親子好去處@佐敦谷 + 奧海城 (TOMICA 聖誕樂園)

29/11/2015 (38M10D) + (20M8D)

目的地：佐敦谷

天氣太好，最適合就係戶外活動！！

今次我地無去野餐、亦沒有帶帳篷，因為我地係二對二，帶埋帳篷只增加自己既麻煩！！


↑ 遙控車場、踏單車、遊樂場

玩到11點左右，我地就出發去奧海城.......


目的地： 奧海城 (TOMICA 聖誕樂園)

車迷，又點會放過呢！？

去到我地就食飯先，今次終於食到迴轉壽司啦！(好幾次都想食，但次次都排長龍 ><)


↑ 南瓜仔對迴轉壽司好有興趣，所以我地就安排南瓜仔拎，而每次拎南瓜仔都好開心！！(但hd話仲乜唔order，迴轉壽司都唔知轉左幾耐！？我就話，我就係想南瓜仔自己拎 )


↑ 食完飯就去睇  TOMICA，最初以為南瓜仔鐘意，估唔到南瓜妹一樣咁鐘意 ........

而最令我開心係 ......

南瓜兄妹全程係商場自己行 (可能你地唔明，但佢兩個真係好懶，成日唔肯行)，佢兩個一路行、一路玩，仲發出開心既笑聲，實在太感動啦！！