南瓜妹@流感針(四價疫苗)

16/01/2015 (9M26D)

續南瓜仔打完流感針，就安排南瓜妹打針......

之前係 join 左智匯既 package 打針，所以佢地安排免費四價流感針(2支)俾南瓜妹！

都諗過樓下打，但問過一間，佢地話南瓜妹太細，一定要兒科醫生打，$5XX 一支，打2針(3歲以下，第1次要打2支，之後每年1支就得) 咁咪要成千！？？？

而上次南瓜仔打針既診所，我對佢地姑娘打針既方法有保留，為何要3個姑娘幫手打針！？好似唔太專業喎！？

不過，免費總有限制啦，就係只能安排平日，所以就要請半日假陪南瓜妹打針.......

Book左早上打，所以帶南瓜仔搭校巴時，就要帶埋妹妹一齊出街，但一個人帶2個真係有點危險，所以叫埋公公陪我一齊去！！

好彩去到唔駛點等就安排打針，南瓜妹喊左2聲就無喊，都好叻女！

一個月後再打埋另外1支流感針！！

↑ 打完針影番張相先！ ^^

體重：17.4磅 (連埋衫)