嘉路網誌

2015年12月11日星期五

2015 My Birthday

05/12/2015 (38M16D) + (20M14D)

屋企人同我慶祝生日，晚餐係我至愛打邊爐！！

↑ hd 就買左個蛋糕俾我 (我事先係唔知，hd 叫我妹妹去拎蛋糕)，懶神秘，最開心當然係南瓜兄妹啦，有得食蛋糕嘛！！

其實我都唔明，我只係識中文同英文，點解寫法文為乜呢！？><

仲有張生日咭，不過我係睇住南瓜仔同hd一齊整！

07/12/2015 (38M18D) + (20M16D)

正日啦，原本 hd book 左尖沙咀食自助餐，我當然反對啦，第二日南瓜兄妹要返學，屋企附近食就算，食乜唔重要，最重要係一家四口嘛！

我地就去左 Rudy Tuesday ........

我未睇餐牌，hd 就話今日午餐食得好飽 ........ 咁即係唔駛叫佢個份！？我其實想据扒，但小朋友一定食唔到，我又一定食唔哂，咁即係唔駛叫啦！！><

算了吧！叫小朋友啱食就得，佢地平時最多去食壽司或薄餅，今日就破例俾佢地食下薯條啦，平時無得食架！！

↑ 青口、大蝦通粉、漢堡包及薯條

↓ 睇下南瓜妹幾鐘意食薯條，成個人扒係枱度，都要拎薯條食......

所以又同南瓜仔爭過，唉.......乜都要爭下！！

↑ 咁都要食下蛋糕，南瓜妹就最愛朱古力蛋糕，而南瓜仔就鐘意食士多啤梨，今次無再爭啦！！

第二日 .......

↑ 送了個蛋糕仔俾我！

我都唔明點解無端端送俾我！？都過左生日！？

幾日後 .......

↑ hd 就同我去左 Lardos Steak House 据扒......

今年有乜生日願望！？我既願望都係俾左南瓜兄妹 (人地話唔可以講出生日願望)，希望我願望就達到啦！！

2015年12月9日星期三

親子好去處@香港單車館

06/12/2015 (38M17D) + (20M15D)

目的地：香港單車館

原本天氣咁凍，唔係好想戶外活動 (唔想佢地再病)，但南瓜仔好想去玩遙控船 (屋苑唔俾玩)，唯有同佢地著到"雪人"咁，但佢地好快就話好熱！哈！哈！

↑ 遙控船、"扮"玩滑板車 (全程係我推佢)、玩單車

之後就去食飯啦！！

呢兩個小朋友食飯就越來越煩 ......

原本我叫左2個粟米手卷俾佢地食，點知只係黎左一個粟米手卷. .....

南瓜兄妹就搶住要，最後：「等埋另一手卷黎埋，你地先食，現在放係度先！」

等唔夠5秒，南瓜妹就一手搶左件手卷，仲放埋入口，南瓜仔就喊 .......

之後玉子黎埋，之前佢地會一食，但今次南瓜仔點都唔俾妹妹，仲自己一個人食哂添，南瓜妹當然又喊啦 .......

唯有叫多碟玉子俾佢地食，碟玉子一到，佢兩個就創黎食，好彩每人都都搶到兩件......

但佢地拎左件玉子又唔食，又話飽 .........真係好麻煩！><

去埋將軍澳廣場、popcorn 影下相！！

2015年12月8日星期二

南瓜妹@PN大作戰(3) - 樂基幼兒學校

05/12/2015 (20M14D)

開始 in 心儀學校啦！！

撞正南瓜仔表演 (9:15 - 10:30)，我已經遲幾日先寄出報名表，希望會排去下午先面試 (面試10:30，但要做15分鐘到)，好彩南瓜仔最後表演 10:00 完成，hd 同南瓜妹可以睇完表演先去！！

而呢間學校，我揀左英普班，所以由 hd 負責帶南瓜妹面試！！

但今次面試既安排真係 .......

10:15 - 10:55： 要家長早15分鐘到 (即10:15，但 hd 10:10 已到)，但 hd 排係學校面口排到差不多 11:00 先有得入，排左足足40分鐘！！ (10:35 我已到學校門口，但我唔敢俾南瓜妹見到我，我怕佢會捉住我唔俾我走，因為學校話只可一家長面試，我同南瓜仔就係出面等)

10:55 - 11:10： 學校安排室外活動俾小朋友玩，但係只係玩左唔夠 15分鐘，就 call 左 hd去面試！ (hd 打電話俾我，話我同南瓜仔可以一齊入學校)

11:10 - 11:50：由大門外再登記，安排上課室，再上課室門外 "等"，咁又 40 分鐘。( 11:25 hd 打俾我話可以2個家長一齊見，而南瓜妹又扭計，叫我一齊面試！)

11:50 - 12:08：面試時間用左18分鐘。

全個面試程序有用113分鐘，等候時間係80分鐘 (係排住隊等80分鐘) ><

最令我覺得奇怪係 ......我地係 X39 號碼，但排我地後面係 X98 號碼，hd 話佢地英普班同英粵班分兩條隊！？？即係 X40 - X97 一早就 in 完！？？？

一個未夠2歲小朋友等咁耐，最後結果係咩！？？唔駛我講，大家都估到 .......

面試......

學校安排小組面試，8個小朋友連家長一同入去，但入到去又話唔見左我地份表，攪左一輪，又話搵到 ><

1) 要南瓜妹自己一個坐，家長坐後面，南瓜妹當然唔肯坐，要我抱啦，我就俾餅佢食，都叫肯自己坐定定！！

2) 老師俾一個玩具牌南瓜妹，南瓜妹都肯拎，係呢個時候，hd 想拎左南瓜妹既餅，天呀！！南瓜妹一定狂喊，點解要拎走佢既餅呀！？？最後南瓜妹都係拎住包餅，但之後就指令全部都唔願做 ........

3) 將俾個玩具牌爸爸或媽媽 (但未講之前南瓜妹已經唔肯拎玩具牌)

4) 幫洋娃娃洗面同梳頭，都做到一半！！

5) 問家長問題，問平時帶小朋友去邊同鐘意做乜！？(我諗呢一PART係考家長既普通話)

6) 之後就唱 goodbye song，南瓜妹當然唔啋佢地啦！！

未出門口，南瓜妹已經叫我抱，我都照抱 ..........

呢個學校好出名，面試者起碼幾千人，只能講南瓜妹同呢間學校無緣！！

2015年12月7日星期一

南瓜仔@2015 聖誕表演

05/12/2015 (38M16D)

南瓜仔又表演啦，是升上K1既第一次 ........

南瓜仔又進步了，上次表演是 05/2015，當時南瓜仔只會係屋企做少量動作同唱少少歌，但今次南瓜仔已經可以唱哂成首歌( Jingle bell) 同舞步俾我地睇！！

南瓜仔：「妹妹，你聽日睇我表演，好唔好！？」
南瓜妹：「好！」
我：「但聽日妹妹要去面試，可能睇唔到你表演！」
南瓜仔個樣有少許失望！

表演當天 .....

小朋友表演應不是以高度排，多數以小朋友表演能力排位置，所以南瓜仔 PN 時表演是排第二行，最左既第一個 .......

今次南瓜仔表演既位置係排第一行，中間左右既位置！！！(容許我咁諗 ^^，因南瓜仔隔離既女仔比佢高半個頭以上，而同佢差不多高既小朋友排係第二行最右既位！！)

↑ 個個小朋友都做得好好 (當然我既專注力係放係南瓜仔身上)，南瓜仔全程都跟進舞步，亦有跟住唱歌，而最重要台下既老師係無 "提水" (PN時，佢地表演老師有"提水")

太好彩啦，hd 可以睇完南瓜仔表演，之後hd 就帶南瓜妹去面試，我就留下現場 .......

點知原來仲有 K2 同 K1 一齊大合唱喎！？？？ hd 同南瓜妹無得睇 ><

一大班小朋友一齊出演，最緊張當然係我地一大班家長，個個都爭住霸個靚位影相 (學校有安排攝影區，但係只係俾1班家長，現在2級一齊表演，真係超多人)，我就霸左最前排，對正南瓜仔 .......

南瓜仔見到我：「爸爸呢！？」
我：「爸爸係後面！」
南瓜仔就四圍望爸爸，這一刻，我是否講佢聽爸爸同妹妹去面試呢！？我又怕佢喊 ......