细, 好多野都未識!
回覆刪除2, 3) 工人姐姐可以接南瓜妹放半日and湊住南瓜妹去買餸, 好多工人都係咁, 或者你老公隔一兩日負責買餸, 又或者買定一兩日餸咁咪吾洗工人日日去囉, 公公又吾洗咁辛苦, 工人又吾洗un un腳!
4) 咁细多D留在家好, 學校人多又易病!
嘉路，明白的，要姐姐照顧兩個又要打理家務，確係難！
回覆刪除