親子好去處@2017 潑水節

09/04/2017 (4Y7M20D + 3M18D)

地點：九龍城

潑水節，係泰國人過新年既活動 ........

11:30  去左金寶食午餐，我記得未生小朋友時，次次去都會食生蝦同醬爆蝦丸，今次都唔例外，因要睇住兩個小朋友，所以無影相！！

12:30  我地去睇左古色仙女巡遊 (但我一個仙女都見唔到！哈！哈！)

睇完就去玩「潑水」，明明話14:00 先開始，但未到 13:30 已經開始左！！

一早就做左準備，帶埋泳衣同水槍，但我地帶既水槍「太弱雞」，所以即場買左兩支水搶俾南瓜兄妹玩！！

我要睇住啲袋，所以就由hd陪同佢地玩，由於大多人 ......... 有時我都唔知南瓜兄妹去左邊！哈！哈！

不過即使我無落場，都俾人潑水 ><

↑ 據hd所講，南瓜兄妹玩得好開心，南瓜仔仲大膽到四圍撩人玩，而妹妹玩玩下就話支水搶重，但都享受玩既過程！！

我同換衫時，南瓜妹：「媽咪，下次再黎過，好好玩呀！」 (啱啱先玩完喎！？)

玩完，南瓜兄妹仲話要去公園玩，點解佢地仲有咁多電！？竟然都玩，就俾佢地再玩多一陣！！

兩隻南瓜，上車無耐就瞓左啦！！！