南瓜妹@27個月

21/06/2016 (27M)

食
真係好煩、好好煩、好好好煩！

真係太似我 ........ 

如廁
南瓜妹仲著緊尿片，不過每朝(90%)起身都係乾片，若我在家時，都可以全日乾片！

我在家時：
- poopoo：試過2個多星期無失手，但有一天肚屙後，就變番屙左先講 ><

- veevee：臨瞓前/瞓醒後/沖涼前/出街前/回家後都會同佢veevee！

學校仲未 ready 戒片....... 老師話南瓜妹學校只係試過一次成功 vee vee！

暫時出街唔會帶佢去veevee (女仔去洗手間好煩，要抹廁所 ><)！

瞓
晚上放落床無耐就會瞓著！

而南瓜妹有個習慣，就係拖住我瞓 .........

有次，我拖住南瓜妹，我另一隻手就用手機上網 (南瓜妹張床有床圍，佢應該睇唔到我用電話)，南瓜妹突然彈起身：「媽咪，你唔好用電話，放係果度 (指住櫃面)！」之後繼續拖住我隻手！(唉！咁都俾佢發現)

發展 
活動能力：
- 終於識跑啦！
- 跳到 (但係得一隻腳跳起)

說話能力：
- 有時聽到南瓜妹對話，真係笑了出來 ......

自理能力：
- 唔用吸管水樽，要用扭蓋既水樽
- 間唔中要用筷子食飯
- 轉用含氟牙膏(南瓜仔38個月先轉用)，佢會自己刷完，再俾我補刷。(南瓜妹：「我自己刷，之後媽咪先同我刷！」)

其他：
- 有表演慾，我地就叫南瓜仔唱俾我地聽，南瓜妹好主動講：「我唱、我唱！」，之後仲企埋南瓜仔既位高唱 + 做動作 (學校教)，但唱完一次都唔夠，仲要唱足4-5次 ........
- 好有主見 (即係硬頸)，hd 話將來教佢讀書一定唔容易！><


返學
好快就要離開呢間學校，時間越接近，我就越唔捨得........ 

另外，我同南瓜仔妹紮左10日瓣，有9日唔見左條橡筋 (所以用$10 @80條既橡筋) ....
每次問佢：「你條橡筋呢！？」
南瓜妹：「哈！哈！哈！........哈！哈！」(係咁傻笑)

我：「不如剪短頭髮！」
南瓜妹：「唔得！我要紮瓣 ......」

呢個女真係幾煩.........


其他

-  16隻牙
-  23.1磅(10.5kg)

2016 父親節@mega box

上次未到母親節，我已收左學校既禮物......


↑ 今次，我一早就將南瓜兄妹既學校勞作收埋，等正日先俾 hd .......
南瓜仔：眼鏡
南瓜妹：咭


↑ 而我整既咭......南瓜仔就俾左 hd 睇 (我明明靜雞雞俾南瓜仔睇，點知就立刻拎俾hd睇 ><)

張咭內容，就星期六叫南瓜仔寫，南瓜仔寫完字後，點到要畫架車.......但佢畫得好求其 ，而南瓜仔唔肯寫妹妹既名，咁我就捉住妹妹手寫啦！！

最攪笑南瓜仔：「點解我矮過妹妹！？」

咁都俾佢發現！哈！哈！

我另外整左張「手印咭」(上年係用腳)，仲有張獎狀寫住超級無敵好爸爸添！


19/06/2016 (45M) + (26M29D)

因為南瓜仔正在考試，所以不敢玩得太盡，而最重要係唔好玩到病！！

早上，第一個安排係送禮物俾爸爸 ^^

首先係南瓜仔去學游水 ......


目的地：mega box


之後我就去 Mega box 睇 angry bird ，不過南瓜仔既眼睛只放係部大電視度(播緊 angry bird 既片)

影完相就行下，見到有得打高爾夫球(小童版)喎，就俾南瓜兄妹玩下 ........

再經過宜家家居既兒童樂園「歡樂波波池」，南瓜仔終於夠高玩啦 (90-120cm)，我就同南瓜仔講：「你就係食左飯，所以先夠高玩！」

南瓜仔好開心：「係呀！我有食飯呀！」

我真係窗外睇住佢玩 (hd 同南瓜妹去左搵位食飯)，但除左我之外，無一個家長好似我咁全程睇住小朋友！？？是否我太怪獸呢！？

之後就去喇沙大少食飯，其實我無乜興趣，但hd話想食.......見係父親節，就由佢決定啦！！

食完飯就去玩 mega block，南瓜兄妹又玩得好投入喎！！

咁就回家午睡啦 .......

瞓醒就去公公家！！
 
↑ 晚上就去公公屋企同公公慶祝，仲買左個蛋糕俾各爸爸添！

申請香港特別行政區護照/簽證身份書

原本諗住暑假去日本，但由於舊工人姐姐不續約，新既工人姐姐會係七月來，為左南瓜兄妹快點適應，同埋要教新工人姐姐，所以唯有擱置去日本！！><

去唔成日本，去澳門都好，今次應該一行17人，唔會成唔成團呢！？？

去澳門就要 (1) 香港特別行政區護照 + (2)簽證身份書 或 (3) 回鄉證，長遠黎計都要申請 (1)+(2) 好似方便d！


我揀左星期六(平日要返學)帶埋南瓜兄妹去入境處，所以要係某日子做登記(佢地好似20日工作天做預約)，佢地既 booking 好快 full，所以我係可以申請果日就9點做登記........但一山還有一山高，d人仲快手過我，好彩我都 book 到咋！！

https://webapp2.immd.gov.hk/eservices-td-appointment_1_1_41/common/baseFrame.jsp?mpage=..%2Findex.do%3FtokenId=505-sp12-fc8701bd913e46f6b43eeb5f6411d0cd%26serviceId=505%26userLang=zh%26userCountry=hk

以下是適合16歲以下：
- 填表格
>>表格 (ID 842  / ROP3) - 可以去到先填，我就一早填定
>>11歲以下，要出示學校證明文件(例如學生手冊)，若沒有，就要填妥副署事項表格(ID 641)，呢一份要係搵副署人(不可父母)，要交埋副署人既身份證副本 + 簽署 / 小朋友相片，我就搵左公公幫手，因為日日都會見到佢嘛 ^^

- 相片2張

- 小朋友出世紙正本 + 副本

 - 父/母身份證正本 + 副本


18/06/2016 (44M30D) + (26M28D)

嘩！去到已經人山人海，好彩可以搵到位坐咋 ><

等左45分鐘，終於到我地......

南瓜仔好順利咁就做完，但南瓜妹既相有少少遮眉，入境處職員：「我地會將資料SEND上灣仔，如果灣仔職員打俾你，你地就要再交相！」

我：「咁張相即係得唔得！？」

職員：「小朋友無咁嚴，大人就一定唔得！」

(希望收唔到電話啦 ><)

最後就係等俾錢(支票/現金/EPS)，俾完錢就走人啦，差不多用左1.5小時 ........


P.S：因為我地今次帶左小朋友去，所以下次去拎證件就不用再帶小朋友了！

親子好去處@2016 端午節(龍舟水)

09/06/2016 (44M21D) + (26M19D)

原本 hd 話去睇龍舟，但因我早上頭痛，若再曬一曬 .......我怕我會暈倒，所以都係留在家中睇龍舟比賽(電視)！！

上年，南瓜仔未覺有興趣，今年就有興趣，好專心睇比賽 (都係鐘意睇電視呢！？我地平時無俾南瓜仔睇電視，只係公公會俾南瓜仔睇電視，但都係睇新聞).......

當比賽緊時，我：「你估邊隊快d！？」

南瓜仔：「 3號！」

結果真係3號勝出，南瓜仔：「我都話係3號啦！」

午餐，就係食糉 (係我最憎)，都要應下節 .......

之後就午睡 (因為我唔舒服，一早係床瞓左)，瞓醒就去游「龍舟水」！！


目的地：姨姨家(游池)

表妹(姐)、表弟一早已經落左水 .......

↑ 南瓜仔去到游池(細池)已經要落水，同表妹、表弟玩得不知幾開心！！

而南瓜妹就樹熊上身，唔肯落水，問左 n 次，都係話唔落水，唯有係池邊抱住佢啦！

正當班小朋友去左大池後，南瓜妹「突然」要落水玩 ......

南瓜妹一落水就好開心，之後南瓜仔又返來陪佢，但當表妹(姐)黎時，南瓜妹就話要上水！？？

我再問南瓜妹游唔游，佢又話唔游，咁我就帶南瓜妹去姨姨家沖涼 .......

而 hd 就同南瓜仔繼續游，太約游多半小時，就上返姨姨家沖涼！！

之後幾個小朋友就係姨姨家玩 + 晚飯！！

咁又一日啦！！

南瓜妹@接妹妹放學

06/06/2016 (44M17D)+(26M15D)

因南瓜仔同我都請了全日假，見天氣好好，無落雨 (早上仲黃雨添)，就諗住自己去學校接妹妹放學 ......

點知3點多，南瓜仔自然醒左喎！！！

(南瓜妹全日制，下午4時就可以接放學，若搭校巴就5點上校巴)

我：「你留係屋企，媽咪去接妹妹放學！」

南瓜仔：「我又要去！」

我：「我好快返，你留係屋企啦.......」

南瓜仔：「我要接妹妹呀！」

我：「好啦，咁你快快換衫、去veevee」(其實內心係想佢一齊去！)


我就帶南瓜仔搭小巴去學校接妹妹放學........

係小巴上，我：「唔知妹妹見到我地，佢會點！？」

南瓜仔：「好開心囉！」

我：「你又知！？」

南瓜仔：「因為你去學校接我，我就最開心！」

我：「咁媽咪接過你幾多次！？」

南瓜仔立即答：「3次」

我停左數秒，我自己諗一諗，真係3次喎，原來南瓜仔一直都放係心度！><

(第一次：我請左病假，見自己精神幾好，就去接佢放學，俾個驚喜佢！
第二次：下午要去睇醫生，一早通知左會接佢！
第三次：南瓜仔知我請病假(我係咳到嘔，得半條人命，仲要送南瓜仔上校巴)，南瓜仔叫我去學校接佢，當時我答接佢我只能接校巴放學，之後南瓜仔扁住咀同我講想我去學校接佢放學........但最後都去左學校接佢，係唔係好傻！？？好無聊！？？病到半條人命仲要去接佢放學，仲要來回搭的士用左 $260，但見到南瓜仔扁住咀講，都係唔忍心，可能我真係傻！哈！)

↑ 南瓜仔一見到妹妹，開心到跑上前接南瓜妹，仲鍚妹妹......

南瓜妹反而無乜開心，好平靜！！不過一離開學校門口就要拖住南瓜仔，佢兩個仲一路行一路傾計添！！

之後我就再搭小巴回家！！！


我呢個行為，分別俾公公同hd話，佢地覺得我好無聊、好危險 (全程都係馬路)，點解有校巴唔搭 (因為我地無下場，只係回家)，仲要一拖二搭小巴 .......

但作為在職媽媽，我只能上午送南瓜仔上校車，放工接南瓜妹放學 (好彩我都做到上午送一個、放工接一個)，但送返學校、係學校接放學真係無乜機會，所以一有機會我就會去做！！