南瓜妹@PG - 第二次家長日

去完南瓜仔表演後，就約左南瓜仔既同學踏單車，之後就去南瓜妹既家長日！

21/05/2016 (26M)

今次，係第一次我同 hd 一齊出席家長日，當然帶埋南瓜兄妹啦，不過呢兩個小朋友竟然掛住跑 ><

班主任評語：
- 會主動教小朋友 (明明全校最細就係佢)
- 識得中文字，如：天、口、手、人、花等 (我無詳細問)
- 小肌肉發展正常
- 大肌肉發展比同齡慢 (睇黎真係要多帶南瓜妹去公園先得！)
- 要指明同某小朋友坐 (老師教不可以，每個小朋友都可以坐佢隔離)
- 仲未ready戒片(希望學校可以7月前同南瓜妹戒埋啦！)
- 主動同老師傾計
- 鐘意唱歌同跳舞 (南瓜妹睇哥哥表演時，會跟哥哥一齊跳)

之前，我未正式同班主任講，南瓜妹將會下學年轉校，所以我就班主任講埋 ........

呢間學校都不錯(最重要係無乜假期，在職父母最 LIKE)，不過可能係村校關係，佢地既學生升學絕大部份都係讀津校，而我既目標係私小或直資 (不是學校沒有學術，只係d小朋友無去考)，而且我都好坦白同老師講，轉校原因係新校較出名。


後記：

係家長日前一天，我收到學校既電話打來，話明年 PN 會開全日制 ......

之後陸續南瓜妹既同學都揀留校升 (因最初無全日制PN，現在學校俾左1星期時間俾我地考慮)，當我知道佢地原校升時，突然好想南瓜妹留原校！

南瓜妹真係好鐘意佢既同學仔，更鐘意佢既班主任，而且南瓜妹返全日制，我就唔駛煩好多野，同現在既安排可以一模一樣 ........

可惜 ...... hd 反對 (預估之內)！！