2013 回顧 + 2014 展望

2013 回顧

睇番上年既展望……..

1) 全家人身體健康、開開心心！！健康真是無價 ~~~~~
→  有一排我同南瓜仔一齊病，仲要病左好耐，特別係南瓜仔病，佢又唔肯食藥，見佢食藥自己都係心痛，南瓜仔你要健健康康呀！

2) 搬個大單位，現在多左南瓜仔同工人姐姐，南瓜仔既活動空間真係唔多，而且 HD 仲想多一個小朋友 (但唔會係短期內囉)，梁先生，唔該你做多D野啦！！ 
→  真係會多個小朋友，由我未有南瓜仔想搬個大單位，到現在樓價只有上升無跌過，唯有寄望下年！
   
3) 儲錢，雖然錢不是萬能，但無錢就萬萬不能！！其實我真的想做 FTM，但我都好明白將來用既錢會越來越多 (特別係教育開支)，所以都係搵得一蚊得一蚊！！
→   雖然多左南瓜仔，但暫時開支唔算多左好多，最多係請左工人姐姐，所以都儲到少少錢，但儲來儲去都唔夠樓價升得咁快！！><
 

2014 展望

1) 身體健康，無野比健康重要，所以永遠要排第一位！

2) 搬個大單位，希望2014年樓價真係會跌啦，但由高位跌兩成都好高，跌三成我又覺得無可能，唉！！而另一個問題係我本來一心諗住搬去公司附近，等我可以好快回家照顧BB，但最近同朋友傾開，佢地話當然要搬係小朋友學校附近啦，最好係校網好，但我都無知南瓜仔/南瓜妹會讀到乜學校，咁點揀呀！？？

3) 儲錢，有兩個小朋友，最大一定係教育開支，要繼續努力！

4) 南瓜仔、南瓜妹相親相愛， 我地決定生多一個小朋友，係希望小朋友多個伴，等佢地既生長更開心，希望倆兄妹會愛錫對方！！