南瓜兄妹@賣旗

20/05/2017 (4Y8M1D + 3Y2M29D) 

南瓜妹學校安排幫「防止虐待兒童會」賣旗，咁有意義既活動，我地當然參加啦 ^^

因為10:30係南瓜仔學校表演，所以我地就晨咁早去賣旗 ........

早上，天氣麻麻，所以我都揀左屋苑樓下有瓦遮頭既地方賣旗！

南瓜妹：

一開始，南瓜妹死攬住啲貼紙(旗)，佢話係老師俾佢，全部貼紙都係佢 ><

好不容易從佢手中拎走一板旗，唔知咩原因，賣賣下南瓜妹又主動貼旗係買旗者身上！？

見到佢主動咁做，已經覺得好叻叻啦！

南瓜仔：

一開始，只係肯貼旗，但又唔知點解，賣賣下又主動叫人賣旗喎！？

南瓜仔：「點解佢地唔買旗！？」

呢個就係我想佢去賣旗既原因之一，呢個世界唔會所有人都會聽佢講野，有些人會扮見唔到佢地。

亦有好心人事，見到小朋友賣旗，會主動買旗。