親子好去處@【2016 農曆新年(初四至初五)】

11/02/2016 (40M23D) + (22M21D) - 初四

我已經要開工了！！

早上，hd 就帶南瓜仔去游水，點知游池無開........

唯有轉去其他游泳池，都係我呢個媽媽唔細心，無上網 check 下幾時開！！


目的地：Table 18 Bar & Restaurant (apm)

晚上就約左我既舊同學出黎食飯 ！！

我地同學既小朋友已經好大個，所以地既小朋友對南瓜兄妹好有「興趣」，不停地想同佢地玩 .......

但佢地玩到無野玩，其中一個小朋友伸條舌出黎，南瓜仔又學佢，最後佢兩個舌對舌，我見到立刻叫 stop ><！

而我班舊同學仲送有禮物俾我地，但我就無預備 ><



11/02/2016 (40M23D) + (22M21D) - 初五 

目的地：朋友家

晚上，去友人家拜年，其中一個朋友好耐好耐無見，友人仲安排左好多食物添！

小食：椰汁燉雪耳鮮百合、杞子圓肉水、蘿蔔糕
正餐：瑤柱翡翠苗、日式腐皮上湯烏冬、盆菜、壽司、甜蝦刺身

甜品：桂花糕、乳酪

一班小朋友(5個小朋友)當然玩得好開心，特別南瓜仔見到有火車玩，雙眼發哂光！！

臨走前，南瓜仔：「我唔走我！」
我：「我地要返屋企啦！」
南瓜仔：「我唔走我，我要同蔓芝玩！」
我：「傻豬，我地同蔓芝一齊搭車走！」
南瓜仔：「哦，一齊走！？我要同蔓芝一齊坐！」

之後全程拖住蔓芝.......
我：「你鐘意veanna定係蔓芝！？」
南瓜仔：「我鐘意蔓芝！」

係車上，南瓜仔：「姨姨，我尋日去你屋企！？」
姨姨：「明天有人黎我屋企，我約你下次同蔓芝一齊去游水！」
南瓜仔：「好！」

返到屋企， 南瓜仔：「姐姐，我下星期去蔓芝屋企游水！」(無約實 ><)