南瓜仔@2016 Variety Show

南瓜仔又大個左，已經可以講到表演乜俾我地知，一早已經係屋企跳左 n 次俾我地睇.......

臨表演前一日：「Ms Sammi 話明天要8點到，去返上次表演既地方 (不在學校表演)。」(其實我唔明白，明明佢老師係 NET，但每次回來都係用廣東話講番出來！？？)

而表演衫就由學校安排，見到一大班小朋友一齊著，又真係幾可愛！！


21/05/2016 (44M2D)

每年，學校都安排小朋友有兩次大型表演，兩次都係外出 book 場 (仲係免費，應該話係雜費包埋！？)，呢個安排我係好鐘意，可以俾小朋友係台上俾幾百人 (陌生人) 睇，而家長又可以睇到小朋友既表演 (我諗大部份家長都鐘意睇)，學校又會安排"拍攝區" 俾家長影相 + 攝錄 (雖然學校有安排大會攝錄，但家長們都係鐘意自己拍攝)。

今次表演係《Better when I'm dancing Megham Trainor》！

↑ 佢地既舞步又深左、多左、細緻左，更加多左合作性。

如果單獨睇南瓜仔表演，佢既表演都係跟到拍字、舞步，都好可愛架！

但一拍埋班女同學，就好明顯知道南瓜仔係無跳舞天份 ！ (我唔知班女同學有無出去學跳舞，佢地既舞姿真係同南瓜仔不一樣！)

不過係為媽咪，我都好滿意南瓜仔表演，一個只係3歲多既小朋友，係幾百人面前表演，都算係咁！

最後就係同半級K1 + 全級K2，一齊表演！！


提外話：

學校除左安排班際表演外，仲有個人表演同親子表演 (我當然無參加啦！)，不過可以見到 d 家長真係好有心機培養小朋友，有豎琴、鋼琴、跆拳道、英文講故事、普通話朗誦、英文話劇、魔術表演等，睇黎我都好 hea 下！哈！哈！